WANGSHEMBU MWOT 20:33 - OTSAO BAIBEL (BSI)

³³ Kue mixkux, jan, hun, chichangba nyiza tütatochu za münlo tox.

WANGSHEMBU MWOT 20:33 ပူးပေါင်းရင်းမြစ်များ

2 KORIN 11:9

Ku hünzom füi ngotanto, ngun laxsele thangkhüt pongma kue hünzom to poxbwom le chichang; kue laxsese komle Mesidonia tokhange nguikya tüinao hwome ku hato apüi toxpu. Ami ledaokya ziamachu ilaxle athax mahüikya ziamachu, ku hünzom hanpakma hünlix tuita ang münachangüi!

1 KORIN 9:12

Mamabue ngaxchu hünzom bama hwom ang mongtex pangkya süntom tüile le thüi ang jangtsuak thüikoxle, ikhato kwom sisie münthüi tsuaküi hexnyi? Ikoxlechu kwome ija mongtex pankya müntwon. Itülüi, khrista hanpakma Kaxho Müikya apuk-apuakya olom to poxpyen angkya chitüi angkya bama kwome pangnusa adupu.

1 KORIN 9:18

Kaxho Müikya apuk-apuakya mwot bama omün kop angkya wüile ku ang mongtex pankya olom chitwon homle, amuamua le Kaxho Müikya apuk-apua angkya a osho-juawan tuita changpu.

2 KORIN 7:2

Kwom hanpakma hünzom mong ma nui zinghüi. Owa zongtochu kwome thaikya mamok; kwome owawa ziachu münama, chichangba tütapu ngan-jut le saxlax ang münazong.

1 THESALONIKA 2:5

Kwom hünzom hato chiajingkya zangwün koplaxle nguikya münchang le hünzome müile tsingpu, tamchu kwom nüfux to chwop-khom angkya kwome zang chiwün, kwom kaxkhi ang Zang tüile!

1 KORIN 9:15

Ikoxlechu kue iningkya mongtex pankya chak ma müntwon, ilaxle kue iningkya ma hanpakma naxatak le, ija laiza zakya münchang. Owawae, olom ma ku tsaichong-kaxbongkya tha ajaole changkya füi ku hanpak zikya wüi sümüi.

1 PITAR 5:2

Atsangle chichang homtoxle mongtsutsu le, Zange hünzom ang koxle tüikya chun zyem nyelax. Omün kop ang chichangle otsing tomtata ma thotha ang mongtsukya füi ma mwot mokkox.

HUAKE LAIPEX 16:15

Mosa ang mongtsik ilaxle Jowanpa füi akaxle thüi: “Khünak ibue koxkya tö tütachu pongle taxkop, kue hwom to chemchu thaile chimok; kue hwom kux mantsak tuita ngaxchu chilax.”

1 KORIN 9:4

Ku mwot hanpakma ku ang sütling kox angkya mongtex pankya müntüi hexnyi?

2 KORIN 11:7

Khosün angkya Otsao Kaxho kue hünzom hato apukkya zuma kue hünzom ma chemchu chiju chilom. Hünzom thak to nwon angkya kuxma kumix fangto jupu. Ija wüi ku zongma ochax ang achang laxcha?

3 JUHAN 1:7

Chemthüikoxle hwom a chiongkyabu angkya fongkya chemchu chilax homtoxle Khrista thotha angkya mwot to achexle paokyabu changle.