WANGSHEMBU MWOT 23:1 - OTSAO BAIBEL (BSI)

¹ Pol-e nguawangbu to tangthole hu ilaxle akax: “Kutüi kunaohom! Anyix kople Zang pomtho ma ku tsün bama ku khangka tsaotha le otya ma wüi tüitan.”

WANGSHEMBU MWOT 23:1 ပူးပေါင်းရင်းမြစ်များ

WANGSHEMBU MWOT 24:16

Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.

2 TIMOTHI 1:3

Ku putong hwome mokle hüikya ningle khangka hingle kue Zang owa thothapuix, kue chix ang münchong fapu. Zangnak zangngai ku zangjop ma hünzom texle atak pongma kue chix to münchong fapu.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

IBRI 13:18

Kwom hanpakma zangjople ngohüi. Kwome awanle ngopu, kwom khangka hingle tüile, chemthüikoxle chaliama kwome chem supuix ija mokse tsupu.

1 KORIN 4:4

Ku khangka tsaotha le tüile, ikoxlechu ijae ku sukya mix changpu le ahoüi münchang. Ku bama kaxfün angkya a Jowanpa changle.

WANGSHEMBU MWOT 22:5

Nguakhobu hia nguawangbue ija ku kax changtomta kox-a le kaxkhi fa ang tsuaküi. Damaska ma ngokya Jehudi khünakbu hato zakya hwom angkya laiza füi, ibu khünakbu koplaxle janbüi füi khak üntoxle sikangün ang Jerusalem to laxlaxle chat angkya hanpakmale ku Damaska to paokya changpu.

2 KORIN 4:2

Zakkop hia huxsa mwot komle kwome tokna to toxdaoa; kwome a mix dyen-nganle münmok, chichangba kwome Zang kax chichangkya ang münachang. Zang miksho ma kwome otsingtsing kaxho ngaitho le apukpu, ilaxle pangnusae wüi kwom to sule le naxhu le texpu.

WANGSHEMBU MWOT 23:6

Otue Pol-e othom khama züizüi a sadukibu changa üntoxle mamabu a farisibu changa le ngünpuix, chixe nguawangbu füi azaxle akax: “Kutüi kunaohom! Ku anu apa hwomchu wüi farisi changkya daile ku chuwüi farisi changle. Kue zidaokya chatle azangle zoüi le ongkya khoma ikhama ku tsetwon angkya laipu!”

WANWÜNKAX 28:1

Hwom to owaechu chiachua pongma chichang-chizangkya khünakbu pao ma sütle, ikoxle sukya khünak a mailang ningle mongchongle.

1 PITAR 3:16

Ikoxlechu ija kax to zingmüi ma tamchu chathua zakya füi lankox. Hünzom zanglom saikha müikya ngünlaxle, Khrista füito azuikyabu le hünzom ahai le ada pongma hwome thünzak kop angkya kuxma hünzom tutex tsaotha le thomlax.

WANGSHEMBU MWOT 22:30

Ofüi nyix, Jehudi khünakbue chix ma chem tsaihux kaxhux fepuix le opaktik ang chix da ilaxle nguakhobu hia nguawangbu nyakle asox ilaxle Pol jolaxle hwom thüntho ma ajong.

WANGSHEMBU MWOT 6:15

Nguawangbu tusox ma ngokya khünakbue Stefen to athangle hu ilaxle hwome chix thünza kaxtaimix thünza ningle ngün.

WANGSHEMBU MWOT 22:1

“Apu-apahom ilaxle kushem kuzuihom, hünzom thüntho ma kue ma khosele akax fang, shong apa hüi!”

MATHI 5:22

Ikoxchu athax kue thüipu, owawae matüi manao füi mongtsikle jangchang, chix a kaxfün nui to apüi angkya changle. Matüi manao ang ‘nang chilaxli’, le thüikya khünak a nguawangbu chitong ma apüiüi; tamchu matüi manao ang ‘mwot to chihüikya angapa’, le nyakkya khünak a omalum wünkham to le angkya thangma ma tüile.

WANGSHEMBU MWOT 23:15

Athax a hünzome tamchu nguawangbue Roman süpahi lompa hato chix bama anaolechu tsaitong kaxza sümüile awanle laxse tsupu, le atsing laxle, Pol hünzom hato ajohüi le kax koxkox. Ilaxle chixe ikha kopüi thoto wüi chix lang ang kwom atha anyemle ngoüi.”

WANGSHEMBU MWOT 23:20

Chixe lan: “Pol bama tsaitong kaxza sümüile awanle laxsele atsing laxle, Jehudi nok pünpa-chongwangbue ngainyix nang ma Nguawangbu hato Pol johüi le ju angkya azuadaoa.

WANGSHEMBU MWOT 23:28

Hwome chix ma chem bama kaxhux fepuix ija awanse tsulaxle kue chix hwom nguawangbu hato jopu.