WANGSHEMBU MWOT 21:9 - OTSAO BAIBEL (BSI)

⁹ Chix ang sacha hwom naocha ali tüikya; hwome Zang kaxho apuk.

WANGSHEMBU MWOT 21:9 ပူးပေါင်းရင်းမြစ်များ

WANGSHEMBU MWOT 2:17

“Zange thüile: ‘Hanpak ashukle hüikya zuma khünaknu ang kue Chasa thokle koxüi. Hünzom susabue Haxzang Kaxho khünaknu hato apuküi; hünzom naosünbue mikngün ohün ngünüi, hünzom azupabue wünmang amangüi,

MIKNGÜN-OHÜN 2:20

Ikoxlechu kue nang füi ija akaxpu: Owae ma alüile Zang kaxho mix changpu le thüipuix, ija mixcha Jezebel füi nange adu. Ku dabue chinunchakkai mwot mokkya tamchu chapabu ang koxdaokya süt saxkya a she hwon-nwot changle.

KAXHO MÜIKYA LUK 2:36

Ashar jat angkya Fanuel sasün ajenu Anna le amünkya azunu tuita tüikya. (She owüiole azu-ünkya; üntoxle she naocha ponge zang anüt hokakopa füi ngo laxle,

JOEL 2:28

“Ifüima kue ku Chasa pangnusa ang thokle koxüi; hünzom sasün hia sacha hwome ku kaxho apuküi; hünzom zunu-zupabue wünmangbu ngünüi, ilaxle hünzom tsünzünbue mikza wünmangbu ngünüi.

LAIPAO 15:20

Ajenu Miriam, Arun nanao; she-e khopsya koplaxle azüi ilaxle shekobu pangnue she mantole khopsyabu akhaole azüi.

WANGSHEMBU MWOT 13:1

Antiok angkya onok müimüithom khama züizüi ajebu tamchu nwot-mixbu tüikya. Hwom a: Barnaba, Simeon (mixnak le nyakkya), Lusia (Sirini tokya), Manahem (chongwangpa Herod füi tomle chongkya mix) üntoxle Sol.

NEHEMIA 6:14

Kue zangjop: “Zang, Tobiah hia Sanballat nyie mokkya mwot texle ataklax ilaxle hokhi to sikangün kox. Ajenu Noadiah hia mama ajebu opange ku aza ang azong daopuix, hwom texle atakkox.”

2 WANGHOMBU 22:14

Hilkiah, Ahikam, Akbor, Shafan hia Asaiah hwom, Huldah le amünkya ajenu owa Jerusalem tingzün zong ma ngole tüipuix, she füi tsaitik-kaxshole chang ang pao. (She kakopa Shallum, owa Tikwah sasün tamchu Harhas susün changkya hex, chix a Zangshwom-Hom nyi-za to hu-mix changkya.) Hwome she hama, chemle pang changpuix bakle akhixle wünle kox,

KAXFÜNPA-HWOM 4:4

Ipongma Deborah, Lappidoth kakonu a tuita ajenu changkya, ilaxle she-e ipongma Israel nok ma kaxfün fakya mwot mokle tüikya.

1 KORIN 7:38

Ilaxle chix naocha ija laxkya mixe müikya mokpu; üntoxle kako tankya füi atsaile ngo tsuakkya mixe ifüi sümüikya mokpu.

EZEKEL 13:17

Jowanpae akax: “Athax, ziün angkya khünak, hünzom khama füichi hanpak kaxho fale aje ngokya ajenubu to hulax. Ibu awüt toxdao