WANGSHEMBU MWOT 20:29 - OTSAO BAIBEL (BSI)

²⁹ Ku cha achex füima, chisumüikya shwonbu hünzom hato hüiüi, ilaxle hwome othom angkya chunbu komle thomjoüi.

WANGSHEMBU MWOT 20:29 ပူးပေါင်းရင်းမြစ်များ

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

2 PITAR 2:1

Kaikya khünaknu tu ma othai ajebu lai, ilailaile hünzom khamachu othai nwotmixbu lai angkya changle. Hwome max angkya othai hwon-nwot lai ang tomüi, üntoxle hwom shakle kopkya hopupa müntsing hex le thüiüi, ile alüile osünto ma max angkya thama apüiüi.

WANGSHEMBU MWOT 20:28

Ma hanpakma alüile ilaxlechu Otsao Chasae nang ang nyelaxo le koxkya pangnusa hanpakma khünkhile nye ngolax. Chix Hosa zi ang koxkya makhange ma ang achangkya Zang müimüithom ma chunnyetmix ang achanglax.

JUHAN 10:12

Ikoxlechu owa hingchak achakkya mix hex, tamchu chun nyet mix tsingtsing chichang puix, owa chunbu hopunuchu chichang puix; hulax shwonbu hüikya ma. Chixe chunbu dantoxlaxle pao ma sütüi, ilaxle shwonbue ibu chun shingle kopüi, ile hwom a anyaple asamüi.

KAXHO MÜIKYA LUK 10:3

Paolax! Kue hünzom shwonzyem khato chun hosabu ningle apaopu.

MATHI 10:16

“Apalax, shwon tham khato chun hosabu ningle kue hünzom tsanle apaopu. Pu ningle atsinglax, osu ningle nonai le tüilax.

ZEKARIA 11:17

Eja laxli chitüikya chunnyetmix a maxdaoa! Chixe chix chunzyem danle toxdaoa. Achax-azankyae chix tsak-zong komkaile olithu angkya changle. Chix chak faishokle maüi, ilaxle chix tsaxchi mik asutle paoüi.”

JEREMIA 23:1

Opange chix khünaknu amüt laxle chiakle sam ang tompuix, ibu apün-awangkyabu hanpakma Jowanpa kaxfün chemkuxma khomtsikya changüihex!

ZEFANIA 3:3

Ikhama alixachongbu a ahungle ngokya mailangbu ningle; ikha angkya kaxfün mixbu a, müiza nyaxza chemchu ngainopkya zangngai thoma bang ang chitsukya, woknuak ma ngokya shwonbu ningle.

JEREMIA 13:20

Jerusalem, hulax! Nang zanpabu a shuakux chitokhange nguile ngole! Nang ang hulax-ole koxkya khünaknu omaün, nang khünaknu opang bama nang mongngamle ngokyahex?

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.

EZEKEL 34:8

Ku chemle khochisamkya ozün ma ngokya Zang hex, ija ningle hünzome ku kax to apakoxle müiüi. Chunnyetmix chitüikya khoma ku chunbu to faomüibue shingle lang ilaxle ibu sax. Ku chunnyetmixbue chunbu lomle atak ang chiazong. Hwome chun pak chitik homtoxle mapakpak tikle ngo.

DANEL 11:34

Ile mix lang mix-mixhuakkle ngopongma, hwomkha to womkya züizüibue mahuak hanpak ang mokle changkoxchu, Zang khünakbue ofong-otsox hidaole kopüi.

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

JUHAN 21:15

Hwome süt saxle tsuak füima Jisu-e Simon Pitar ang thüi: “Juna sasün Simon, ijabu to nüile nange ku to künpuix nyi?” Simon Pitar-e lanle thüi: “Changpu Jowanpa, kue nang to künle le nange awan ngopu.” Jisu-e Pitar ang thüi: “Ku chun hosabu to hume kox.”

1 PITAR 5:2

Atsangle chichang homtoxle mongtsutsu le, Zange hünzom ang koxle tüikya chun zyem nyelax. Omün kop ang chichangle otsing tomtata ma thotha ang mongtsukya füi ma mwot mokkox.

JUD LAIZA 1:18

Athax hanpak oshuk ma hünzom thajao wünhai angkya tamchu texle chiatakkya hwom mongtex füito azuikya khünakbu lai angkya kax hwome hünzom hama akaxdaoa.