WANGSHEMBU MWOT 2:47 - OTSAO BAIBEL (BSI)

⁴⁷ Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.

WANGSHEMBU MWOT 2:47 ပူးပေါင်းရင်းမြစ်များ

WANGSHEMBU MWOT 16:5

Ile müimüithombu mongong ma shingmong ang tom üntoxle nyixfokya to mixhuak tsa ang tom.

1 KORIN 1:18

Chemthüikoxle maxsam le ngokyabu hanpakma, Khrista pünsak ma zikya kaxho a kaxwa changle; Ikoxle kem khosün daokyabu zongto ija a Zangtsak Zang zong changpu.

WANGSHEMBU MWOT 2:41

Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt.

WANGSHEMBU MWOT 2:39

Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”

ROM NOK HATO ZAKYA POL LAIZA 14:18

Üntoxle khünak opange ile Khrista mwottho thaüihex, hwome Zang mong amüi ang tsuaküi ilaxle khünakechu hwom mwot ang changkox a le thüiüi.

WANGSHEMBU MWOT 11:24

Barnaba a Otsao Chasa füikya müikya mongong mix tuita changkya. Chixe khünaknu mongong ma Zang hato huanuma apüi.

WANGSHEMBU MWOT 13:48

Mixnokbue ija kax atatlaxle mongmüi ilaxle Jowanpa kaxho achuak; üntoxle oshuk chitüikya tsün atak angkya hanpakma Zange zünle kopdaokya mongong mixbu ang achangle hüi.

ROM NOK HATO ZAKYA POL LAIZA 9:27

Ilaxle Israel khünaknu hanpakma khuapu: “Israel khünaknu fa angkya saktsang büta tüibachu, hwom kha angkya hidaole wüi azangüi;

ROM NOK HATO ZAKYA POL LAIZA 8:30

Idaile Zange, chixe süile dandaokyabu nyakle; ilaxle chixe opang nyak laxpuix, chix füi muamüi ang tomle; ilaxle opang chix füi muamüi ang koxpuix, hwom füi chixe chix fuazangchu wüi tomhanle.

KAXHO MÜIKYA LUK 2:52

Jisu a tsangtsa hia je ma, üntoxle Zang hia khünaknu mikngün ma sule tsong.

WANGSHEMBU MWOT 4:21

Nguawangbue tamtaile aza ilaxle hokhi danle apao. Hwome hokhi sikangünkya “ikhoma changpu”, le thüi angkya olom chiatak, chemthüikoxle ile changkya ngünlaxle khünaknue Zang mün achuakle ngo.

WANGSHEMBU MWOT 4:33

Huanu tsakzong füi wangshembue Jisu chatle azangle zokya bama kaxkhi fa, üntoxle Zange hwom pangnu to okhongui le mohiman.

KAXHO MÜIKYA LUK 19:48

Ikoxlechu hwome ile sua angkya opong chiatak; chemthüikoxle pangnusae wüi kaxfa tuita chialyet le chix kax apa ang tsu.

WANGSHEMBU MWOT 4:4

Ikoxlechu ija kaxho atatkyabu khama ija to ongkyabu tüle lai; üntoxle ongkya khünakbu mixhuak hajat aga tukux ang achangle tsa.

WANGSHEMBU MWOT 6:1

Ifüima aluile chingo homle, Jisu man tokyabu sütsa-sütsale tsale hüikoxle, Grik kax ma wünkya Jehudi khünak mixwün nguikyabu hia Jerusalem ma ngokya Jehudi khünakbu bama hyet lai. Grik kax ma wünkya Jehudi khünakbu thome, nyixfole ahankya hwom süntom ngun, hwom kha angkya zomnubu ang chifakya bama hwom e-ma chilaxkya kax ngai.

WANGSHEMBU MWOT 6:7

Idaile Zang kax a thuithui le apukle atsat. Jisu man tokyabu Jerusalem ma sütsa-sütsale tsale, üntoxle nguapabu kha angkyachu Kaxho Müikya pongle kopmix huanuma lai.

WANGSHEMBU MWOT 9:31

Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.

WANGSHEMBU MWOT 9:35

Lidia hia Sharon tokya khünakbu noke chix ngün, ilaxle hwom Jowanpa hato hüi.

WANGSHEMBU MWOT 11:21

Jowanpa tsakzong hwom füi tüikya, ilaxle khünakbue mongong laxle Jowanpa füito azui.

WANGSHEMBU MWOT 14:1

Ikoniam machu ile wüi chang. Pol hia Barnaba nyi Jehudi nok sinagok to ngui ilaxle akax ikoxle Jehudi nok hia Grik khünakbu huanuma, chix to ongkyabu ang achangle Jisu hato hüi.

WANGSHEMBU MWOT 14:21

Pol hia Barnaba nyie Darbe ma Kaxho Müikya apuk, üntoxle khünakbu Jisu wangshembu ang huanuma achang. Ifüima hokhi Lastra to pao, ifüima Ikoniam to aham ilaxle oshukma Pisidia angkya Antiok to chat.

WANGSHEMBU MWOT 17:12

Hwom khama mongongkyabu huanuma lai; ilaxle lükabuchu wüi üntoxle e-sele tüikya shekobuchu wüi Grik khünak mongongkyabu huanuma lai.