WANGSHEMBU MWOT 20:35 - OTSAO BAIBEL (BSI)

³⁵ ‘Kopkya mix füi koxkya mix mongmüi wüi achongkya’ le Jowanpa Jisu-e akaxkya kax mong ma koplaxle, kue mokkya ningle azongle mwot moklaxle keme chitsuak chiman mix to fong angkya changle le pangnu li-lom ma kue hünzom hama apuadaoa.”

WANGSHEMBU MWOT 20:35 ပူးပေါင်းရင်းမြစ်များ

IBRI 13:16

Müikya mwot mok ang tamchu tata to fongtsox angkya taxalak, chemthüikoxle ibu a Zang mongmüi ang tomkya töbu changle.

WANWÜNKAX 19:17

Chemtue nange chitüi-chinangkya khünak ang kox-zunle changpuix, ija a Jowanpa ang koxle thomkya ningle changpu; Jowanpae ija nang ang achatle fa-angkya changpu.

MATHI 10:8

Kakmixbu amüikox; faikyabu amüikox; zidaokyabu azünkox; haxshix chasabu jwonle apaokox; hünzome amuale koppu, amuamua le laxkox.

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.

1 THESALONIKA 5:14

Tüinaohom, hünzome chem mwot chimokle ngokyabu ang kaxkhün laxkox, mongchyen chitüikyabu ang mongchyen laxkox, shonaikyabu to asunkox, pangnu füi thuakjokkya tüikox.

ROM NOK HATO ZAKYA POL LAIZA 15:1

Kem mongong ma zong tüikyabue shonaikyabu to hwom hünlix hün ang asun angkya changle. Keme alüile ma mong amüi ang münchang.

WANGSHEMBU MWOT 20:27

Chemthüikoxle kue Zang tutex pangnu hünzom hama chingai homle chitox.

ISAIA 35:3

Na-juale tüikya chak ang janzüi koxle chikuxkho ma zong chitüikyabu ang zong koxle.

IBRI 13:3

Kun khato ngokyabu taxalak, ikoxle hünzom chuwüi hwom füi tomle kun to ngokya ningle thütlax. Hwom füi tomle hünzom chuwüi sikngünkya ningle thütlaxle sikngün ma ngokyabu taxalak.

EFISIA 4:28

Ahux mixe mix tsangtse le saxkya dandao, ilaxle mae otya ma saxlaxle ngo ang tsuakkya boma chitüi chinang to asun ang tsuakkya lima mwot mok ang sütkox.

WANGSHEMBU MWOT 20:20

Hünzom hato noktu ma hia kako ma apuk apuale tamchu anwot-ano le hüipongma hünzom to fongse a lükya olom ma kue otuechu hulanle chitoxkya hünzome awan ngopu.

ISAIA 32:8

Ikoxlechu achuak-koxle sule tüikya khünake mwot sule mokle ilaxle chem supuix ija bama shingmongle ajongle.

2 KORIN 12:13

Hünzom ang ongun osyen lom ma ku to süfongse le chiju chilomkya wüi chichang thüiba, hünzom to nüile kue mama müimüithombu to chemlom ma hudaopu? Mama müimüithombu ningle ngun syen bama hünzom ang hünlix chifakya bama ku ang thailak laxhüi.

2 KORIN 11:9

Ku hünzom füi ngotanto, ngun laxsele thangkhüt pongma kue hünzom to poxbwom le chichang; kue laxsese komle Mesidonia tokhange nguikya tüinao hwome ku hato apüi toxpu. Ami ledaokya ziamachu ilaxle athax mahüikya ziamachu, ku hünzom hanpakma hünlix tuita ang münachangüi!

1 THESALONIKA 4:11

Somdangkya tsün ngo angkya hünzom mongjang ang achanghüi. Ma mwottho to khünkhile tüilax, ma tsün a ma manzai füi thom ang thüikox, ija kax kwome thotochu akaxdaokya changle.

2 KORIN 11:12

Ngun syen lom ma süfonghüihu le kue otuechu münakax angkya changpu. Kue hwom füi tuitata ma wüi mokle hüipu le hünzome nyakkya “ataxkya wangshembu” ngam angkya olom tsyense le texpu.

1 KORIN 9:12

Mamabue ngaxchu hünzom bama hwom ang mongtex pangkya süntom tüile le thüi ang jangtsuak thüikoxle, ikhato kwom sisie münthüi tsuaküi hexnyi? Ikoxlechu kwome ija mongtex pankya müntwon. Itülüi, khrista hanpakma Kaxho Müikya apuk-apuakya olom to poxpyen angkya chitüi angkya bama kwome pangnusa adupu.

WANGSHEMBU MWOT 20:34

Ku hanpakmachu üntoxle ku füikya üithobu hanpakmachu wüi tütalichu kue ija ku chak füitix wüi moklaxle okhongui le lax-twonkya hünzome awan ngopu.

WANGSHEMBU MWOT 20:36

Otue Pol-e zangwün ashukpuix, chixe hwom füi tomle chikux athong laxle Zang to jop.

3 JUHAN 1:7

Chemthüikoxle hwom a chiongkyabu angkya fongkya chemchu chilax homtoxle Khrista thotha angkya mwot to achexle paokyabu changle.