WANGSHEMBU MWOT 2:11 - OTSAO BAIBEL (BSI)

¹¹ üntoxle züizüi kem Kret hia Arabia tokyabu; ikoxlechu Jowanpa-e mokkya ohünotün mwot bama hwome akaxkya keme makax kax ma atat ang kople!.”

WANGSHEMBU MWOT 2:11 ပူးပေါင်းရင်းမြစ်များ

1 KORIN 12:10

Ija Chasa tuitatae wüi mixhuak tuita ang ohünotün mwot mok angkya zong koxle, mama mix ang Zang Kaxho bama akax angkya hingho koxle; ilaxle ata mix ang Zang Chasa tokhange hüikya hia mamachi tokhange hüikya oba süile aho tsuak angkya hingho koxle. Tuita ang chitsingkya kax ma zangwün angkya zong koxle, ilaxle ata mix ang a ija zangwün taile fa angkya zong koxle.

LAIPAO 15:11

“Jowanpa, baozangbu khama nang lailaikya owa tüi? Otsao ma ohünotün nang lailaikya owa tüi? Nange mokkya ningle ohünotün hia khomtsikya mwotbu a owae moktho?

IBRI 2:4

Tamchu jojüikya ohünotün mokle ahokya üntoxle chix küntsu monglua ma hwom ang chasa hinghobu ahanle koxkya, ibu makhange Zange hwom ma tüikya ibu to bole chix kaxkhi fale.

TITA 1:12

Hwom kha angkya Krata nok ajepa tuita changkya, owae otsing akaxle thüi: “Krata nok ma othuithuima tselopbu, müishix mixmabu, ilaxle zaxkak sütbakmixbu changle.”

MÜNCHUAK-TSAI 26:7

Kue münchuak tsai tuita ngaopu, nang ohünotün mwot pangnu mo wünpu.

JOB LAIPEX 9:10

Chixe mokkya ohünotün mwot keme tsingle lax ang müntho, Chix ohünotün mwot ma oshuk-okim müntüi.

TITA 1:5

Mokse mwot athut athuile zing angkya ilaxle ting-hax pangkha towüi müimüithom lompabu zün angkya naxmok lax angle kue nang Krata to danle toxpu. Adangle fakya ku zünkax-saikaxbu mong ma koplax:

WANGSHEMBU MWOT 27:12

Ija khua zaknui ma zangwa alyetle ngo ang chimüikya kha chang; ikhoma khünakbue tinu mongto khua dan üntoxle jangtsuakba Foenik alop ang azong. Ija a shuathongchi hia shuakuxchi hannop winjep chito thakya, Krit haxtok angkya khua zaknui tuita üntoxle hwome ikhato zangwa alyet ang tho.

WANGSHEMBU MWOT 27:7

Kwom obibi nyix hex homle zaxhun ma aham, ilaxle oshuk ma sikngün ashukle Krita to ngui. Ija akaile le ang winjepe kwom ang tam chifa, ikaoma Salmon haxshuk akaile Krit shuazo zongma shuathong chikao makhange kwom khua ma ju.

JEREMIA 3:2

Haxnukhobu to hulax. Tsangtsa hangkya mixcha tuita ningle nange mwotma mamokkya kha tüicha? Arab noke zan tanpupule lomnu kax ma nange nang mongkünbu tanle nuipu. Nang ma tsangtsa hangle changkya makhange haxtok jao akhule amadaoa.

ISAIA 28:29

Je ibu pangwüi Jowanpa Khüthak Zang tokhange hüile. Zang-e zingkya mwot a je-mwotbu changle, ilaxle ibu jento oza laile tsuakle!

ISAIA 25:1

Jowanpa, nang a ku Zang changle; kue nang chathua za ilaxle nang mün achuak-achenle changüi. Nange khosamle abütkya mwotbu mokdaoa; nange mongong athokya chitüile nange kaiwüi ajukkya mwotbu mokle changdaoa.

ISAIA 13:20

Ikhama tamchatle owachu münngoüi. Ham-hamle ngokya Arab nok owaechu ikhama ma nyihom zingle münchangüi, ilaxle chunnyetmixe owaechu ikhama ma chunbu danle münchangüi.

MÜNCHUAK-TSAI 136:4

Ohünotün mwotbu chix tatae tix mokwüi; chix mongkün ma oshuk müntüi.

MÜNCHUAK-TSAI 111:4

Jowanpa chix ohünotün mwotbu keme alakle asam ang müntom;

MÜNCHUAK-TSAI 107:21

Chizakkya chix mongkün khoma hwome Jowanpa ang münchong fa angkya wüi changle, chixe hwom hanpakma mokdaokya ohünotün mwotbu bama a.

MÜNCHUAK-TSAI 107:15

Chizakkya chix mongkün khoma hwome Jowanpa ang münchong fa angkya wüi changle, chixe hwom hanpakma mokdaokya ohünotün mwotbu bama a.

MÜNCHUAK-TSAI 107:8

Tamchizakkya chix mongkün hanpakma hwome Jowanpa ang münchong fa angkya wüi changpu, chemthüikoxle chixe hwom hanpak ang ohünotün mwotbu huanuma mokdaoa.

MÜNCHUAK-TSAI 96:3

Chaxwannu hato chix fuazangkya apukkox, üntoxle chu chix ohünotün mwotbu khünaknu pangnu hato.

MÜNCHUAK-TSAI 89:5

Zangdingbue nange mokkya ohünotün mwotbu bama tsai ngaole; otsaobue chialekya nang mongong bama tsai ngaole, Jowanpa;

MÜNCHUAK-TSAI 78:4

Keme ibu kem su-sa hwom thoto pyenle münthomüi; keme füinao hwom hama wünle koxüi Jowanpa tsak-zong hia chix mwotbu bama a ilaxlechu chixe mokdaokya ohünotün mwotbu bama a.

MÜNCHUAK-TSAI 77:11

Nang mwot tüpong-tüpongkyabu kue texle ataküi, O Jowanpa; Kaitanto nange mokkya ohünotün mwotbu kue texle ataküi.

MÜNCHUAK-TSAI 71:17

Ku naosa ma tüitanto tokhange wüi nange ku hama anwot-anole fapu, üntoxle athaxchu kue nange ohünotün mwotbu mo wünpu.

MÜNCHUAK-TSAI 40:5

Nange kwom hanpakma tüle-tüle tsuakle hüidaoa, O Jowanpa, kwom Zang; nang lailaikya owachu müntüi! Nange kwom hanpakma ohünotün mwotthobu tüle-tüle zingdaoa. Kue ibu pangwüi bama akax ang thofang münchang: ibu a okiak chithole changle!

2 PUKAX-PANGAO 26:7

Filistia nok to lüttsuak angkya bama Zang-e chix to fong, ile chixe Gurbal ma ngole tüikya Arab nok, tamchu Meun nok, ibu to lüt.

2 PUKAX-PANGAO 17:11

Filistia nok züizüie Jehusafat hato khop hia mama hinghobu huanuma apüile kox, ilaxle mama Arab nokbue chun 7,700 ilaxle zwon 7,700 apüile kox.

1 WANGHOMBU 10:15

wanghompa Solomon-e zanglao to hun otuak ma 23, 000 pong kople ngo.

GALATIA 4:25

Arabia angkya Sinai haxnu tsyen to ajongle tüikya Hagar a Jerusalem hanpakchu changle; chemthüikoxle ija a masu masabu füi da ang ngokya tingsho tuita changle.

GALATIA 1:17

chichangba ku thoto wüi wangshem ang achangle ngoünkyabu füi apong angle ku Jerusalem to paopu lüchu chichang. Itülüi, ima wüi ku thuile Arabia to pao, ifüima Damaska to chat.

ISAIA 21:13

Ija a Arabia ba angkya kaxho tuita changle. Hünzom Dedan angkya khünakbu, opang kux müizyem Arabia nok angkya sak-hax fao to athongle tüipuix,

1 KORIN 12:28

Müimüithom ma Zange chifün tankya a: Pongwang angkya chifün ma wangshembu, anyi lükya ma ajebu, azom lükya ma anwot-anokyabu, ifüima ohünotün mwot mokkyabu, ifüima kaklak amüikyabu, mix to fongtsox angkyabu, apün-awang angkyabu, chitsingkya kax ma zangwünkyabu.

WANGSHEMBU MWOT 2:10

Frigia, Pamfilia, Ijip hia Kurini, ibu akhople tüikya Libia haxtok chikao to ngokyabu; üntoxle Jehudi nok hia Jehudi nok ang achangle hüikya mixnok Rom chaxwan to ngokya nguikyabu;

WANGSHEMBU MWOT 2:12

Abüt üntoxle khosam laxle, hwome tata ma: “Ija chem hanpak hex”, le atüile ngo.

WANGSHEMBU MWOT 27:13

Ofüima shuathong winjep zaxhun ma hüikya zuma, hwome ajangle ngokya kha alop ang tsuaküile thütlaxle jankuix wütle koplaxle Krit shuazo kakax achole le ang achex.