WANGSHEMBU MWOT 22:14 - OTSAO BAIBEL (BSI)

¹⁴ Chixe thüi: ‘Chix mongtex tsing angkya chix otsao da ngün angkya üntoxle chix tun makhange akaxkya chix kaxzing atat angkya hanpakma kem pupa hwom Zange nang zünle kopdaoa.

WANGSHEMBU MWOT 22:14 ပူးပေါင်းရင်းမြစ်များ

GALATIA 1:12

Ija kue khünak opupu angkya kopkyachu münchang. Ku hato ija angaile fakya mix a Khrista chix tomtata changle.

1 KORIN 15:8

Oshukma chix, hanpak manguiba puxkya nao ningle tüikoxchu, ku hato laile aho.

1 KORIN 9:1

Ku a mongtex ma ngo ang dankya mix münchang hexnyi? Ku a wangshem tuita münchang hexnyi? Kue kem Jowanpa Jisu Khrista mangün hexnyi? Jowanpa ma hünzom ku füi tomle üitho münchang hexnyi?

WANGSHEMBU MWOT 26:16

Ikoxlechu zolax, nang chama ajonglax. Nang hato ku ngaikya a, nang a ku da ang kam angkya hanpakma changle; nange ku bama anyix chem ngünpuix ilaxle kue nang hama füichi hanpak chem aho angkya tüipuix ija bama nange mix hama kaxkhi fa angkya changle.

WANGSHEMBU MWOT 9:15

Jowanpa-e chix ang thüi: “Paokox! Chemthüikoxle kue chix ku mwot mok ang kamdaoa. Chixe ku mün mixnokbu hia hwom wanghombu hato tsingang tomüi.

1 JUHAN 2:1

Kusahom, hünzom ochax chilyenle tüi angkya hanpakma kue hünzom hato ija laiza zapu; ikoxlechu owawae ochax jangmok thünba, kem mün ma Hopa ma chingcha ju angkya mix kem ang otsao khünak tuita Jisu Khrista tüipu.

ROM NOK HATO ZAKYA POL LAIZA 1:1

Khrista Jisu da, ilaxle kamle kopkya wangshem tuita tamchu Kaxho Müikya apuk angkya hanpakma Zange nyakle kopkya mixsün Pol tokhange:

WANGSHEMBU MWOT 9:17

Ikhoma Anania pao, ija hom to ngui ilaxle Sol to chix chak füi twon. Chixe thüi: “Tüinao Sol, Jowanpa Jisu chix jaojaoe ku tsanle ahüikya changle. Chix a nang ikhato hüiüi lom to nang füi apongkya mix changle. Nange chatle ngün ang kop angkya kuxma üntoxlechu nang Otsao Chasae awang angkya hanpakmale chixe ku tsanle ahüikya changle.”

WANGSHEMBU MWOT 7:52

Hünzom pupa hwome sik-chiangünkya aje tuita ngaxchu tüichahex? Chix Otsao Da tuita ngui angkya bama kai wüi apuale fakya Zang kaxho mixbu hwome lang. Athaxchu wüi hünzome chix khohang ilaxle langdaoa.

1 KORIN 11:23

Kue hünzom hato taile apuk-apuakya a kue Zang tokhange kopkya kax changle. Ija a ile: Jowanpa Jisu-e chix dyenkya ja ankhao tuita lax,

WANGSHEMBU MWOT 24:14

Changpu: hwome thaile le thüikya olom ma kue kwom pupa hwom Zang to shwomkoxa. Ile Mosa Wanlom ma hia ajebu Lai ma zakya pangnu to kuechu wüi ongpu.

WANGSHEMBU MWOT 22:18

ima kue Jowanpa ngün, iponge chixe thüi: ‘Momlax üntoxle Jerusalem nonokhaile dantoxdao, chemthüikoxle ikha angkya khünakbue nange ku bama kaxkhi fakya pongle münkopüi.’

WANGSHEMBU MWOT 13:17

Ibibi Israel khünaknue shwomkya Zange kem putong hwom zünle kop, üntoxle mixnok chaxwan Ijip to ngotanto Zange hwom chongkya jat tuita ang achang. Chix tsakzong chongkya füi chixe hwom Ijip angkya alaile pao,

WANGSHEMBU MWOT 5:30

Hünzome pünsak ma takle langkya füima, kwom pupa hwom Zange ija Jisu chatle azang ang tompu.

JUHAN 15:16

Hünzome ku zünle kopkya chichang, ikoxle otsün lole ngokyali oziak huanuma ziakle pao angkya hanpakma kue hünzome zünlaxle kamle koppu. Ikhoma hünzome ku mün ma chix ma ajuju komle chixe kox angkya changle.

DANEL 2:23

Kue nang to shwompu ilaxle nang achuakpu, nang kwom pupa hwom Zang. Je-hwon hia tsak-zong ku ang nange koxpu; ku zangjop to nange lanpu ilaxle wanghompa hama chem akax angkya hex ija kwom hama nange aho fapu.”

JEREMIA 1:5

“Kue nang ang khüzün zakdün koxüi thoto wüi zünle kopkya changpu, ilaxle nang puxüi thoto wüi nang a jat-libu hato ajepa tuita ang zünle kopdaoa.”

IZRA 7:27

Izra-e thüi: “Kem putong hwom Zang, Jowanpa, chix achuak kox! Chixe chongwangpa ang ija ningle Jerusalem angkya chix Zangshwom-Hom achuak-achen ang tomdaoa.

1 PUKAX-PANGAO 29:18

Kwom putong Abraham, Isak, hia Jakop, hwom Khüthak Zang, nang khünaknu mong khama iningkya haxjop-zangkhom jento janzüi tüikya füi ngo ang tomkox ilaxle jento nang to mongong tüikya füi ngo ang tomkox.

LAIPAO 15:2

Jowanpa a kutsak-kuzong tamchu ku kho-awapa; Ku khosünle kopkya a chix changpu. Chix a ku Zang, kue chix achuaküi, ku apa Zang, kue chix chongkya achuakle tsai ngaoüi.

TITA 1:1

Zang da tamchu Khrista wangshem Pol tokhange: Zange zün le kopkya khünaknu to fong ang ilaxle oshuk chitüikya khosün monghom chifün ang laxlaxle ngokya kem zanglome anwot-anokya otsingtsing hato hwom zun le apüi ang ku zün le koplax le tsanle apaokya changpu.

2 TIMOTHI 1:1

Zang mongtex makhange Jisu Khrista wangshem tuita, owae kem Khrista Jisu füikya notom ma tsaole thomkya tsün khüzün bama apuk ang tsanle apaopuix, ija Pol tokhange:

GALATIA 1:15

Ikoxle Zange ku puxpaiüi thoto wüi zünle kop, üntoxle chix mwot mok ang sele lax.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

1 KORIN 15:3

Kue kopkya, okhüzax ang laxlaxle kue hünzom hato taile fakya a: Otsao Lai ma zale tüikya ningle, Khrista kem ochax khoma zipu;

2 PUKAX-PANGAO 30:19

“O Jowanpa, kwom putong hwom Zang, nang künmüi-mongmüi füi, ma kün-hi-mong makhange zongbakle nang to shwomle ngokyabu, zanglom ma hwom otsao ang machang koxlechu, ibu thaikya nange alakkox.”

2 PUKAX-PANGAO 28:25

Judah haxtok angkya tingnu hia tinglong pangkha towüi chixe songsari baozangbu to shwom angkya onui zaile alai, ikhato hwome mixnok baozangbu ang ongan müikya sobu zokle tö kox. Ija ningle chixe ma hato alüile, hwom putong hwom Zang, Jowanpa mongtsik ahyenle lax.

1 PUKAX-PANGAO 12:17

Dawid a hwom füi apong ang zik ilaxle thüi: “Hünzom ku to fong ang zuikhui ningle nguikya jangchang, hünzom a mongmüimüile pongle koppu, kwom khato hak-hüi! Ikoxlechu hünzom mong ma zanpabu chak to ku khohang angkya tsingtsang tüile jangchang thüiningle, kue hünzom to chem oma chithüikoxlechu, kem pupa hwom Zang-e ija awanle laxüi ilaxle chixe hünzom to sikangünle changüi.”

2 WANGHOMBU 21:22

Hopu hwom Zang, Jowanpa a chixe pongle chikop, ilaxle chixe Jowanpa kaxtombu kax ma chilax.

1 PITAR 2:22

“Chixe ochax chemchu chimok, chichangba chix tunpün makhange, kaxthai zang wünkya, owaechu chiatat.”

WANGSHEMBU MWOT 22:15

Nange chem ngündaopuix üntoxle atatdaopuix ibu pangnu khünak nok hato wün angkya bama nang tuita chix kaxkhi ang achangüi.