WANGSHEMBU MWOT 20:32 - OTSAO BAIBEL (BSI)

³² “Üntoxle athax a kue hünzom Zang tamchu chix chingcha Kaxho chak to koxpu. Chixe hünzom ang chasa ma tsakzong koxüi ilaxle chixe ma khünaknu nok hanpakma thomkya mohiman hünzom ang koxüi.

WANGSHEMBU MWOT 20:32 ပူးပေါင်းရင်းမြစ်များ

KOLOSI 1:12

Zangngai Wangting to chix khünaknu hanpakma Zange chem achwonle thomtüi laxpuix, ija süntswon ma nang hak ang tsuakle owae zinglaxpuix, ija Hopa Zang ang mongmüi füi münchong fakox.

KOLOSI 3:24

Zange chix khünaknu hanpakma chem thomlaxpuix, ija hünzom ang hingho ningle kox angkya mong ma koplax. Chemthüikoxle hünzome thotha ngokya hopupa tsingtsing a Khrista changle.

EFISIA 1:14

Zange chem faüile tsaodao laxpuix, ibu keme kop angkya hanpakma Otsao Chasa a thathüt changle, ilaxle ija makhange, Zange chix kux ang ngokyabu ang dan-pankya anguile fa angkya changle le monghom fale. Keme chix fuazang achuak-hax!

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

IBRI 9:15

Ija khoma, Zange nyak daokyabue Zange tsao daokya oshuk chitüikya mantswon kop angkya kuxma, hozün Tsaotsüt acha achwonkya mix a tuita Khrista changle, chemthüikoxle pongwang angkya Tsaotsüt fangma achax daokya ochaxbu tokhange hwom khosün angkya kuxmale chix zi.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

KOLOSI 2:7

Chix ma hünzom otsing mongle julax, chix ma hünzom khüzün tsün zinglax, ilaxle hünzom hama anwot-ano daokya ningle mongong ma zong südong-südong donglax. Ilaxle münchong fakyae awangle ngolax.

JEREMIA 3:19

Jowanpae thüi: “Israel, kue nang kusa ang pongle kopse tsupu ilaxle nang a mongtex ma nguikya haxtok koxse tsupu, chaxwan tok ma osün sümüikya haxtok a. Hünzome ku ang apale namnyakbae texpu ilaxle ku hato tamchatle tok chiahole changbae le thütpu.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

EFISIA 5:5

Chemthüikoxle chinunchakkai khünak, chitsaokya mix chichangba chapa shwomkya mix opupuechu Khrista hia Zang Wangting ma wom ang müntsuaküile hünzome awanle ngopu.

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

JUD LAIZA 1:20

Ikoxlechu kutüi-kunaohom, hünzom a, ataxle tsaokya mongong ma ma alüile tsakzong ang tomhüi. Otsao Chasa tsakzong ma zangjop kox,

1 KORIN 6:11

Hünzom züizüi ile tüikya. Ikoxle ochax tokya hünzom sodaoa; hünzom a Zang hanpakma atsaodaoa; Jisu Khrista hia kem Zang Chasa makhange hünzom a Zang füi mua amüidaoa.

WANGSHEMBU MWOT 14:23

Müimüithom to tiale hwom azui angkya lompabu zünle tox; hokhie ilaxle chisax chilingle zangjop hanpak lax üntoxle hwom Jowanpa chak to fünle kox.

IBRI 10:14

Chemthüikoxle tö tam wüi koxkya makhange otsao ang achang daokyabu othuithuima nguiwangkya ang achangle fadaoa.

IBRI 2:11

Chix khünaknu hwom ochaxbu tokya atsao, üntoxle chixchu tamchu opang atsao-atha daolaxpuix ibu pangnu ang Hopa tuita wüi chang. Ikhoma hwom ang chix tüinaohom le nyak ang Jisu chiazak.

WANGSHEMBU MWOT 14:26

üntoxle hokhie imakhange tholünle hüikya mwottho hanpakma hokhi Zang chak to danle koxkya nui Antiok to chat.

JUHAN 17:17

Otsingtsingma hwom atsaokox; Nang kax a otsingtsing changle.

EFISIA 4:16

Chixe akumathum laxle tix tsangtsa ma tüikya malomlom athut apongle ngotsuak pu, ilaxle koxle thomkya opong ozitbue tix tomplo jaojao tuita ang achangle kople thompu. Idaile otue malomlom tüikya mik-chak mamwot mwot chemle mokse hex ile jangmok thüikoxle, tsangtsa komle tsongle ilaxle mongkün makhange ma alüile zingle tsuakle.

EFISIA 4:12

Khrista tsangtsa zing angkya bama Zang khünakbu pangnu wüi khristan mwottho ma mok ang acha-achwon angkya kuxma chixe ija mok.

WANGSHEMBU MWOT 14:3

Pol hia Barnaba nyi ikhato hatdang obibi hex nui. Okhie owa thuachu chizale Jowanpa Jisu bama zangwün. Jowanpa-e kaxkhi ang khomtsikya hia ohünotün mwotbu mok angkya zong koxlaxle hokhie chix chingcha bama zangwünkya otsingtsing changpu le aho.

JUHAN 15:3

Kue anokya hwon-nwot zangwün makhange hünzom a tsaole tüile.

JUD LAIZA 1:1

Jisu Khrista wangshem tamchu Jakop sasün Jud tokhange, Zang Hopa ma nyakle kopkyabu tamchu mong akünkyabu, opang Jisu Khrista ma sünle thompuix, ibu hato.

1 KORIN 1:2

Korin ma tüikya Zang müimüithom, opang Zang otsao khünak ang achang ang nyakle koplaxpuix ibu pangnu, Khrista Jisu ma notom tokhange opang chix kux changpuix, Jisu Khrista owa kem Jowanpa chuwüi changpuix, chix shwomkyabu pangnu hato:

WANGSHEMBU MWOT 15:40

ikoxle Pol a Sila koplaxle tüinaobue Jowanpa chingcha chak to koxkya füima achex.

WANGSHEMBU MWOT 9:31

Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.

JEREMIA 49:11

Hünzom khaxsa nao hwom ku ma dantoxlax, kue hwom to hulax angpuix. Hünzom thanu hwome ku to mongong ang tsuak.

PONGWANG LAIPEX 50:24

Ifüima Jusep-e hotüi-honao hwom ang thüi: “Athaxpi ku a ziüikhakha; Zang chixjao hünzom waile nguiüi ilaxle ija haxtok angkya hünzom chixe zunle paoüi.”

MARK 10:17

Üntoxle Jisu pao ang achexle lom ma tüipongma, khünak tuita chix hato zikle hüilaxle akhux üntoxle chix ma atüi: “Müikya Nwotmix, oshuk chitüikya tsün khüzün atak ang kue chem mokse dai?”

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

1 KORIN 6:9

Otsao chichangkyabue Zang Wangting mantswon münkopüi le hünzome münawan hia? Nang taxthaikop ünlax; chinunchakkai, chapa shwomkya, chakzong-kwonte, jonglyen,

1 KORIN 6:10

chichangba ahuxkya, osing nüfux, jutok saxngat, adix-ada, pa-lokya, iningkyabu owaechu Zang Wangting mantswon ang münkopüi.