WANGSHEMBU MWOT 20:28 - OTSAO BAIBEL (BSI)

²⁸ Ma hanpakma alüile ilaxlechu Otsao Chasae nang ang nyelaxo le koxkya pangnusa hanpakma khünkhile nye ngolax. Chix Hosa zi ang koxkya makhange ma ang achangkya Zang müimüithom ma chunnyetmix ang achanglax.

WANGSHEMBU MWOT 20:28 ပူးပေါင်းရင်းမြစ်များ

1 TIMOTHI 4:16

Nange ma to alüile tamchu nang hwon-nwot to khünkhile hulax. Thuithui le ibu mokle lekox, chemthüikoxle nange jangmok thüikoxle nange ma khosün kopkya boma nang kax atatkyabuchu sün ang thoüi.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

1 TIMOTHI 3:2

Müimüithom lompa tuita a thaikya kha chitüi le chang angkya oli: Chix a kakonu tuita wüi tüikoxle müiüi, tamchu tok-nga le chichang homtoxle malailai to akumathumkya ilaxle thutle saxmok ang awankya mix changkoxle müi angkya oli changle; chixe ma hom ma mixwün pongle kop angkya changle; chixe anwot-ano ang awan angkya changle;

WANGSHEMBU MWOT 13:2

Hwome Jowanpa thothale üntoxle chisax chilingle Zang shwom üntoxle jople ngoponge, Otsao Chasae hwom füi akax: “Oja mwot hanpakmale kue hokhi nyak daopuix, ija mwot mok ang Barnaba hia Sol nyi süikox.”

JEREMIA 3:15

Kue hünzom ang ku kax ma laxkya lompabu koxüi, ilaxle hwome hünzom thakma je-hwon hia awan-atsingkya füi apünüi.

IBRI 13:17

Hünzom lompabu kax ma laxlax üntoxle hwom kaxtombu apalax. Hwom mwot bama hwome Zang ang akiakkya kox angkya changkoxle, ojao chizak le hwome hünzom to hule nye ngole. Hünzome hwom kax ma laxle jangtüi thüikoxle, hwome hwom mwot mongmüimüile moküi; ile chichang thüiningle, hwome ibu mongma füi moküi, üntoxle ijae hünzom ang chem olüichu chifaüi.

1 TIMOTHI 5:17

Mixpa tüichongbu opange lompabu ang achang laxle müikya mwot mokpuix, hwom ang othom anyi tsyen amün kox angkya asule tüile, tamnüilechu hwon-ano ang tamchu anwot-ano ang azongle opange moklaxpuix, ibu ang.

1 KORIN 10:32

Jehudi nok wüi changlax chichangba mixnok wüi changlax chichangba Zang müimüithom wüi changlax, owawa angchu tingtui chiadün le ngolax.

MIKA 5:4

Chemtue chix nguiüihex, chix ma khünaknu thakma Jowanpa tokhange hüikya janzüi hia Jowan Zang chix chongwang tsak-zong füi apün-awangle changüi. Chix khünaknu a chaza-angkya chemchu chitüile ngoüi chemthüikoxle zangfang angkya khünaknu pangnusae chix zaxzangkya to changkox-ale ngoüi,

FILIPI 1:1

Khrista dabu, Pol hia Timothi nyi tokhange: Khrista Jisu füikya notom ma Filipi angkya Zang khünaknu, tamchu müimüithom lomzun mixbu hia fongmixbuchu womle; hwom hato:

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

EZEKEL 34:31

“Hünzom ku chunbu, kue tsomle thomkya müizyem, hünzom a ku khünaknu changle ilaxle ku a hünzom Zang changpu”, le Jowanpa Khüthak Zang-e akaxdaoa.

1 TIMOTHI 3:5

Chemthüikoxle khünak tuitae ma kako ngaxchu müile apu-achang ang chitho thüikoxle Zang müimüithom ning chemle apu-achang thoüi!

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

1 TIMOTHI 4:14

Ajepae akaxkya hia mixmüi tüichongbue nang khangkho ma chak dankya zuma nang ang fakya, nang ma tüikya chasa hingho chie chise le taxchang.

EFISIA 1:14

Zange chem faüile tsaodao laxpuix, ibu keme kop angkya hanpakma Otsao Chasa a thathüt changle, ilaxle ija makhange, Zange chix kux ang ngokyabu ang dan-pankya anguile fa angkya changle le monghom fale. Keme chix fuazang achuak-hax!

GALATIA 1:13

Kue Jehudi zanglom twonle ngopongma ku chemle ngokya hex. Chingcha jaojao chitüi le kue Zang müimüithom zo chemle thupkya hex ilaxle ija oli thule amüt ang ku zongbakle azongkya bama hünzom hama wündaoa.

WANGSHEMBU MWOT 20:29

Ku cha achex füima, chisumüikya shwonbu hünzom hato hüiüi, ilaxle hwome othom angkya chunbu komle thomjoüi.

WANGSHEMBU MWOT 20:17

Müimüithom tüichong mixmüibu chix füi apong angkya bama Pol-e Milita tokhange Efisia to kaxho apao.

WANGSHEMBU MWOT 14:23

Müimüithom to tiale hwom azui angkya lompabu zünle tox; hokhie ilaxle chisax chilingle zangjop hanpak lax üntoxle hwom Jowanpa chak to fünle kox.

MIKA 7:14

Nange zünle kopkya, nang khünaknu thakma chunnyetpa ang changle, Jowanpa. Hwom faokha to süile ngokoxle chu, hwom akhople haxzao füikya haxtok tüile. Kaitokya ningle hwome, Bashan hia Gilid angkya fumtsütnui to paolaxle fum asütle naxchang kox.

1 PITAR 2:25

Hünzom a lom asam daokya chunbu ningle changlea, ikoxle athax a chunnyetmix tamchu chasa nyetmix füito azui ang hünzom a chatle chat ang tomdaoa. E chat ang tomdaoa.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

KOLOSI 4:17

Üntoxle “Jowanpa ma nang ang fakya mwot tsuak ang ole thüilax”, le Arkipa ang thüikox.

EFISIA 4:11

“Khünakbu ang hingho kox”, le thüikyachu chix changpu; chixe züizüi wangshembu ang, züizüi ajebu ang, mamabu a kaxho apuk angkyabu ang, mamabu a chunnyetmixbu ang üntoxle nwotmixbu angle kam.

1 KORIN 15:9

Ku a wangshembu khama oshuk oza tix changlax a, ilaxle kue Zang müimüithom zothup daokya khoma, ku ang wangshem le nyak koxlechu chiasu.

1 KORIN 1:2

Korin ma tüikya Zang müimüithom, opang Zang otsao khünak ang achang ang nyakle koplaxpuix ibu pangnu, Khrista Jisu ma notom tokhange opang chix kux changpuix, Jisu Khrista owa kem Jowanpa chuwüi changpuix, chix shwomkyabu pangnu hato:

KAXHO MÜIKYA LUK 21:34

“Aluile fongkha lanle hia jutok saxnga lanle üntoxlechu ija chaxwannu tsün khoma aban-asan tata le ngokyae janba jao chitüi le nang mong awangle chingo angkya bama khünlilax, chichangthüiba ija chaxwan-zanghane kam ma mankya ningle nang kopüi.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

TITA 1:7

Ile müimüithom lompa tuita a Zang mwot mok angkya ajepa tuita changkya daile, chix a ofwot chizaile changkoxle müiüi. Chix a makax kax ma wüi laxhüi le chichangba amuaküsa to mongtsik dongkya mix chichangüi, chichangba jutok saxngakya mix, hyetlom mix, ngun to asingkya mix, iningkyabu chichangüi.

KOLOSI 1:14

chix a kem dan-pankya mix, thüikoxle kem ochaxbu thailak koxkya mix changpu.

1 KORIN 11:22

Chem! Saxling angkya hünzom ang mahom mapung müntüi hia? Chichangba hünzome zangshwomkya ada üntoxle chitüi chinangkyabu ang thünzak kox angle ile hwonpia? Kue hünzom füi chemle akaxüi? Ija khoma kue hünzom achuak angcha? Münchang, otuechu kue hünzom münachuak.

MARK 13:9

“Ikoxle hünzom ma hanpakma khünkhi lax, chemthüikoxle hünzom a kop laxle khwa to kaxfün ang paoüi; Sinagok ma hünzom to chak moküi; ilaxle Gowarnor hia wanghombu pomtho to ku hanpakma kaxkhi fa ang hünzom ajongüi.

MATHI 16:18

Ija khoma kue nang ang thüipu: Pitar, nang a long changle ilaxle ija long tok ma kue ku müimüithom zing angkya changle. Zike ngaxchu ija to lüt ang müntho.

MATHI 2:6

“‘Jehudi angkya Bethlehem; nang a Jehudi chaxwan ma tüikya tingnubu khama ahixkya le münchang; Chemthüikoxle nang makhange lompa tuita lai angkya changle. Chixe ku wangpün Israel khünaknu, lom azui angkya changle.’”

ZEKARIA 11:4

Jowanpa, ku Zang-e ku füi akax: “Lang ang pao angkya chunbu nyekya chunnyetpa tuita ningle achanglax

EZEKEL 34:3

Hünzome tsomtibu lingle, müimun nyibu awunle, ilaxle chun sümüimüi langlaxle ija omüi saxle. Ikoxle otuechu hünzome chunbu paktikle münchang.

JEREMIA 13:20

Jerusalem, hulax! Nang zanpabu a shuakux chitokhange nguile ngole! Nang ang hulax-ole koxkya khünaknu omaün, nang khünaknu opang bama nang mongngamle ngokyahex?

JEREMIA 13:17

Hünzome chiapa jangthüi: Hünzom mongngam khoma ku huxsa ma sopüi; ku mongmaxle sopüi, ilaxle ku mikfi jenle juüi chemthüikoxle Jowanpa khünaknu a zanda ang kople paodao koxle.

ISAIA 63:11

Ikoxlechu hwomeledaokyabu texle atak, Jowanpa dapa Mosa din tokyabu a, ilaxle hwome atüi: “Tinu chak tokya chix khünaknu khosünle kopkya Jowanpa a ojong? Mosa ang chix chasa koxkya Jowanpa a ojongto tüi?

WANWÜNKAX 10:21

Müikya khünak zangwünbu füi khünakbue olap kopüi, ikoxle ongat makhange nange ma alüile lang ang thoüi.

MÜNCHUAK-TSAI 74:2

Nang kaitanto wüi ma hanpak angle zünle kopkya nang khünaknu texle ataklax, hwom a nang saxthom ang lax angkya hanpakma zanda ang ngokya nange alaile apüikya khünakbu changpu. Ami nang ngotoxkya kha Zaion texle ataklax.

JEREMIA 31:10

Jowanpae thüi: “Jat-libu, ku kax to apalax ilaxle ku kaxbu a tinu kaxbu tsailo to apuk-kox. Kue ku khünaknu chiakle thomle, ikoxlechu kue hwom asox-atomüi ilaxle chunnyetpa tuitae chunbu nyekya ningle kue hwom to nyeüi.

ROM NOK HATO ZAKYA POL LAIZA 16:16

Khrista ma tüinao mongkün tunpong makhange tata füi salam kox. Khrista müimüithom pangnue wüi hünzom hato hwom salam akatle.

1 KORIN 6:20

chixe nang a otha koxlaxle shakdaoa. Idaile nang tsangtsa nange Zang fuazang angkya olom ma twonlax.

1 TIMOTHI 3:1

Owawae müimüithom ma lompa ang achangse jangtsu thüiba, sümüikya mwot moksele tsukya changpu le wünkya ija kax otsingtsing changpu.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.