WANGSHEMBU MWOT 2:46 - OTSAO BAIBEL (BSI)

⁴⁶ Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax.

WANGSHEMBU MWOT 2:46 ပူးပေါင်းရင်းမြစ်များ

WANGSHEMBU MWOT 5:42

Ilaxle nyixfole Zangshwom-Hom hia khünak homkhabu to hwome Messaiah, tuita Jisu Khrista bama Kaxho Müikya anwot-anole apuk-apua.

WANGSHEMBU MWOT 2:42

Üntoxle hwom a wangshembue anwot-anokya hia notom wonmüikya ma, üntoxle tomle saxlaxkya hia zangjop ma womle hwom shingmongle ngo.

WANGSHEMBU MWOT 20:7

Hat azok ma kwom tomle fongsax ang asox. Chix ofüi nyix wüi pao angkya daile Pol-e khünaknu hama ozulole tsüdang kople apua-anole ngo.

MÜNCHUAK-TSAI 86:11

Nange ku ang chem amokse hex ku hama anwot-anole fahüi, ilaxle chialekya mongong füi kue nang kax ma laxüi; komkaile mongkoxkya füi ku hama nang thotha angkya anwot-anole fahüi.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

WANGSHEMBU MWOT 16:34

Chixe Pol hia Sila nyi chix hom kople apüi ilaxle hokhi ang sütling kox. Athax a chixe Zang to onglaxle, chix tamchu hwom homkha pangwüi mongmüi atungle ngo.

KOLOSI 3:22

Dabu, pangnuli to hünzom tsangtsa ma hopunu kax ma laxle tüikox, hwome nang to mike hule ngopong ma tata sule le naxthüi ang chichang homtoxle, nange Zang chathua zakya khoma mongkoxle saxmok kox.

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

NEHEMIA 8:10

Athax hom to chatlax ilaxle fongkhale pualax. Hünzome masüt-maling chitüi-chinang khünakbu füi tom-hanle changlax. Anyix a kem Jowanpa hanpakma otsao nyix changle, idaile hünzom ang mong taxma. Hünzom ang koxle tüikya Jowanpa mongmüi-e hünzom chatsak-muazongle changüi.”

KAXHO MÜIKYA LUK 24:53

Ilaxle hwome hanpakbu Zang mün achuakle Zangshwom-Hom ma alyet.

HWON-NWOT-JAONO 9:7

Thotho thuile le-kox—nange süt saxlax ilaxle mongmüile ngolax; nang ju linglax ilaxle pwonla dongle ngolax. Zang zongto ibu pangwüi changkya olomlom wüi.

TSAITONG-KAXTONG 16:11

Jowanpa pomtho ma hünzome masu-masabu, dabu, Liwi hwom, püntüibu, zomnu hia khaxsabu, opangsa hünzom tingnu ma ngole tüipuix, hwom pangnusa füi tomle mongmüi-pwonlakya tüikox. Ija a zangshwom angkya onui jongtakha ma moklax.

2 KORIN 11:3

Ef to changkya ningle hünzom tochu nakchang ünkoxle ku zamaxle. Pu huanuma atsing ilaxle chixe Ef ochax to adüt. Ilailaile hünzom tutex zia ama ang tsuak, ilaxle hünzom Khrista zongto haxtsao-zangthakya chitüile changüi.

WANGSHEMBU MWOT 5:21

Wangshem nyie ija kax ma lax, ilaxle swomsae wüi Zangshwom-Hom to donglaxle anwot-ano ang süt. Nguakho hia chix füikyabue Jehudi nok mixpa tüichong pangnu nguawang katzua lax nyakle asox; ilaxle hwome wangshem nyi hwom hato apüi angkya hanpakma kople thomkya kun nyetmixbu hato kaxkox.

WANGSHEMBU MWOT 3:1

Nyixta tsomfüi zangjop tue Pitar hia Juhan nyi Zangshwom-Hom to ngui.

KAXHO MÜIKYA LUK 24:30

Otue chix hokhi füi tomle fongsax ang thungpuix, chixe an kop laxle mohiman, ilaxle ija ashik le hokhi ang kox.

MATHI 6:22

“Mik a tsangtsa zongto tuita zangngai ningle changpu. Nang mik müile jangngoba, nang tsangtsa pangnu kha zangngai ma ngoüi.

TSAITONG-KAXTONG 12:12

Ekha chix ngwotnui ma mongmüilax, hünzom naosombu, dabu ilaxle hünzom tingnu ma tüikya Liwi hwom pangnusa füi wonmüi-samale changlax; Liwi hwom ang haxtok süntswon müntüi, ija ajangle koplax.

EFISIA 6:5

Dahaibu, hünzome zakya hia abünkya füi ma tsangtsa hopunu hwom kax ma laxle hwom chak to dankox; ilaxle Khrista thothakya ang laxle, nange ija mongkoxle mokkox.

KAXHO MÜIKYA LUK 11:41

Ikoxle hünzom khopkhua wansa ma tüikya chitüi chinang zasabu ang laxkox, ile jangchangba otsao-olang chemchu chitüi le nang hanpakma pangnu wüi tsaokya ang achangüi.

TSAITONG-KAXTONG 12:7

Jowanpa Hünzom Zang, owae hünzom to mohimanpuix, ikhato hünzom tamchu hünzom haxnu-homsabue mae mokle alaikya sütmüi-lingma saxlaxle mongmüi-pwonlale ngoüi.

1 KORIN 10:16

Jowanpa fongsüt ma keme twonkya wansa oja hanpakma keme Zang ang münchong fapuix; ija angkya keme lingkya zuma, keme Khrista aji ma süntswonpu. Ilaxle keme ashikkya an; otue keme ija saxpuix, keme Khrista tsangtsa ma süntswonpu.