WANGSHEMBU MWOT 21:20 - OTSAO BAIBEL (BSI)

²⁰ Chix kax atatkya füima hwom pangnue Zang achuak. Ifüima hwome Pol ang thüi: “Tüinao! Ija chemle changpuix nange ngünle ngotüi. Mongong le hüikya Jehudi khünakbu hajat-hajat tüihule, ilaxle hwom pangwüi wanlom ma shingmongle ngokyabu changle.

WANGSHEMBU MWOT 21:20 ပူးပေါင်းရင်းမြစ်များ

ROM NOK HATO ZAKYA POL LAIZA 10:2

Hwome Zang to zule mongkoxkya bama ku kaxkhi angchu changtsuakse. Ikoxle hwome mong koxkya otsingtsing man-ngünkya chichangba changkya lom ma man-ngünkya chifün ang laxlaxle koxkya münchang.

GALATIA 1:14

Jehudi zanglom süt-mwot lom to angchu Jehudi khünak ku-tsyem ku-dang khama ku tunpa changkya, ilaxle kwom pupa ma bangkya süttho-mwotlom bama kue khünzule mok ngokya.

WANGSHEMBU MWOT 22:3

“Ku a Jehudi khünak, Silisia angkya Tarsas ma puxkya changle, ikoxlechu ija Jerusalem ma Gamaliel chitong ma lainao tuita ningle tsongle hüikya mix changpu. Bangkya kem pupa wanlom to angkya bama kue thutle awan kopkya changpu, ilaxle anyix hünzom ningle kuechu wüi tsuakkya apongle ma tsün Zang mwottho to koxle thomkya mix changpu.

WANGSHEMBU MWOT 15:1

Jehudi tokya khünak züita ngui ilaxle Antiok angkya Jisu Khrista ma tüinaobu hama anwot-ano le thüi: “Mosa wanlom ma tüikya ningle khwonzüt zom chizing thüikoxle Zange hünzom kho münsünüi.”

WANGSHEMBU MWOT 11:18

Otue hwome ija kax atatpuix, hwome ajao ahai ngokya zak ilaxle Zang achuakle thüi: “Jangchangba Zange mixnokbu angchu monglüi le azang angkya osho apüi fadaoa!”

WANGSHEMBU MWOT 15:5

Ikoxlechu Farisi le nyakkya othom kha angkya züizüi mongong mixbu ajong üntoxle thüi: “Hwome khwonzüt zom kai angkya wüi changüi üntoxle Mosa wanlom to angkya akax angkya wüi changle.”

2 THESALONIKA 1:10

Ija a, chix khünaknu angkya fuazang kop ang üntoxle chix to ongkya chix khünakbu angkya achuak achenkya kop ang chix nguikya nyix nguiüi. Hünzom chuwüi hwom khama tüiüi, chemthüikoxle hwome akaxkya kaxho to hünzome ongdaoa.

WANGSHEMBU MWOT 15:24

Kwomkha angkya züizüi nguilaxle hünzom to tingtui adünkya hia mong amale zangwünkya kwome atatdaoa; ibachutix hwom ang ile moklaxo le kwome anwot-anokya münchang.

WANGSHEMBU MWOT 6:7

Idaile Zang kax a thuithui le apukle atsat. Jisu man tokyabu Jerusalem ma sütsa-sütsale tsale, üntoxle nguapabu kha angkyachu Kaxho Müikya pongle kopmix huanuma lai.

WANGSHEMBU MWOT 4:21

Nguawangbue tamtaile aza ilaxle hokhi danle apao. Hwome hokhi sikangünkya “ikhoma changpu”, le thüi angkya olom chiatak, chemthüikoxle ile changkya ngünlaxle khünaknue Zang mün achuakle ngo.

WANGSHEMBU MWOT 4:4

Ikoxlechu ija kaxho atatkyabu khama ija to ongkyabu tüle lai; üntoxle ongkya khünakbu mixhuak hajat aga tukux ang achangle tsa.

WANGSHEMBU MWOT 2:41

Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt.

JUHAN 12:24

Otsingtsingma kue hünzom ang thüipu: Tsaxtsang tuita chaxwan tok to dütle chizi thüikoxle ija a chix tata ngole; ikoxle ija jangziba, ijae oziak huanuma dünüi;

KAXHO MÜIKYA LUK 15:32

Ikoxle keme mongmüi laxle fongkha angkya olom changle, chemthüikoxle hünnao zidaokya, ikoxle athax azangle tüile; chix maxle ngokya, athax chix atakdaoa.’”

KAXHO MÜIKYA LUK 12:1

Khünaknu ojat-ojat asoxkya zuma, hwom tata ding to chae nak. Jisu-e owangma chix wangshembu ang thüi: Hünzom farisibu twonkhax, thüikoxle künkux-mongkwombu hanpakma khünlilax;

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

MÜNCHUAK-TSAI 22:23

“Hünzom Jowanpa dapa hwom! Hünzom Jakop su-sa hwom, hünzome chix achuak kox! Hünzom Israel khünakbu, hünzome chix tong shwomkox!

GALATIA 1:24

Ilaxle ku hanpakmale hwome Zang achuak.

MATHI 9:8

Ikoxle ija ngünkya zuma khünaknu othome, hwom zalaxle khünak ang ile tsakzong koxkya Zang ang münchong fa.