WANGSHEMBU MWOT 21:24 - OTSAO BAIBEL (BSI)

²⁴ Hwom laxlaxle paolax üntoxle otsao zomzing ma hakle khongailax ilaxle otsao zomzing ma tö koxkya ma bakkya otha thomlax; ifüima hwome ibu khangong ang tsuaküi. Imakhangetix pangnue wüi hwome nang bama wündaokya zangwün otsingtsing münchangle awanüi, itülüi, nang wüi Mosa Wanlom ma otya ma ngole le laxüi.

WANGSHEMBU MWOT 21:24 ပူးပေါင်းရင်းမြစ်များ

WANGSHEMBU MWOT 21:26

Idaile Pol-e ibu khünakbu lax üntoxle ofüi nyix wüi otsao zomzingle tsuak. Ifüima chix Zangshwom-Hom to pao ilaxle otsao zom zing ang obi nyix laxüihex üntoxle hwom mixhuak pangnu hanpakma tö otue koxüihex ija tsing ang kox.

WANGSHEMBU MWOT 24:18

Kue atsao angkya zom zingle tsuak füima ijabu mokle ku hwom thoma Zangshwom-Hom ma bangpu. Ikhama ku füi tomle khünakbuchu müntüikya, ilaxle akhong-akhakyachu müntüikya.

WANGSHEMBU MWOT 18:18

Korin ma Pol tüinao hwom füi obi nyix hex nui, ifüima hwom dantoxlaxle Prisila hia Akuila nyi füi Siria to khua ma pao. Khua ma paoüi thoma chixe tsaosaxlaxle Sankria ma kho-ong.

1 KORIN 9:20

Jehudi nok khristan ang achang ang ku hwom zongto Jehudi khünak tuita ang achangpu; ku huak a wanlom fangma chitüi, ikoxlechu wanlom fangma ngokyabu khristan ang achang angkya hanpakma, ku wanlom fangma ngokya mix tuita ang achang.

LAIPAO 19:14

Ifüima Mosa haxnukho tokya julaxle khünaknu ang zangshwom angkya hanpakma achwon angkya kax kox. Ikhoma khünaknu pangwüi manyi mazaza sole achwon.

GALATIA 2:12

Jakop-e tsanle apaokya khünakbu ikhato mahüi tanto, Pitar-e mixnok tüinao hwom füi tomle saxling le ngokya. Ikoxle hwom nguikya füima, chix hwom füi siatsai-siatsaile chang ilaxle mixnokbu füi tomle saxling le chichang, chemthüikoxle chixe ibue khwon züt zom zingkox wüi müi angkya le akaxkya thua za.

JUHAN 11:55

Jehudi khünakbu ang Kaitox Pangpwon chwonle hüingokya; ikoxle ija pangpwon mahüikya bama, tingkhua tokya khünakbu malualua to atsao ang Jerusalem to ngui.

JUHAN 3:25

Juhan wangshem züizüi hia Jehudi khünakbu bama, sole atsaole khongaikya zom bama ala ang süt.

JOB LAIPEX 41:25

Chemtue chix ajongüihex, tüle tsak-zongle tüikyabu ngaxchu abüt-abanle; hwom a zakyae chem chithüile maxle.

JOB LAIPEX 1:5

Ile fongkhat füinop chithaile, swomsae kaile zolaxle Job-e sasün hwom pangwüi atsao angkya hanpakma, hwom mixhuak-mixhuak hanpakma tö kox. Hwom khama opupue thüichu chitex-chile le Jowanpa tha-ajaole ochax lyenle changdaotüi angpuix le mongao laxle chixe iningle mok.

KAXFÜNPA-HWOM 13:5

ilaxle nange nao ngünle changkya füima, nange chix ang khosex-khang ongle chichangüi chemthüikoxle puxkya nyix makhange wüi chix a Zang ang koxkya nazarait tuita ningle panle thomüi. Chixe Filistia nok chak tokya Israel nok khosün angkya mwot owang wangüi.”

HUAKE LAIPEX 6:18

Nazarait ang thomkya tuitae Nyihom fülom ma chix kho ongüi ilaxle ija kho a notom-tusüi tö hanpakma takkya wünkha to zoküi.

HUAKE LAIPEX 6:13

Chemtue Nazarait ang thomkya tuitae chix tsaotsüt tsuakle hüipuix, chixe zanglom ma zomzingle changüi. Chix a Nyihom fülom to nguiüi.

HUAKE LAIPEX 6:9

Owawa osün to zikya zikmüt-mangkho zui ma asulaxle atsaole panle thomkya kho akhu ang koxle jangchang thüiningle, chixe nyix anüt tan le nuilaxle ija kho hia kaxmai mun ongle awütüi; ilaxle zanglom ma chix a atsaole ngoüi.

HUAKE LAIPEX 6:5

Chix Nazarait ang thomkya tsaotsüt fang ma ngokya kople chixe puxpong tokya kho ojao chisexle thomüi. Athaxpi chix a Jowanpa hanpak ang tsaotsüt daokya wanlome othuithuima ziakople thomüi ilaxle chixe kho hia kaxmai mun panle thomüi.

LAIPAO 19:10

Ilaxle Jowanpae chix ang thüi: “Khünaknu hato paolaxle, anyix hia ngainyix a zangshwom angkya hanpakma malualua to atsaole ngobaklax thüikox. Hwome hwom nyizabu so angkya changle