WANGSHEMBU MWOT 2:32 - OTSAO BAIBEL (BSI)

³² Zange ija Jisu zidaokya chatle azündaoa, ilaxle kwom a pangnusa wüi ija otsingtsing bama kaxkhi fakyabu changpu.

WANGSHEMBU MWOT 2:32 ပူးပေါင်းရင်းမြစ်များ

WANGSHEMBU MWOT 3:15

Athaxpi hünzome khünak khüzün lom to zunkya mix langle awüt. Ikoxlechu Zange chix zidaokya chatle azün, ilaxle kwome ija ma mikshoe jao ngünle.

WANGSHEMBU MWOT 1:8

Ikoxlechu wüi Otsao Chasa otue hünzom ma nguiüihex, hünzome tsakzong kopüi, üntoxle hünzom a Jerusalem ma, Jehudi hia Samaria pangnu khato, üntoxle chaxwannu okhui apongle ku bama kaxkhi fa angkyabu ang achangüi”.

WANGSHEMBU MWOT 4:33

Huanu tsakzong füi wangshembue Jisu chatle azangle zokya bama kaxkhi fa, üntoxle Zange hwom pangnu to okhongui le mohiman.

WANGSHEMBU MWOT 2:24

Ikoxlechu zidaokya chix Zange chatle azangle zo ang tom; chixe chix zikya sikngün chak tokya da, chemthüikoxle zike chix hakle thom ang tho angkya oli chichang.

JUHAN 15:27

Ilaxle hünzomechu wüi ku bama kaxkhi fa angkya changle. Chemthüikoxle hünzom a pongwang tokhange wüi ku füi ngole hüikya changle.

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

WANGSHEMBU MWOT 4:10

hünzome pünsak ma takle langkya mix owa Zange chatle azangle zo ang tompuix, ija Nazareth nok Jisu mün ma tüikya zong makhange owüiole müilaxle ija mixsün hünzom thüntho ma ajong ang tsuakpu, le hünzom pangnue tamchu Israel khünak noke wüi awan angkya oli changle.

WANGSHEMBU MWOT 5:30

Hünzome pünsak ma takle langkya füima, kwom pupa hwom Zange ija Jisu chatle azang ang tompu.

WANGSHEMBU MWOT 13:30

Ikoxlechu Zange chix zidaokya chatle azangle zo ang tom,

WANGSHEMBU MWOT 13:33

Zange kem pupa hwom füi moküi hexo le tsaokya mwot Jisu Khrista azangle zo ang koxkya makhange Zange kem hwom susabu hanpakma üntoxlechu nok hanpakmale mokdaoa. Ija a anyi lükya Münchuak Tsai ma zale tüikya ningle: ‘Nang kusa changle, Anyix ku Hünpa ang achangpu.’

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

1 KORIN 6:14

Zange Jowanpa Jisu zidaokya chatle azwot, ilaxle ku chuwüi chixe chix tsakzong makhange chatle azwotüi.

1 KORIN 15:15

Tamtailechu Zang bama kwom atsekya ang changüi, chemthüikoxle Zange Khrista chatle azangle zo ang tomle le kwome akaxdaoa. Idaile zidaokya chatle azangle zokya chitüiangba, Khrista chatle azangle zokya kaxwa changa.

2 KORIN 4:14

Zang owae Jowanpa Jisu chatle azünpuix, chixe kwomchu Khrista füi tomle azangle zo ang koxüi ilaxle hünzom füi tomle kwomchu wüi chix ngwotnui to paoüi, le kwome awanle.

GALATIA 1:1

Khünak angkya, chichangba khünak makhange hüikya chichangle, ikoxle Jisu Khrista üntoxle Hopa Zang, owae chix zidaokya chatle azangle zo ang tompuix, chix wangshem ang nyakle kopkya Pol tokhange.

EFISIA 1:20

Kem ma mwot mokle ngokya ija akhokya tsakzong a, chixe Jisu Khrista azangle azwot ilaxle zangkangting to chix tsaxchi ma athung ang twonkya zong tuitata wüi changpu.

KOLOSI 2:12

Chemthüikoxle baptikya zuma hünzom Khrista füi tomle akhün, ilaxle baptikya ma, zidaokya Khrista chatle azang azwotkya, dangle chingokya Zang zong to hünzome mongongkya makhange, Khrista füi tomle hünzomchu chatle azangle zo.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.