WANGSHEMBU MWOT 22:3 - OTSAO BAIBEL (BSI)

³ “Ku a Jehudi khünak, Silisia angkya Tarsas ma puxkya changle, ikoxlechu ija Jerusalem ma Gamaliel chitong ma lainao tuita ningle tsongle hüikya mix changpu. Bangkya kem pupa wanlom to angkya bama kue thutle awan kopkya changpu, ilaxle anyix hünzom ningle kuechu wüi tsuakkya apongle ma tsün Zang mwottho to koxle thomkya mix changpu.

WANGSHEMBU MWOT 22:3 ပူးပေါင်းရင်းမြစ်များ

WANGSHEMBU MWOT 26:5

Hwome kaxkhi fa ang jangtsuba, ku pongwang tokhange wüi kwom zanglom ma shingmongle tüikya farisi othom khato ngokya changpu. Ija hwome jento awan ngopu.

WANGSHEMBU MWOT 9:11

Jowanpa-e chix ang thüi: “Achwonlax ilaxle lomnu tangthokya ma lekox, ilaxle Juda hom ma Tarsas tokya nguikya Sol ojonghex le atüikox. Chixe zangjople ngole,

WANGSHEMBU MWOT 5:34

Ikoxle hwom khama Gamaliel le amünkya farisi mixsün tuita tüikya; chix a noke chathua zale e-sekya mix tuita wanlom nwotmixbu changkya; chix nguawangbu tu ma ajong. Chixe wangshembu homtho to alai angkya kaxkox,

WANGSHEMBU MWOT 21:39

Pol-e lan: “Ku a Jehudi khünak, Silisia angkya Tarsas ma puxle akhokya tingnu ma nokpu tuita changpu. Ku ang khünaknu füi akax ang shongfa hüi.”

WANGSHEMBU MWOT 21:20

Chix kax atatkya füima hwom pangnue Zang achuak. Ifüima hwome Pol ang thüi: “Tüinao! Ija chemle changpuix nange ngünle ngotüi. Mongong le hüikya Jehudi khünakbu hajat-hajat tüihule, ilaxle hwom pangwüi wanlom ma shingmongle ngokyabu changle.

2 KORIN 11:22

Hwom Ibri khünakbu changpuix nyi? Kuchu wüi Ibri khünak changle. Hwom Israel khünak changpuix nyi? Kuchu wüi changle. Hwom Abraham sixli changpuix nyi? Kuchu wüi changle.

KAXHO MÜIKYA LUK 10:39

Üntoxle she ang Meri le amünkya honao tuita tüikya, she-e a Jowanpa chitong ma thung laxle chix kax apa.

2 WANGHOMBU 4:38

Hanpak tuita ma, chaxwan pangnu khato tuinu nuaknu le le changpongma, Elisha a Gilgal to chat. Chixe ajebu othom hama anwot-anole ngopongma, chixe chix dapa füi tiknu tuita wün ma talaxle hwom hanpakma suiti zing angkya kaxkox.

TSAITONG-KAXTONG 33:3

Jowanpae chix khünaknu to mongkün ilaxle chix kux ang ngokyabu kho-awa. Ikhoma kwom chix chitong ma akhux ilaxle chix kaxtombu kax ma lax.

ROM NOK HATO ZAKYA POL LAIZA 11:1

Ifüima kue atüi; Zange chix khünaknu chilaxle awütpia? Chemthüikya to! Ku ngaxchu Benjamin homjen khama Abraham sixli, tuita Israel khünak changpu.

WANGSHEMBU MWOT 23:6

Otue Pol-e othom khama züizüi a sadukibu changa üntoxle mamabu a farisibu changa le ngünpuix, chixe nguawangbu füi azaxle akax: “Kutüi kunaohom! Ku anu apa hwomchu wüi farisi changkya daile ku chuwüi farisi changle. Kue zidaokya chatle azangle zoüi le ongkya khoma ikhama ku tsetwon angkya laipu!”

WANGSHEMBU MWOT 6:9

Ikoxle züizüi chix füi apüi ang süt; hwom a da ang ngokya dandaokyabu sinagok ma mün tüikyabu changkya (hwome nyakkya ningle), ilaxle ikhama Sirini hia Alekjendria tokya Jehudi khünakbuchu wüi tüikya. Hwom bomachu Silisia hia Asia tokya mama Jehudi khünakbue Stefen füi kax ma alat ang süt.

2 SAMUEL 21:2

Gibeon nok a Israel nok chichang; hwom a Amor nok hidaole tüikya khünak othom, ilaxle Israel khünakbue hwom kho-awa angkya tsaosaxle chang, ikoxlechu Israel hia Judah khünaknu hanpakma chix ma mongtsukya tuita tüikya khomale chixe hwom pangwüi amüt ang azong.)

GALATIA 1:21

Ifüima ku Siria hia Silisia chaxwan to pao.

GALATIA 1:14

Jehudi zanglom süt-mwot lom to angchu Jehudi khünak ku-tsyem ku-dang khama ku tunpa changkya, ilaxle kwom pupa ma bangkya süttho-mwotlom bama kue khünzule mok ngokya.

WANGSHEMBU MWOT 23:34

Gowarnor-e laiza ilaxle Pol ma chix opupu nok tokya hex le atüi. Otue chixe Pol a Silisia tokya changpu le awan ang kop,

WANGSHEMBU MWOT 15:41

Müimüithombu zong adün le chix Siria hia Silisia makhange le

WANGSHEMBU MWOT 15:23

Hwome ibu makhange ija laiza akat: “Hünzom tüinaobu kwom, wangshembu üntoxle tüichong mixmüibue Antiok tingnu ma tüikya üntoxle Siria hia Silisia haxtok ma tüikya tüinaohom, nuput ma mixnok, hünzom pangwüi hato salam fapu.

WANGSHEMBU MWOT 11:25

Ifüima Barnaba-e Tarsas to kalaxle Sol lom.

WANGSHEMBU MWOT 9:30

Chix tüinaobue ija awan laxkya zuma, hwome Sol kaisaria to jo ilaxle imakhange chix Tarsas to chat.

KAXHO MÜIKYA LUK 8:35

Bülepang changdaokoxpu le hu ang khünaknu laile pao, üntoxle otue hwom Jisu hato nguipuix, chix angkya haxshix laile paokya mixsün khangka hingle üntoxle nyilax laxle Jisu chitong ma thungle ngokya ngün; ngünlaxle hwom pangnu wüi za.

KAXHO MÜIKYA LUK 2:46

Nyix azom lekya to tix hokhie chix Zangshwom-Hom to atak. Chixe Jehudi nok wanlom tsingpabu kax apa ilaxle chixechu hwom ma kax atüikyalibu atüile ngokya.

WANGSHEMBU MWOT 9:1

Ibaba ma Sol-e Jisu Khrista wangpünbu lang-huakle zothup ngo. Chix nguakho hato pao,

WANGSHEMBU MWOT 26:9

“Nazareth nok Jisu füi opüipüi tsuakkya apongle moküile ku jaoe texkya.