WANGSHEMBU MWOT 2:17 - OTSAO BAIBEL (BSI)

¹⁷ “Zange thüile: ‘Hanpak ashukle hüikya zuma khünaknu ang kue Chasa thokle koxüi. Hünzom susabue Haxzang Kaxho khünaknu hato apuküi; hünzom naosünbue mikngün ohün ngünüi, hünzom azupabue wünmang amangüi,

WANGSHEMBU MWOT 2:17 ပူးပေါင်းရင်းမြစ်များ

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

WANGSHEMBU MWOT 10:45

Chopa tokya Pitar füi tomle nguile tüikya Jehudi nok mongong mixbue ija ngünlaxle, Zange mixnokbu angchu wüi chix hingho Otsao Chasa koxtüia le abüt.

JUHAN 7:39

Ikoxle chixe ija Otsao Chasa, chix to ongkyabue pongle kop ang kox angkya bama akaxkya changle; chemthüikoxle ipong wane Otsao Chasa mafa chemthüikoxle Jisu a fuazangle nwonle madün.

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

EZEKEL 11:19

Kue hwom ang künzün mongzün koxüi. Kue hwom ma tüikya kax ma chilaxle tsakle tüikya long kün-mong awütle koxüi ilaxle kax ma laxkya künmong koxüi.

IBRI 1:2

ikoxle Ija hanpak oshuk ma chixe kem füi Hosa makhange zangwünkya changle, owa makhange Zange ding hia hax zingpuix, üntoxle oshukma pangnu li mantswon ang Zange owa kamle koplaxpuix, ija mixsün a chix changle.

1 KORIN 12:28

Müimüithom ma Zange chifün tankya a: Pongwang angkya chifün ma wangshembu, anyi lükya ma ajebu, azom lükya ma anwot-anokyabu, ifüima ohünotün mwot mokkyabu, ifüima kaklak amüikyabu, mix to fongtsox angkyabu, apün-awang angkyabu, chitsingkya kax ma zangwünkyabu.

KAXHO MÜIKYA LUK 3:6

Khünak noke Zang khosün ngünüi!’”

WANGSHEMBU MWOT 21:9

Chix ang sacha hwom naocha ali tüikya; hwome Zang kaxho apuk.

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

2 PITAR 3:3

Hanpak oshuk ma mikza lokya lom ma ma tsün ngole hüikyabu ngaiüi, pongwang ma hünzome ija awanle koplax.

1 KORIN 12:10

Ija Chasa tuitatae wüi mixhuak tuita ang ohünotün mwot mok angkya zong koxle, mama mix ang Zang Kaxho bama akax angkya hingho koxle; ilaxle ata mix ang Zang Chasa tokhange hüikya hia mamachi tokhange hüikya oba süile aho tsuak angkya hingho koxle. Tuita ang chitsingkya kax ma zangwün angkya zong koxle, ilaxle ata mix ang a ija zangwün taile fa angkya zong koxle.

ROM NOK HATO ZAKYA POL LAIZA 5:5

Ija monghome kem ang mong münatho, chemthüikoxle Zange chix hingho Otsao Chasa makhange chix mongkün kem kün-mong ma thokle koxdaoa.

EZEKEL 39:29

Kue kue khünaknu Israel nok khangkho ma ku chasa thokle koxüi ilaxle hwom hato otuechu kue tok münaho. Jowanpa Khüthak Zang, kue ija akaxpu.”

ISAIA 66:23

Lyetzün pangpwon hia Sabath foto, zangfang angkya pangnu nok wüi ku to shwom ang ija Jerusalem to ngui angkya changle.

ZEKARIA 2:13

Jowanpa tunthoma pangwüi dangjale ngohüi, chemthüikoxle chix a chix otsao ngwotnui tokya nguile ngole.

ISAIA 2:2

Athax füichi ma Zangshwom-Hom ajongle tüikya haxhua haxhua pangnusa füi süchuakle tüiüi, haxhuabu pangnusa to ijae tuküi. Abünle zakya füi jat-libu ija haxhua hato nguiüi,

WANWÜNKAX 1:23

Kue hünzom to sale changpongma apakoplax; kue hünzom ang müikya olom adangle fafang ilaxle ku je-hwon hünzom füi tom-hanle changfang.

MÜNCHUAK-TSAI 72:6

Wanghompa a haxtok ma zangwat ningle naxchang, chaxwan tok to dütkya nyenti ningle a.

JUHAN 17:2

Nange chix ang afafa pangnusa ang, oshuk chitüikya tsün khüzün koxtsuak angkya hanpakma, nange chix ang khünaknüsa thakma tsakzong koxpu.

MIKA 4:1

Athax füichi ma Zangshwom-Hom ajongle tüikya haxnu a pangnu füi sütsuakya ang changüi, haxhuabu pangnu to kaikya homthün a. Jat-libu tüle-tüle ija hato abünle nguiüi,

ISAIA 40:5

Ifüima Jowanpa fuazang ngaile ahoüi, ilaxle ija khünaknüsa noke wüi ngünüi. Ija a Jowanpa chix jaoe tsaokya kax changle.”

PONGWANG LAIPEX 49:1

Jakop-e sasün hwom selaxle thüi: “Ku hama asoxhüi; athax füichi ma hünzom to chempangle changüihex ija kue wünfang:

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

JAKOP 5:3

Hünzom hun hia jangjong to syake lwopdaoa, ilaxle syak ibu a hünzom zongto kaxkhi ang changüi ilaxle wün ningle ijae hünzom müi saxüi. Anyixkya oshuk din-pan to hünzome ibu ngun-syen athünle.

DANEL 10:14

Athax füichi ma hünzom khünakbu to chempangle chang angkya hex ija nang hama apuale fa angkya hanpakmale ku nguikya changpu. Ija a athax füichi hanpak mikngün-ohün changpu.”

PONGWANG LAIPEX 6:12

Zang-e chaxwannu to hule ano koxle ija a ochax ang changdaoale ngün, chemthüikoxle khünaknu pangwüi chichang-chizangle ngole tüikoxle.

MÜNCHUAK-TSAI 65:2

chemthüikoxle zangjop to nange lankoxle. Pangnu khatokya khünaknu nang hato nguiüi

WANGSHEMBU MWOT 11:28

Hwom kha angkya mixsün tuita Agapa le amünkya mix ajong üntoxle Otsao Chasa zong makhange chaxwannu pangnu khato tuinu nuaknu chwonle wüi hüi angkya bama aje. (Iponge Klaodia a chongwang ang tüikya).

WANGSHEMBU MWOT 2:16

Itülüi, hünzome ngünkya hia atatkya a, ajepa Joel-e akax ngokya kax ngaikya changle:

WANGSHEMBU MWOT 2:18

lüka wüi changlax, sheko wüi changlax; ku dabu ang to apüile iponge ku Chasa ahanle koxüi; hwome ku kaxho apuküi.

WANGSHEMBU MWOT 2:33

Chix a zang tsaxchi ma nwondaoa, ilaxle Hopae tsaodaokya ningle, Chix angkya Otsao Chasa kop; ilaxle hünzome athax atatkya hia ngünkya a kem ang ahanle koxkya chix hingho changle.

WANGSHEMBU MWOT 11:27

Ituke aje züizüi Jerusalem tokya Antiok to ju.