WANGSHEMBU MWOT 21:33 - OTSAO BAIBEL (BSI)

³³ Süpahi-Lompa Pol hato hüi, chix kop, ilaxle janbüi anyi füi mongle kha angkya kaxkox. Ifüima chixe atüi: “Ija a owa changkya, üntoxle chixe chem zia amadaopu?”

WANGSHEMBU MWOT 21:33 ပူးပေါင်းရင်းမြစ်များ

EFISIA 6:20

Ipongkhae ku kun to tüikoxlechu ija Kaxho Müikya hanpakma ku Zang khünak tuita changpu. Akax angkya olom ma Kaxho Müikya bama mongchongle naxakax tsuak ang ku bama zangjop-hüi.

WANGSHEMBU MWOT 21:11

Chix kwom hato hüi, Pol kux züpak lax, ija füi chix cha hia chix chak to kha, ilaxle thüi: “Ija a Otsao Chasae akaxkya kax changle: Ija züpak hopupa to Jerusalem ma Jehudi khünakbue ilailaile khaüi, ilaxle hwome chix mixnokbu chak to owüiole koxüi.”

WANGSHEMBU MWOT 20:23

Kun ma sho angkya hia sikngüne ku tanle ngole le tingnu pangkha towüi ku ang kaxkhün fale hüikya tata kue awanwüi.

WANGSHEMBU MWOT 12:6

Ngainyix ningle Herod-e chix noknu thüntho ma alaiüi le, ija ja Pitar a nyetmix mixsün anyi obama jiple ngokya. Chix a janbüi anyi füi: tuita a nyetmix tuita ma ilaxle ata janbüi a tuita nyetmix male adüile kha thomkya üntoxle kun fülom machu nyetmixbu tüihukya.

WANGSHEMBU MWOT 28:20

Ija khoma hünzom ngünse tamchu hünzom füi zangwünse texpu; chemthüikoxle Israel khünaknue sungle ngokya mixsün khoma ku chak ma ija jankap lang angkya laipu.”

WANGSHEMBU MWOT 22:29

Ifüi shemle Pol ma kax atüi ang thüikya khünakbu chix ha angkya chat; ilaxle Pol Roman nokpu changkya khakle koplaxle süpahi lompa abanle ngo.

2 TIMOTHI 2:9

Kaxho Müikya apukkya khoma, kue sikngün apong ilaxle mütkop daokya mix tukuxle ku khale thom. Ikoxchu Zang kax a kople chithom,

2 TIMOTHI 1:16

Onesifora hwom homkha ang Zange chingcha naxaho, chemthüikoxle chixe obi thomthom ma hexle ku mong amüi daoa. Ku kun to tüikya bama chix chiazak,

WANGSHEMBU MWOT 26:29

Pol-e lan: “Noxtakya bama wüi changlax, hanpak homle wüi changlax, nang ilaxle mamabuchu wüi, anyix ku kax apa ngokyabu pangwüi ku ningle chang angkya a ku zangjop changle bachutix hünzomchu ku ningle khakle thom angkya a ku zangjop münchang!”

WANGSHEMBU MWOT 25:16

Ikoxle kue hwom ang, Roman khünake kaxfyet füikya mix, chix ma kaxfekyabu füi thünkhang asaole tsetwonle machang tanto üntoxle hopupa ang ma khose angkya hanpak chifa homtoxle owawachu owüiole kox angkya olom müntüile akaxdaoa.

KAXFÜNPA-HWOM 16:21

Filistia noke chix kop ilaxle mik lokle awüt. Hwome chix a Gaza to pao, khop janbüi füi hwome chix to kha, ilaxle chix ang kun kha tokhange saxthukya khato mwot mok ang tom.

KAXFÜNPA-HWOM 16:12

Ikhoma Delilah zu hozünbu apüi ilaxle chix to kha. Ifüima she akhong: “Samson! Filistia nokbu nguile!” Khünakbu a mama nui ma azwonle ngokya. Ikoxle chix chak angkya zubu a chixe zisa afünle awütkya lailaile afünle awüt.

KAXFÜNPA-HWOM 16:8

Ikhoma Filistia wanghombue Delilah hato hapkong zu anüt ohing apüile kox, ilaxle she-e Samson to khakle kop.

KAXFÜNPA-HWOM 15:13

Hwome lan: “Müiüi, kwome nang koplaxle khaklan laxle hwom chak to dandao angkya achangle, kwome nang a münlangpu.” Ikhoma hwome zu hozün anyi füi chix to kha ilaxle ija zakzyen tokya apüilaxle chix apüi.

WANGSHEMBU MWOT 22:30

Ofüi nyix, Jehudi khünakbue chix ma chem tsaihux kaxhux fepuix le opaktik ang chix da ilaxle nguakhobu hia nguawangbu nyakle asox ilaxle Pol jolaxle hwom thüntho ma ajong.

FILIPI 1:7

Hünzom a othuithuima ku mongtsang ma tüile! Idaile kue hünzom hanpakma mok pongma, hünzom bama ku mongto ile ajang angkya a olom jao changle; chemthüikoxle, athax ku ile kun ma ngopong machu. Üntoxle Kaxho Müikya khose ang danle tüipongmachu, ilaxle ija oshing mongle zingpong machu wüi hünzom pangnu Zange ku ang fale thomkya ija shomüi atom-ahanle lax.