WANGSHEMBU MWOT 20:19 - OTSAO BAIBEL (BSI)

¹⁹ Jehudi khünakbue lang ang tungkya tokhange ku hato hüikya zothup akaile thuakjokkya hia mikfi füi Jowanpa da tuita changpu le kue ku mwot mokle hüidaoa.

WANGSHEMBU MWOT 20:19 ပူးပေါင်းရင်းမြစ်များ

KOLOSI 3:24

Zange chix khünaknu hanpakma chem thomlaxpuix, ija hünzom ang hingho ningle kox angkya mong ma koplax. Chemthüikoxle hünzome thotha ngokya hopupa tsingtsing a Khrista changle.

2 KORIN 2:4

Kue ija laiza pongma ku ang mong ojao chimüi ilaxle ku mongsik ngünle sop ngokya; ku mongtex a hünzom mong naxma le chichangle kue hünzom pang towüi obukuxle künpuix, hünzome ija tsingle naxlaxlax le texkya changpu.

ROM NOK HATO ZAKYA POL LAIZA 12:11

Azongle mwot mok kox, ilaxle zaxkak mong taxdom. Mong ma Chasa wünchuae awangle Jowanpa thothakox.

WANGSHEMBU MWOT 20:3

Ikhato chix lyetkua azom nui. Chix Siria to le ang achwonle ngokya, iponge Jehudi khünakbue chix lang ang azya ngokya awanle lax; idaile Mesidonia akaile chatkya wüi müiüile chixe thüt.

2 KORIN 7:5

Kwome Mesidonia alople ngui füima ngaxchu, kwome nazak ojao chikop. Pangnu khato wüi tuwuk, mixfüi atsi-alakyabu, mong ma chazakya tüihukya.

JEREMIA 13:17

Hünzome chiapa jangthüi: Hünzom mongngam khoma ku huxsa ma sopüi; ku mongmaxle sopüi, ilaxle ku mikfi jenle juüi chemthüikoxle Jowanpa khünaknu a zanda ang kople paodao koxle.

JAKOP 1:2

Kutüi kunaohom, otue hünzom lomtang ma thwontsing pangnu oli apongüihex, izuma hünzom shomüi mixbu changpu le texlax,

FILIPI 3:18

Ija bama kue thotochu hünzom hama obithomthom ma hexle wünle hüipu; ija kax athax kue mikfi füi anaole wünpu: Pünsak ma zikya Khrista füi zan ang achangkyabu hwom tüihule.

EFISIA 6:7

Hünzome khünak tata chichangle Zang thothakya changpu le, dahaibu ningle da mwot mongmüi füi mokkox.

GALATIA 1:10

Khünaknue ku wüi changkoxa naxthüile akax ngopuixle apaünpia? Ile otuechu münchang! Kue, Zange sule le thüi angkya lomwüi! Ku khünaknue zaole naxwün le azong ngole le hia? Athaxchu wüi kue ile azong ngo angkya thatha jangchang thüikoxle, ku Khrista da ang münachang ngose.

2 KORIN 3:5

Ija mwot mok ang tsuaküile akax angkya kwom ma chemchu müntüi. Moktsuak angkya zong Zang tokhange tix hüipu.

WANGSHEMBU MWOT 20:31

Mik hingle ngolax, üntoxle zanglao azom bama kue mikfi ajenle, zangnak zangngaile hünzom pangnusa hama apuakya kaxbu pangwüi mong ma thomlax.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

1 PITAR 1:6

Tüning-tüningkya sikngün hia thwontsingbu tokhange onoxnox ma hünzom ang mongma angkya tüihukoxlechu, ija bama mongmüikox.

1 THESALONIKA 1:9

Kwome hünzom wai pongma hünzome kwom wün chemle pwonle pongkop, chapa shwomle ngokya zangshwom ha tokya ozün ma ngokya Zang thotha ang hünzom chemle chat, ibu pangnu bama khünak noke wüi wünle.

ROM NOK HATO ZAKYA POL LAIZA 1:9

Hosa bama Kaxho Müikya apukle mong bakle koxlaxle Zang owa mwot kue mokle ngolaxpuix, chixe ku zangwün otsingtsing changpu le kaxkhi fa ang thoüi. Kue zangjopkya foto hünzom texle atakkya Zange awanle.

ROM NOK HATO ZAKYA POL LAIZA 1:1

Khrista Jisu da, ilaxle kamle kopkya wangshem tuita tamchu Kaxho Müikya apuk angkya hanpakma Zange nyakle kopkya mixsün Pol tokhange:

WANGSHEMBU MWOT 27:23

Chemthüikoxle ku owa kuxhex ilaxle kue owa tongshwom le ngopuix, ija Zang kaxtaimixbu müja ku hato nguile,

WANGSHEMBU MWOT 17:13

Ikoxle otue Jehudi khünakbue Beria machu Pol-e Zang kax apuk-apua daoa ta le atat, hwom ikhato nguilaxle khünakbu nga-adün ilaxle khünakbu to cheile ama.

JUHAN 12:26

Owawae ku thothase jangtsuba, chix ku füito azui angkya changle; ikoxtix ku ojong khato ngoüihex, ikhato ku dachu ngoüi. Owae ku thotha laxpuix, Apae chix achuaküi.

KAXHO MÜIKYA LUK 19:41

Chix tingnu hato namle ngui, üntoxle chixe ija ngünkya zuma chixe ija tingnu hanpakma sople thüi:

JEREMIA 9:1

Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.

MÜNCHUAK-TSAI 119:136

Ku mikfibu shuajen ningle jenle ju, khünaknue nang wanlom kax ma chilaxkya ngünlaxle.

MIKNGÜN-OHÜN 7:15

“Ikhoma hwome nyixfokya to, Zang chongwang tüntong thüntho ma, ajong laxle zangnak zangngai, chix zangshwom-hom ma chix thothale. Chix womlaxle chongwang tüntong ma, thungle tüikya mixe, hwom khosünle thomüi.

2 TIMOTHI 1:4

Kue nang mikfi jenkya texle atakle, ilaxle kue nang ngünse le tüle texle, ile changkoxle tix ku mongmüie awangüi.

WANGSHEMBU MWOT 17:5

Pol hia Sila nyi füito khünaknu huanuma asüikya ngünlaxle Jehudi khünakbu ang mongtsik ilaxle tingjang lomnu tokya züntebu sele asoxlaxle wuk adün angkya othom ang zingle dan. Hwome tingkhua pangnu chito wüi mwop lai ang kox üntoxle Pol hia Sila nyi koplaxle khünaknu hato alai ang hokhi lomle Jason hom sing.

WANGSHEMBU MWOT 21:27

Hanpak nyix anüt ashuküi khakhama, Asia haxtok tokya Jehudi khünak züitae Zangshwom-Hom ma Pol ngün. Hwome khünaknu pangnu to chüile mwop ngai ang tom ilaxle Pol kop.