WANGSHEMBU MWOT 2:23 - OTSAO BAIBEL (BSI)

²³ Zange chix tutex hia künzut-mongjang makhange Jisu a hünzom chak to kox angkya changle le athut apan tsuak daokya changle; ilaxle ochax khünakbu chak to pünsak ma tak ang koxlaxle hünzome chix langpu.

WANGSHEMBU MWOT 2:23 ပူးပေါင်းရင်းမြစ်များ

KAXHO MÜIKYA LUK 22:22

Khünak Hosa a Zange naxchango le thüikya ningle zilaxüi, ikoxle owa makhange chix khohang laxpuix, chix a maxsax!”

WANGSHEMBU MWOT 4:28

Nange amibawüi nang tsakzong hia nang tutex makhange, chempang le changüihex, ibu athut-apan tsuakdaokya pangnu angaile mok ang hwom asox.

WANGSHEMBU MWOT 3:18

Kaipong ma wüi ajebu tokhange Messaiah-e sikngün apong angkya hexle Zange aje ang koxle thomdaoa; üntoxle chixe ile otsingtsing ma changle hüi ang kox.

PONGWANG LAIPEX 50:20

Hünzome ku to oma hwonkya ningle sütdaokoxle chu, Zang ija omüi lom to laxpu ilaxle athax tüikya ningle khünaknu a e-ang chithole pu-tsa ang tompu.

1 PITAR 1:20

Chix a, chaxwannu zingüi thoto wüi Zange kamle kopdaokya mix tuita üntoxle hanpak oshuk nguile hüi pongma hünzom hanpak ang chix ngai.

WANGSHEMBU MWOT 13:27

Ikoxle Jerusalem ma ngokya khünaknu üntoxle hwom lompabue chix a hwom khosünpa changpu le chiawan, tamchu nazakle nuikya foto ele ngokya ajebu kax hwome chitsing. Ikoxle hwome Jisu pongle chikop ilaxle langkya tokhange ajebu kax ibu otsingtsing ma changle otok to ngai ang tom.

MATHI 26:24

Khünak Hosa a Otsao Lai kax ma tüikya ningle zilaxüi, ikoxchu Khünak Hosa khohang angkya mix a maxsax! Ija khünak zongma chix a chipux kox wüi müise dai!”

ROM NOK HATO ZAKYA POL LAIZA 4:17

Otsao Lai kax ma akaxkya ningle: “Kue nang chaxwannu hopa ang zingpu.” Idaile, Zang owae zidaokya chatle azang ang kox üntoxle owa kaxtom ma chitüi jaokya oli laile tüi ang koxle changkya Zang owa to Abrahame ongpuix, ija Zang miksho ma kaxtsao a sule ngünle.

WANGSHEMBU MWOT 5:30

Hünzome pünsak ma takle langkya füima, kwom pupa hwom Zange ija Jisu chatle azang ang tompu.

DANEL 4:35

Chixe chaxwan tok angkya khünaknu to chem angchu chilaxle hule; zangkangting tokya kaxtaimixbu hia chaxwannu angkya khünak pangwüi chix chak fang ma tüile. Chix mongtex füi apüile owachu ajong ang müntho chichangba chixe mwot to tsa ang müntho.

MÜNCHUAK-TSAI 76:10

Khünak mongtsik makhange süchongchongle mix nang achuak-achen angkya ngai; zantam angkya azangkyabue nang pangpwonbu thomüi.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

WANGSHEMBU MWOT 15:18

Kaipong tokhange wüi awan ang, koxle hüikya ija Jowanpa-e akax.

KAXHO MÜIKYA LUK 24:20

Kem nguapa akhokyabue üntoxlechu apün-adakyabue chix lang angkya bama kaxfün tsuaklaxle owüiole kox, üntoxle chix pünsak ma takle langle.

KAXHO MÜIKYA LUK 22:37

Chemthüikoxle kue hünzom ang thüifang, ‘mütkopkyabu khama chixchu wüi e’, le ku bama zale thomkya Lai Kax ngai angkya changle.”

WANGSHEMBU MWOT 7:52

Hünzom pupa hwome sik-chiangünkya aje tuita ngaxchu tüichahex? Chix Otsao Da tuita ngui angkya bama kai wüi apuale fakya Zang kaxho mixbu hwome lang. Athaxchu wüi hünzome chix khohang ilaxle langdaoa.

JUHAN 19:24

Süpahibue tata füi akax: “Keme ija taxakyethax, ikoxle owa ma asusu ang nantak le anohax.” Otsao Lai kax: “Hwome ku nyiza ahanle lax, tamchu ku nyipong bama nantak”, le tüikya kotok to angai angkya hanpakma ija ile chang.

1 PITAR 2:8

Anaolechu Otsao Lai-e thüile, “Ija a tuita khünaknu asua angkya long; hwom ati ang koxkya longnu tuita changpu.” Hwome chiongkya khoma ija kax ma hwom asua; ikoxlechu ile chang angkya a hwom hanpakma laiua changkya.

ISAIA 37:26

“Ibu pangwüi kue kaiwüi ile chang angkya tsuakle thompule atat laxmami? Athax kue ija ile chang ang tompu. Zyakople thomkya tingnubu tingtakle ama laxle oma-oshix athünkya nui ang achang angkya nang ang kue tsak-zong koxpu.

MATHI 20:19

Ilaxle hwome chix mixnokbu chak to owüiole koxüi; ibue chix chanyiüi, chietüi, ilaxle chix a pünsak ma takle langüi; ikoxlechu nyix azom lükya to chix chatle azangle zoüi.”

MATHI 27:35

Hwome chix pünsak ma tak; nantak laxle chix nyiza hwom bama ahanle lax.

MARK 15:24

Ifüima hwome chix pünsak ma tak ilaxle khünak huak ma lap le opupue chem kopkople, nantak laxle chix nyiza hwome ahanle lax.

KAXHO MÜIKYA LUK 23:33

Üntoxle otue hwom “khangza hua”, le nyak kya haxhua to ngui, ikhama hwome chix pünsak ma tak ilaxle chichangchizang mixsün nyichu, tuita a chix tsaxchi kao ma üntoxle ata mix a nongchi kao male pünsak ma tak.

JUHAN 19:18

Ikhato hwome chix pünsak ma tak; Jisu otan ma lax üntoxle chix atale, chix füi tomle hwome mixsün anyi tak.

WANGSHEMBU MWOT 2:36

“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.”

WANGSHEMBU MWOT 5:28

Chixe thüi: “Kwome ija mixsün mün ma anwot-ano le taxchango le kaxkox füima, hulax, hünkhie chem mokpuix! Hünkhie anwot-anokyae Jerusalem okhui apong daoa; ilaxle chix langkya bama zangwün hünzome kwom khangkho ma adütse le texkya chang!”

ROM NOK HATO ZAKYA POL LAIZA 2:12

Mixnokbu ang Mosa wanlom müntüi; hwome ochax lyen ilaxle wanlom chilax homtoxle maxle. Jehudi khünakbu ang wanlom tüile; hwome ochax lyen ilaxle wanlom makhange hwom kaxfün fale.

1 THESALONIKA 2:15

Jowanpa Jisu tamchu ajebu hwome langpu, ilaxle kwom to zothuppu. Zang miksho ma hwom otukux chix mongma ang tomkyabu hex! Hwom a pangnu zongto otukux chichangle tüikyabu hex!