WANGSHEMBU MWOT 2:38 - OTSAO BAIBEL (BSI)

³⁸ Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

WANGSHEMBU MWOT 2:38 ပူးပေါင်းရင်းမြစ်များ

WANGSHEMBU MWOT 22:16

Idaile athax chem shen ngo angkya tüipu. Zolax, ilaxle bapti lax ilaxle chix mün lünkya tokhange nang ochax sole awütlax.’

MARK 16:16

Owae ong laxle bapti laxüi hex, chixe khosünkya ataküi; ikoxle owae chiong laxüi hex, chixe thajao kopüi.

WANGSHEMBU MWOT 8:12

Ikoxle otue hwome Zang Wangting hia Jisu Khrista mün bama Kaxho Müikya Filip makhange atatle laxpuix, hwom sheko lüka pangwüi tima bapti.

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

WANGSHEMBU MWOT 10:48

Idaile chixe hwom ang Jisu mün ma tima bapti ang tom. Ifüima hwome chix ang hwom füi tomle hanpak hidaole nuile toxkoxle müisele akax.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

ROM NOK HATO ZAKYA POL LAIZA 6:3

Ija a hünzom pangnue awan ngokya tuita: Otue Jisu Khrista füi notom le kem bapti puix, kem a chix zikya füichu notomle baptikya changpu.

MATHI 4:17

Ija makhange Jisu-e hwon-nwot owang wangle thüi: “Hünzom ma ochax tokya mong chatlax; chemthüikoxle Zang Wangting nguile tüile.”

MATHI 3:2

chemthüikoxle Zang Wangting a soxle hüiüna!”

WANGSHEMBU MWOT 17:30

Jisu Khrista ma khünaknue Zang matsing tanto, hwom ochax bama olüix chikhom homle shanle dantox daoa, ikoxlechu athaxpi pangnu khatokya khünak noknok wüi ma ochax tokya chat angkya bama kax koxdaoa.

WANGSHEMBU MWOT 20:21

Hwom pangnu wüi ma ochax tokya Zang hato chatle, Jowanpa Jisu shwom angkya changle le Jehudi khünak hia mixnok pangnu ang wüi kue otsing tomtata ma kaxkhün tomwüi fadaoa.

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

TITA 3:5

chixe kwom khosün. Ija ma keme lita müikya mwot mokdaokya khoma le chichang, ikoxle chix chingcha tokhange tix chixe kem khosünpu. Ija khosün mwot chixe, kem sole atsaokya ilaxle azünle puxkya hia tsün ozün fakya Otsao Chasa makhange mok.

MARK 1:15

Üntoxle chixe thüi: “Chaxwan zanghan nguile hüiüna ilaxle Zang Wangting a chaknam ma tüile; hünzom ma ochaxbu tokya mong chatlax ilaxle Kaxho müikya to onglax!”

WANGSHEMBU MWOT 16:15

She füi tomle hwom homkha pangwüi bapti. Ifüima she-e kwom selaxle thüi: “Kuchu Jowanpa to ongkya mixcha tuita changpu le hünzome janglax thüiba, oman, nguilaxle ku hom ma ngolax.” Ilaxle she-e tütakoxlechu kwom ngui angkya wüi changpu le kwom se.

WANGSHEMBU MWOT 8:20

Ikoxle Pitar-e chix kax to lan: “Nange Zang hingho ngun füi shak ang thoüile thütkya khoma, nang ilaxle nang ngun a haolum to leün.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

ISAIA 59:21

Ilaxle kue hünzom füi tsaotsüt tuita thompu: Kue hünzom ang ku tsak-zong hia hwon-nwot othuithui hanpak ang koxdaoa, ilaxle athax a hünzome ku kax ma lax angkya wüi ilaxle othuithuima ku kax ma laxle ngo angkya hanpakma hünzom su-sa hia hünzom sixlibu hama anwot-anole changüi.”

ISAIA 32:15

Ikoxle Zang-e tamchatle kem hato chix chasa ajoüi. Awütle thomkya haxtok haxzao füikya haxtok ang changüi, ilaxle haxtok ma tüle-tüle puamünüi.

EZEKEL 39:29

Kue kue khünaknu Israel nok khangkho ma ku chasa thokle koxüi ilaxle hwom hato otuechu kue tok münaho. Jowanpa Khüthak Zang, kue ija akaxpu.”

ISAIA 59:20

Jowanpae chix khünaknu ang thüi: “Hünzom kho-awa ang ku Jerusalem to nguiüi ilaxle ochaxbu tokhange mongchatkya hünzom pangwüi khosünle kopüi.

MATHI 3:6

Hwome ma ochax ngai ilaxle chix chak makhange Jordan shuanu ma baptilax.

KAXHO MÜIKYA LUK 3:10

Khünaknue chix ma atüi: “Jangchang thüiba kwome chempang moküi?”

WANGSHEMBU MWOT 10:43

Chix mün ma tüikya zong makhange chix to ongkyabu ang ochax thailak faüi, le chix bama ajebu pangnue wüi akax.”

WANGSHEMBU MWOT 13:38

Idaile kutüi-kunaohom, hünzom pangnue wüi awanle koplax, Jisu Khrista makhangetix ochax thailak ataküile kaxho hünzom hato apuk-apua angkya atsingshokya kax changle;

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.