WANGSHEMBU MWOT 2:4 - OTSAO BAIBEL (BSI)

⁴ Hwom pangnu Otsao Chasae awang, ilaxle Chasae akax ang tomkya ningle mixnok kax ma akax ang süt.

WANGSHEMBU MWOT 2:4 ပူးပေါင်းရင်းမြစ်များ

MARK 16:17

Mongongkyabu ang ibu mok angkya tsakzong koxpu: Ku mün ma hwome haxshix chasabu jwonle apaoüi; chitsingkya kax ma hwome zangwünüi;

WANGSHEMBU MWOT 13:52

Antiok angkya Jisu wangshembu mongmüi hia Otsao Chasae awang.

WANGSHEMBU MWOT 4:31

Otue hwome zangjop ashukpuix, hwom asoxle ngokya kha sile alox. Hwom pangnu wüi Otsao Chasae awang ilaxle zazyenkya chemchu chitüi le Zang kaxho apuk ang süt.

EFISIA 5:18

Hünzom olithu angkya jue nang to taxtok; itülüi Chasae awangle ngolax.

1 KORIN 12:10

Ija Chasa tuitatae wüi mixhuak tuita ang ohünotün mwot mok angkya zong koxle, mama mix ang Zang Kaxho bama akax angkya hingho koxle; ilaxle ata mix ang Zang Chasa tokhange hüikya hia mamachi tokhange hüikya oba süile aho tsuak angkya hingho koxle. Tuita ang chitsingkya kax ma zangwün angkya zong koxle, ilaxle ata mix ang a ija zangwün taile fa angkya zong koxle.

JUHAN 14:26

Ikoxle fongmix ija Otsao Chasa, Apae owa ku mün ma ahüi angkya hex, chixe hünzom hama pangnusa apuale fa angkya changle, ile kue hünzom füi akax daokyabu pangnu texle atak ang tomüi.

WANGSHEMBU MWOT 19:6

Pol-e hwom khangkho ma chix chak dankya zuma hwom hato Otsao Chasa hüi; hwome chitsingkya kax ma zangwün ilaxle Zang kaxho apuk.

WANGSHEMBU MWOT 10:46

Chemthüikoxle ijabue chitsingkya kax ma zangwünkya hia Zang achuak achenkya hwome atat. Pitar-e hwom ang thüi:

WANGSHEMBU MWOT 9:17

Ikhoma Anania pao, ija hom to ngui ilaxle Sol to chix chak füi twon. Chixe thüi: “Tüinao Sol, Jowanpa Jisu chix jaojaoe ku tsanle ahüikya changle. Chix a nang ikhato hüiüi lom to nang füi apongkya mix changle. Nange chatle ngün ang kop angkya kuxma üntoxlechu nang Otsao Chasae awang angkya hanpakmale chixe ku tsanle ahüikya changle.”

WANGSHEMBU MWOT 7:55

Ikoxle Stefen, Otsao Chasae awang laxle zangkho chito hukoxle Zang fuazang ngün üntoxle Jisu a Zang tsaxchi ma ajongle ngün.

WANGSHEMBU MWOT 1:5

Juhan-e ti ma baptipu, ikoxle aluile chingo homle hünzom Otsao Chasa ma baptiüi.”

1 KORIN 13:8

Mongkün münashuk tox. Ajekyabu tüihule, ikoxlechu ibu a noxtakya hanpakma; chitsingkya kax ma zangwün angkya hinghobu tüihule, ikoxlechu ibu a zakünüi; je-hwon tüihule ikoxlechu ibu a dantox daoüi.

1 KORIN 13:1

Kue khünak zangwünwün komle ilaxle kaxtaimix zangwün to lünle wün ang thokoxlax, ikoxlechu ku ma mongkün chitüi thüikoxle, kukax kungao a na apale thukya büi hongkya chichangba samthukya thatha ang changüi.

WANGSHEMBU MWOT 13:9

Ifüima Sol, owa ang khünaknue Pol lüchu wüi nyak, chix ma Otsao Chasa ngui; chixe ija montro sün to tangthole hu,

WANGSHEMBU MWOT 2:11

üntoxle züizüi kem Kret hia Arabia tokyabu; ikoxlechu Jowanpa-e mokkya ohünotün mwot bama hwome akaxkya keme makax kax ma atat ang kople!.”

KAXHO MÜIKYA LUK 12:12

Chemthüikoxle ipongkhae wüi hünzome chemle akaxüi hex Otsao Chasae hünzom hama apuale faüi.”

1 KORIN 14:18

Hünzom pangnu to nüile kue chitsingkya kax ma zangwün ang kopkya khoma kue Zang ang münchong fapu.

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

WANGSHEMBU MWOT 4:8

Pitar-e Otsao Chasae awang laxle hwom kax to lanle thüi: “Hünzom, khünaknu lompabu tamchu apu-apahom,

JUHAN 20:22

Chixe ija kax akax füima, hwom to zak füi mütle thüi: “Otsao Chasa koplax;

KAXHO MÜIKYA LUK 4:1

Jisu Jordan shua tokya Otsao Chasae awang le chat ilaxle Chasae chix faokha to zunle pao.

1 PITAR 1:12

Zangkangting tokya ajokya Otsao Chasa tsakzong makhange kaxho mix opange hünzom hama ibu Kaxho Müikya apukkya hünzome atat laxpuix, ibu a kaxtaimixbue ngaxchu tsingle laxse tsukya oli changle. Ija kaxho pongma ajebu ang Zange ibu a hwom lap hanpak münchang ikoxle hünzom lap hanpak changle le angaile kox.

1 KORIN 14:5

Hünzom pangnue wüi chitsingkya kax ma akaxkyachu changle, ikoxlechu ito nüile hünzome Zang kax apuk-apua angkya hingho namkopbae le ku mongto texpu. Müimüithom nok fün amüi angkya kuxma, chitsingkya kax ma akaxkya owawae taile kox angkya mix chitüi thüikoxle, chix füi Zang kax apuk-apuakya mix wüi tüichongpa.

WANGSHEMBU MWOT 11:15

Ilaxle kue hwom füi akaxle ngoponge, ami owang pongma kem hato nguikya ningle Otsao Chasa ngui.

WANGSHEMBU MWOT 6:5

Wangshembue ija kax wünle alaikya khoma noknusa wüi mongmüi; idaile hwome mongong ma zukya tamchu Otsao Chasae awangkya Stefen kam, üntoxle Filip, Prokoras, Nikonor, Timon, Parmenas, ilaxle Jehudi zanglom laxkya Antiok nok Nikula, hwom bibi kam.

WANGSHEMBU MWOT 6:3

Idaile tüi-hi-naohom, Otsao Chasa hia hwon-je e awangle tüile le atsingshokya mix hünzomkha angkya mixsün anüt zünlax, ilaxle kwome hwom ija ngun-syen twon angkya mwot to süt ang tomüi.

WANGSHEMBU MWOT 1:8

Ikoxlechu wüi Otsao Chasa otue hünzom ma nguiüihex, hünzome tsakzong kopüi, üntoxle hünzom a Jerusalem ma, Jehudi hia Samaria pangnu khato, üntoxle chaxwannu okhui apongle ku bama kaxkhi fa angkyabu ang achangüi”.

KAXHO MÜIKYA LUK 1:15

Jowanpa miksho ma chix zaxzang kya mix tuita ang achangüi. Chixe ju-khan chemchu chiling angkya changle. Chix puxkya tokhange wüi Otsao Chasae awangle tüiüi,

ISAIA 59:21

Ilaxle kue hünzom füi tsaotsüt tuita thompu: Kue hünzom ang ku tsak-zong hia hwon-nwot othuithui hanpak ang koxdaoa, ilaxle athax a hünzome ku kax ma lax angkya wüi ilaxle othuithuima ku kax ma laxle ngo angkya hanpakma hünzom su-sa hia hünzom sixlibu hama anwot-anole changüi.”

ISAIA 28:11

Hünzome ku kax to chiapa jangthüiba, hünzome chitsingkya kax makhange hünzom ang olom-olom apuale kox angkya hanpakma Zang-e mixnokbu twonüi.

2 SAMUEL 23:2

Jowanpa chasae ku makhange akax; chix kaxho ku tunpün ma tüile.

EFISIA 6:18

Ibu pangnu wüi, Zange asun azu angkya jule zangjopkya füi moklax. Chasae zunkya ningle, othuithuima zangjoplax. Ija bama mik-hing le ngolax ilaxle otuechu danle taxtox; Zang khünakbu hanpakma othuithuima zangjop lax.

EFISIA 3:19

Changle, ija a otuechu bakle tsing ang tho angkya oli münchang ilaxle Zang ma atüitüi komle awangle tüi ang kopüi le münchang; ikoxlechu hünzome chix mongkün tsingle naxlax kox ang.

WANGSHEMBU MWOT 11:24

Barnaba a Otsao Chasa füikya müikya mongong mix tuita changkya. Chixe khünaknu mongong ma Zang hato huanuma apüi.

WANGSHEMBU MWOT 6:8

Stefen, Zange okhonguile mohimankya üntoxle chasa zong chongkya füikya mixsün tuita changkya. Chixe khünaknu khato khomtsikya hia ohünotün mwotbu mokle aho.

KAXHO MÜIKYA LUK 21:15

Chemthüikoxle hünzom zanbu owaechu hünzom füi apan ang chitho angkya hia lan ang chitsuak angkya kax üntoxle je-hwon kue hünzom ang koxüi.

KAXHO MÜIKYA LUK 1:67

Juhan hopa Zakaria a Otsao Chasa e awang le tüikya, ilaxle chixe Zang kaxho akax:

KAXHO MÜIKYA LUK 1:41

Otue Elizabeth-e Meri e she füi salam kaxzex kya atatpuix, she wok angkya nao amok. Elizabeth a Otsao Chasa e awangle tüikya,

MIKA 3:8

Ikoxlechu ku hanpakma, Jowanpae ku a chix chasa hia tsak-zonge awangle koxpu, ilaxle Israel nok hama hwom ochax chem hex ija bama ngaile fa angkya ku ang tutex sukya hia mongchen fapu.

MATHI 10:19

Kax atwon ang hünzom apüikya zuma chem akaxüi le kho taxsam; kaxtsing akax ang ija ma wüi hünzom ang koxüi.

1 SAMUEL 10:10

Chemtue Sol hia chix dapa nyi Gibeah to nguipuix, ajebu othom tuita chix füi apong. Allele Jowanpa Chasae chix to kop, ilaxle chix a mongmüi-pwonla-tungle azüi ilaxle akhong-akhale chang.

2 PITAR 1:21

Chemthüikoxle khünak tutex makhange hüikya jekax tümüntüi. Jowanpa tokhange hüikya kaxho zex pongma khünaknu a Otsao Chasae koplaxle tüikya.

EZEKEL 3:11

Ifüima nang a zanda ang kople paothomkya nok hato paokox; hwome chiapakox apakox, ku Jowanpa Khüthak Zang-e hwom füi chemle akax ngopuix ibu apuale laxkox.”

JEREMIA 6:11

Jowanpa, hwom füikya nang mongtsike ku to ngaxchu zokle, ilaxle athaxpi kue ija kople thom ang müntho.” Ifüima Jowanpae ku ang thüi: “Ku mongtsik a tingjang lomnu tokya naosombu hia naocha-naosünbu asoxle ngokya ding to thokkox. Kakonu hia kakopabu a tswonle paoüi, azupi hia azupa hwom ngaxchu shanle müntox.

1 SAMUEL 1:14

ilaxle chixe she ang thüi: “Nange jutok ahole ngokya zakün! Juling danlaxle khangka hingshele ngolax!”

WANGSHEMBU MWOT 2:3

Ifüima wün füikyabu le ningle lai ilaxle chiakle ikhama atüitüi pangnu towüi lyetkya hwome ngün.

WANGSHEMBU MWOT 8:17

Ifüima Pitar hia Juhan nyie hwom khangkho ma chak danlaxle zangjop, ija ma hwome Otsao Chasa pongle lax.

WANGSHEMBU MWOT 10:47

“Keme kopkya lailaile ibuechu wüi Otsao Chasa kople. Jangchang thüikoxle hwom tima bapti angkya to owawae abaxkya tüiangcha?”

WANGSHEMBU MWOT 15:8

Üntoxle Zang, owae noknusa kün-mong awan laxpuix, chixe kem ang koxkya ningle hwom angchu Otsao Chasa koxkya makhange mixnokbuchu wüi Zang to ongkyabu ang achang tsuaküile ahole.