WANGSHEMBU MWOT 23:10 - OTSAO BAIBEL (BSI)

¹⁰ Hwom khama kax ma alankya hyet ma shu, ikhoma hwome Pol ashik akhix lewüi awütüi le süpahi lompa zale ngo. Idaile chix julaxle othom kha angkya Pol zanhu nui to dün angkya süpahibu ang kaxkox.

WANGSHEMBU MWOT 23:10 ပူးပေါင်းရင်းမြစ်များ

JAKOP 3:14

Ikoxle ma mong khato nang ma khukya, khaxkya, nüfux, ibu tüile jangchang thüiningle nang a je-hwon khoma tsaichong-kaxbongkyae otsingtsing zongto ochax taxlyen.

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.

WANGSHEMBU MWOT 22:24

Rom süpahi lompae Pol zanhu nui to dün angkya kaxkox, üntoxle Jehudi khünakbu chix füi itukux chem khoma awukpuix Ija hanpak opaktik ang chix to fitkox le tom.

WANGSHEMBU MWOT 23:32

Ofüi nyix chama ahamkya süpahibu zanhu nui to chat üntoxle mankho ma ngakya süpahibu chix füi tomle pao ang dantox.

WANGSHEMBU MWOT 23:27

Ija mixsün a Jehudi khünakbue kop laxle balang langsa. Kue chix Roman nokpu tuita changpu le awan ang kople, idaile ku süpahibu ziklaxle sünle kopwüi.

WANGSHEMBU MWOT 23:16

Ikoxle Pol hona hosae ile tungkya atatle lax, idaile zanhu nui to donglaxle chixe ija Pol hama wün.

MIKA 3:3

Hünzome ku khünaknu saxle awüt. Hünzome hwom khwon atsi, hwom zabu apak, ilaxle hwom müibu a tik ma sho ang tsople akhix.

MÜNCHUAK-TSAI 50:22

“Ija kax apa koplax, hünzom ku ahaile changkyabu, chichangba kue hünzom oli thuüi, ilaxle hünzom khose angkya owachu chitüiüi.

MÜNCHUAK-TSAI 7:2

chichangthüiba mailang tuitae tswonle paopupule hwome ku tswonle paoüi, ikhato ku owaechu sünle kop ang chithoüi, ilaxle ikhato hwome ku ashik-afünle awütüi.

WANGSHEMBU MWOT 21:37

Hwome Pol zanhu nui to paoüi khakha ma, chixe süpahi lompa ma kaxju le thüi: “Kue nang füi kax tuita akax ang tsuak angchahex?” “Nange Grik kax awanpia?”, le süpahi lompae atüi.

WANGSHEMBU MWOT 23:28

Hwome chix ma chem bama kaxhux fepuix ija awanse tsulaxle kue chix hwom nguawangbu hato jopu.

2 KORIN 11:26

Wünhamkya tuk ma ku obi thomthom ma hexle tinu mualyemkya hia ahux mixbu tokhange, Jehudi nok hia mixnokbu tokhange thama apong angkya lai; tingnubu to thamakya, Molo-Tinu mongto thamakya, ilaxlechu othai zuikhuibu tokhange apüikya thama, ibu füi ku asao angkya lai.

WANGSHEMBU MWOT 24:7

ikoxle süpahi lompa Laisias hüilaxle chixe kwom kha angkya ija mixsün zongzukle paopu.