WANGSHEMBU MWOT 21:27 - OTSAO BAIBEL (BSI)

²⁷ Hanpak nyix anüt ashuküi khakhama, Asia haxtok tokya Jehudi khünak züitae Zangshwom-Hom ma Pol ngün. Hwome khünaknu pangnu to chüile mwop ngai ang tom ilaxle Pol kop.

WANGSHEMBU MWOT 21:27 ပူးပေါင်းရင်းမြစ်များ

WANGSHEMBU MWOT 26:21

Ku Zangshwom-Hom ma tüipongma Jehudi khünakbue koplaxle ku lang ang tungkya a ija khoma changle.

WANGSHEMBU MWOT 24:18

Kue atsao angkya zom zingle tsuak füima ijabu mokle ku hwom thoma Zangshwom-Hom ma bangpu. Ikhama ku füi tomle khünakbuchu müntüikya, ilaxle akhong-akhakyachu müntüikya.

WANGSHEMBU MWOT 13:50

Ikoxlechu Jehudi khünakbue tingnu ma achong abongbu ilaxle mixnok cha saxpu luawangbu kako tokya opange Zang to shwompuix, ibu to chüile ama. Hwome Pol hia Barnaba nyi to zothup ang süt, ilaxle hwom wankam angkya zuale apao.

WANGSHEMBU MWOT 18:12

Otue Galilio Grik haxtok ma Gowarnor ang zingpuix, izuma Jehudi khünakbu tomle asox; hwome Pol kop ilaxle khwa to kaxfün ang pao.

WANGSHEMBU MWOT 17:13

Ikoxle otue Jehudi khünakbue Beria machu Pol-e Zang kax apuk-apua daoa ta le atat, hwom ikhato nguilaxle khünakbu nga-adün ilaxle khünakbu to cheile ama.

WANGSHEMBU MWOT 14:19

Pisidia angkya Antiok hia Ikoniam tokya Jehudi khünakbu züizüi ikhato ngui; ibue khünaknu hwomchi to jikle kop. Hwome Pol to long füi thup üntoxle ziüna le thütlaxle pan akaile chix linle alai.

WANGSHEMBU MWOT 14:5

Ifüima mixnok hia Jehudi khünak lompabu füi tomlaxle hokhi to chisumüile zak akople hwon ang hia longfüi thup angkya katzua tsuak.

WANGSHEMBU MWOT 14:2

Jisu to münong lükya thom Jehudi khünakbue Grik nok buto chüile mama üntoxle tomwüi mongong mixbu to chichang-chizangle hwon.

WANGSHEMBU MWOT 6:12

Ija ningle hwome khünaknu hia mixpa tüichongbu, ilaxlechu wanlom nwotmixbu to lüixle mwop ang tom. Hwom Stefen hato hüi ilaxle kop, ilaxle hwome thwomshing le nguawangbu hato pao.

WANGSHEMBU MWOT 5:18

Hwome wangshem nyi koplaxle noknga kun ma khale thom.

WANGSHEMBU MWOT 4:3

Idaile hwome hokhi kop ilaxle iponge hanhomünkya daile, ofüi nyix kople hokhi kun ma thom.

KAXHO MÜIKYA LUK 21:12

Ikoxlechu ibu chemchu machangba, ku mün khoma hexle, hwome kop laxle hünzom to chakmok janlangüi, üntoxle wanghombu hia gowarnorbu hato hünzom kaxfün ang Sinagok to paolaxle kun ma shole thom ang owüiole koxle zothupüi.

1 WANGHOMBU 21:25

Chix kakonu Jezebel-e mong asa laxle Ahap-e mokkya lailaile Jowanpa mik-hu ma chisumüile komkaile ochax mokkya mix a owachu chitüi.

HUAKE LAIPEX 6:9

Owawa osün to zikya zikmüt-mangkho zui ma asulaxle atsaole panle thomkya kho akhu ang koxle jangchang thüiningle, chixe nyix anüt tan le nuilaxle ija kho hia kaxmai mun ongle awütüi; ilaxle zanglom ma chix a atsaole ngoüi.

HUAKE LAIPEX 6:13

Chemtue Nazarait ang thomkya tuitae chix tsaotsüt tsuakle hüipuix, chixe zanglom ma zomzingle changüi. Chix a Nyihom fülom to nguiüi.

HUAKE LAIPEX 19:11

Opange müimang to twonle changdao laxpuix hwom a nyix anüt atsao-alangle ngoüi.

WANGSHEMBU MWOT 2:9

Kwom a Parthia tokya, Medi nok hia Elam tokya; üntoxle Jehudi hia Kapadosia tokya; üntoxle Pontas hia Asia tokya;

WANGSHEMBU MWOT 6:9

Ikoxle züizüi chix füi apüi ang süt; hwom a da ang ngokya dandaokyabu sinagok ma mün tüikyabu changkya (hwome nyakkya ningle), ilaxle ikhama Sirini hia Alekjendria tokya Jehudi khünakbuchu wüi tüikya. Hwom bomachu Silisia hia Asia tokya mama Jehudi khünakbue Stefen füi kax ma alat ang süt.

WANGSHEMBU MWOT 16:6

Otsao Chasae hwom ang Asia haxtok to anwot-ano ang chitom koxle hwom Frigia hia Galatia chaxwan to faole aham.

WANGSHEMBU MWOT 20:19

Jehudi khünakbue lang ang tungkya tokhange ku hato hüikya zothup akaile thuakjokkya hia mikfi füi Jowanpa da tuita changpu le kue ku mwot mokle hüidaoa.

WANGSHEMBU MWOT 24:11

Nange ajangle lax ang thoüi, Jerusalem to Zang shwom ang ku Zangshwom-Hom to ngui füima anyix nyix bün anyi to makai.

2 KORIN 11:26

Wünhamkya tuk ma ku obi thomthom ma hexle tinu mualyemkya hia ahux mixbu tokhange, Jehudi nok hia mixnokbu tokhange thama apong angkya lai; tingnubu to thamakya, Molo-Tinu mongto thamakya, ilaxlechu othai zuikhuibu tokhange apüikya thama, ibu füi ku asao angkya lai.

1 THESALONIKA 2:16

Hwom hato khosün apüi angkya kaxho mixnokbu hato apuk-apuale ngokya kwom abax ang ngaxchu hwom tüle azong daoa. Ile hwome othuithuima mokle hüikya ochax okhongui le mokdaoa. Üntoxle athax oshuk ma hwom hato Zang mongtsik nguile tüile!