WANGSHEMBU MWOT 2:40 - OTSAO BAIBEL (BSI)

⁴⁰ Chixe hwom füi akaxkya isasa chichang; chixe hwom zongsai le chatlechu mamabu huanuma akaxle thüi: “Ma khosün koplax; ikoxletix ibu chichang-chizangkyabu sikngünkya ningle hünzom ang sik münngünüi!”

WANGSHEMBU MWOT 2:40 ပူးပေါင်းရင်းမြစ်များ

FILIPI 2:15

ikoxletix chimüikya chaxwannu hia ochax khünakbu füi tomle ngokya okhonguikya Zangsu Zangsabu ningle ilaxle mixe omale thüi angkya olom chemchu chitüi le hünzom tsaotha le changüi. Hünzom khüzün tsün bama kaxho fakya zuma, lyettsibue zangding to nyankya lailaile hünzomechu hwom khato nyan angkya changle.

TSAITONG-KAXTONG 32:5

Ikoxlechu hünzom a mongong chitüikyabu, chix khünaknu ang chang koxle chiasukyabu, ochax tamchu tsetselopkya jat-li.

1 TIMOTHI 4:16

Nange ma to alüile tamchu nang hwon-nwot to khünkhile hulax. Thuithui le ibu mokle lekox, chemthüikoxle nange jangmok thüikoxle nange ma khosün kopkya boma nang kax atatkyabuchu sün ang thoüi.

EFISIA 4:17

Jowanpa mün ma kue hünzom zünpu: Tutex ma laxli chitüi ilaxle küntex mongjang ma zangnak to ngokya songsaribu ningle hünzom taxngo.

2 KORIN 6:17

Idaile Jowanpa-e akax, “Hünzome hwom danle tox angkya wüi ilaxle hünzom hwom füi atsaiün; chitsaokya to ojao taxlyet, ikoxtix kue hünzom pongle kopüi.

MATHI 17:17

Jisu-e thüi: “Hünzom chem ningkya mongong chitüikya hia thaile ngokya khünakbu hex. Hünzom füi ku a obit ngoüi? Ku hünzom füi athongle chemtukux ngoüi? Naosa ikhato ku hato apüihüi.”

MATHI 16:4

Anyix ngainyixkya chemtukuxkya zünte tamchu Zang chitüikyabu hex. Hünzome münwan lomleo? Ajepa Juna münwan boma mama münwan hünzom ang münfaüi.” Ikhoma chixe hwom dantoxlaxle atsaile pao.

GALATIA 5:3

Kue chatlechu akaxpu, ma alüile khwonzüt ang koxkyabue, wanlom ma tüikya olom pangwüi toüi le thashe kopdaoa, chitsuakba maxsax!

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

MATHI 23:33

Hünzom pubu tamchu pu susabu! Haolum alop angkya sikngün chak tokya khosün ataküile hünzome chemle textsuak laxpu?

1 PITAR 5:12

Mongong tüikya khristan tüinao tuita le kue esele tüikya Sila-e fongle, moxmoxsüle ija laiza kue hünzom hato zapu. Kue hünzom ang zong adünse tsupu üntoxle ija a Zang chingcha changtomtale le kue khüzün kaxkhi fase texpu. Ija ma shingmongle ajonglax.

1 THESALONIKA 2:11

Hopa tuitae naosa to humekya ningle kwom hünzom zongto tüikya hünzome awanle ngopu.

2 KORIN 5:20

Zang chixjaoe kwom makhange chix zangwün thwonkya tukux, ikhama kwome Khrista bama zangwün ngopu. Zan ang ngokya chix füi zuikhui ang achangle, Zange hünzom mong alüix ang laxkoxle kwome Khrista mün ma Zang to joppu.

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

KAXHO MÜIKYA LUK 21:36

Ibu pangnu zia akaile letsuak angkya üntoxle Khünak Hosa chitong ma ajong angkya hanpakma, hünzome othuithuima hule ngolax ilaxle mik-hingle zangjoplax.”

MARK 8:38

Ijadaile ija Zang chitüikya tamchu ochax tsünthom ma opange ku tamchu ku kaxho bama azakle maxüi hex; Khünak Hosae ma Hopa fuazang ma kaxtaimixbu füi nguikya zuma, chix bama azakkya tüiüi.”

WANGSHEMBU MWOT 20:21

Hwom pangnu wüi ma ochax tokya Zang hato chatle, Jowanpa Jisu shwom angkya changle le Jehudi khünak hia mixnok pangnu ang wüi kue otsing tomtata ma kaxkhün tomwüi fadaoa.

JUHAN 21:25

Jisu-e mokkya mama mwotbuchu wüi tüihukya. Ibu pangnu zale koppuix thüikoxle, zangfang awang le lai sha koxle ngaxchu okho münnguise le kue thütle. Amen.

WANGSHEMBU MWOT 20:11

Ifüima chix homdingkho to donglaxle an ashik, ilaxle mongong mixbu füi tomle sax. Hwom füi zanghan chüdün kople zangwünle ngo laxle Pol achex.

WANGSHEMBU MWOT 20:9

Eutika le amünkya mixsün thangmik ma thungle ngokya; ile Pol-e zangwün ozu alwotkya füito, Eutika to mikngüt thule hüi, oshukma chix mikngüt khaxle jipkya zuma homthün azom kho tokya thuile dütle haxkop. Hwome chix tswonkya thoma chix a ziün le bang.

WANGSHEMBU MWOT 20:2

Chix ibu haxtok to aham ilaxle khünaknu ang zong adünle kaxhobu apua. Ifüima chix Grik nok to ngui.

WANGSHEMBU MWOT 15:32

Judas hia Sila, opang aje changkya hex, hokhie tüinaohom ang zong adün ilaxle mong achenle ozulole zangwün.

WANGSHEMBU MWOT 10:42

Üntoxle chixe kwom ang Kaxho Müikya apuk ang anaolechu ozün hia omang nyi bama kaxfün fa ang Zange kamle kopkya a chix wüi changpu le angai angkya kaxtom fa.

MATHI 12:34

Hünzom pubu; ma chimüi khato müikya chemle akax thoüi changkoxkya. Chemthüikoxle mong chem füi awang laxle tüipuix, tun ma ibibi tix ngaipu.

WANWÜNKAX 9:6

Chemchu chitik-chiwanle changkyabu füi ngokya dantox dao. Jetüi-hwonlangkya lomtang ma ahamlax.”

JEREMIA 51:45

Israel khünaknu, ikha angkya zikle paolax! Ku mongtsik chak tokya nang khang khom ang zikle paolax.

KAXHO MÜIKYA LUK 16:28

Ikha to kutüi kunao hwom aga tüile. Chix chatlaxle hwom hato kax naxfa; ile chichang thüiba hwomchu wüi ija sikngün nui to hüiüi changa.’

WANGSHEMBU MWOT 4:36

Ilaxle ikhama Jusep le amünkya Saipras shuazo to puxkya liwi sün tuita tüikya, owa ang wangshembue Barnaba (thüikoxle zong adünkya mix) le nyak;