WANGSHEMBU MWOT 19:9 - OTSAO BAIBEL (BSI)

⁹ Ikoxlechu hwom khama züizüi mongkhüikyabu tüikya ilaxle ibue mong chiongtsuak. Ilaxle khünaknu thüntho ma hwome Jowanpa lomtang bama kaxma thüi. Ikhoma Pol-e ibu dantoxlaxle Jisu wangshembu chix füito laxlax tox; üntoxle Tairanas khünaknu pünzün wangsaikya homnu ma chixe nyixfo to khünaknu füi zangwün ma aswot.

WANGSHEMBU MWOT 19:9 ပူးပေါင်းရင်းမြစ်များ

WANGSHEMBU MWOT 19:23

Ija tuke Jowanpa lomtang bama Efisia ma khamkhitle wuk lai.

WANGSHEMBU MWOT 9:2

üntoxle Jowanpa-e ahokya lom tokyabu owawa jangbang thüiba, chixe hwom sheko lüka pangnu kop ilaxle Jerusalem to laxlaxle chat ang tsuak angkya bama, Damaska tokya Jehudi nok sinagokbu ma akhokyabu hato, chix owa hex tamchu chixe chem mok angkya zong koplaxle nguipuix, ibu apuale süntsing münwan fakya laiza jule kop.

2 PITAR 2:12

Ikoxlechu hwom hwon-je chitüikya mix ningkya khünakbu, jaopo ma hwom müibu ningle koplaxle lang angkya hanpakma puxpaikyabu; mae ngaxchu chitsing chiwankyabu to adix-adale tüile.

WANGSHEMBU MWOT 14:4

Tingnu angkya khünakbu othom anyi ang ahan: Züizüi Jehudi khünakbu chima se ilaxle mamabu a Pol hia Barnaba nyi chima süt.

JUD LAIZA 1:10

Ikoxle ibu khünake hwome ngaxchu chitsingkyabu ang kaxma thüi üntoxle hwontüi jezai le chichangkya müibu ningle, pangnu li hwome jaopo makhange awanle laxle ilaxle ibue hwom amütle.

2 PITAR 2:2

Ilaxle hwome mokkya ochax mwotlom tokyabu laihuüi; üntoxle hwom mwot khoma hexle, mamabue otsingtsing lomtang ang kaxma thüiüi.

IBRI 3:13

Itülüi hünzom opupuchu ochaxe dyenkya mongkhüi ang chichang angkya bama, Otsao Lai-e “Anyix” thüikya kaxhuak kem zong to twonle ngokya kople hünzom tata füi nyixfokya to afong-atsoxle tüi angkya changle.

1 TIMOTHI 6:5

üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

ROM NOK HATO ZAKYA POL LAIZA 11:7

Jangchangba chem? Israel noke hwom lomle ngokya chiatak. Zange zünle kopkya khünak huak hidaole tüikyabue tix ija atak; mamabu ang a Zange nyakkya atat ang naba.

ROM NOK HATO ZAKYA POL LAIZA 9:18

Idaile chixe chingchase le texkya mix to Zange chingchale, ilaxle chixe mong akhüi ang koxse lükya mix ang chixe mong khüi ang koxle.

WANGSHEMBU MWOT 22:4

Ija Jowanpa lomtang tokya mix to kue omang amüt le zothupkya changpu. Kue sheko lüka pangwüi koplaxle hwom kun ma shokya changpu.

WANGSHEMBU MWOT 7:51

“Hünzom a otukux kheba chithüikya thom hex!” Stefen-e akaxle pao: “Zang kaxho zongto hünzom a kün-hi-mong chitüikya ilaxle na chizaikya songsaribu ningle büle sütpuix. Hünzom chuwüi hünzom putong hwom lailai. Hwomechu othuithuima Otsao Chasa zünte!

2 TIMOTHI 4:2

kaxho apuk-apua angkya, (asukhakkya hanpak chichanglax changlax) Ija apuk-apua ang mongto zwomkya, anom-anai angkya, sa angkya ilaxle mong achen angkya, ibu nange adukya füi anwot-ano angkya bama kue nang ang mongtsukya tüihüi thüipu.

2 TIMOTHI 3:5

otok to ngün ang kopkya tata twonlaxle zanglom tokya ahole hwome ija ma tüikya otsingtsing zong tomtata a chilaxle ahaiüi. Iningkyabu füi atsaile ngolax.

2 TIMOTHI 1:15

Asia haxtok angkya Faigilo ilaxle Hamogini bue to lünle pangnusae wüi ku chilaxle awütkya nange awan ngopu.

WANGSHEMBU MWOT 28:22

Ikoxlechu nang tutex kwome nang makhange atatle laxse tsupu, chemthüikoxle nang hakkya othom mo pangnu khato wüi omale wünkya kwome awanle ngole.”

WANGSHEMBU MWOT 24:21

hwome kuma chem zia ama le thaikya atakpuix ibu naxwün fa.”

WANGSHEMBU MWOT 20:31

Mik hingle ngolax, üntoxle zanglao azom bama kue mikfi ajenle, zangnak zangngaile hünzom pangnusa hama apuakya kaxbu pangwüi mong ma thomlax.

WANGSHEMBU MWOT 19:30

Pol-e khünaknu thoma nguazua nui to chix wüi shongnguiünse le thüt, ikoxlechu mongong mixbue chix pao ang chidan.

WANGSHEMBU MWOT 17:4

Züizüie Pol kaxho changle le apa üntoxle Pol hia Sila nyi füito hak; iningle Zang to shwomkya Grik othom huanuma üntoxle e-sele tüikya shekobuchu wüi hokhi chito hak.

WANGSHEMBU MWOT 11:26

Chixe Sol atakkya zuma, chixe chix Antiok to laxlaxle apaüi. Zangpua atale hokhie tomtomle müimüithom khünakbu füi apong ilaxle othom hama anwot-ano. Jisu füito azuikyabu ang “Khristan” le Antiok ma nyakle wang.

JUHAN 12:40

“Zange hwom miksutbu ang achang daoa, ilaxle chixe hwom mongtsang atsakdaoa; ile chichang hwome mik füi ngünse; ma mongtsang füi ajang ang those; ilaxle hwom mong chatkoxle, kue hwom müi ang tomse.”

MATHI 26:55

Ilaxle Jisu-e othom füi akax: “Ku noktu kha tokya alaile awüt thomkya mix tukux, pünthom hia paxbu koplaxle hünzom ku kop ang nguipia? Nyixfo le ku Zangshwom-Hom ma hwon-ano le ngopu, ipongma hünzome ku chikop.

MATHI 16:4

Anyix ngainyixkya chemtukuxkya zünte tamchu Zang chitüikyabu hex. Hünzome münwan lomleo? Ajepa Juna münwan boma mama münwan hünzom ang münfaüi.” Ikhoma chixe hwom dantoxlaxle atsaile pao.

MATHI 15:14

Hwom bama taxaban ngo; hwom a miksut lomzun mix miksutbu changle; otue miksut tuitae ata miksut mix lomzunle changüihex, hokhi pangnyi wüi tswomkha to dütüi.”

JEREMIA 19:15

ilaxle Khüthak Jowanpa, Israel nok Zang-e akaxkya kax ngaile thüi: “Ija tingnu hia tomzi tinglongbu pangwüi hato, kue ahüiüile tsaokya sikngün pangwüi kue apüiüi, chemthüikoxle hünzom mong khüidaoa ilaxle hünzome ku zangwün to nathaüi münchang.”

JEREMIA 7:26

Ikoxlechu khünak tuitata ngaxchu apakya hia nathakya chitüi. Itülüi thüikox, hünpu-hünpa hwom to kaile hünzom sisi mix mongkhüi tamchu alün-aloxle tüitüi.

ISAIA 8:14

Ku a wün ang chitsuakkya otsao changkya khoma ku a tuita khünaknu chikho thule ngokya longnu ningle changpu; Judah hia Israel nok wangting tamchu Jerusalem tingnu angkya khünaknu aman angkya hanpakma ku a tuita kam thale thomkya changpu.

WANWÜNKAX 8:34

Opange ku kax ma laxpuix: opang nyixfokya to ku hom zünkai ma ku hom fülom nyele ngopuix, hwom mongmüile ngoüi.

MÜNCHUAK-TSAI 95:8

“Meribah ma hünpu hünpa hwom natütkya ningle hünzom taxtüi, Ija nyix Massah angkya sak-hax ma hwom ngopongkya ningle a.

NEHEMIA 9:29

Nange hwom ang nang hwon-nwotbu kax ma laxle tüi angkya kaxkhün kox, ikoxlechu mongngam makhange hwome nang hwon-nwot pongle chikop, nang Wanlombu thom angkya a hwom zongto khüzün lomtang changkya. Ngom awyale tamchu künkhüi-mongdüi füi, hwome kax ma münlaxpule angam.

2 PUKAX-PANGAO 36:16

Oshuk-shuk ma chix khünaknu füi tsikkya Jowanpa mongtsik thoto hwom azangle pao ang chithole machang tanto hwome Zang kaxhomixbu chanyi wanjai, chix kax ajao ilaxle ajebu adale chang.

2 PUKAX-PANGAO 30:8

Hwom lailaile mong taxtsak, ikoxle Jowanpa kax ma laxlax. Jowanpa, hünzom Zang-e othuithui hanpakma otsao ang zingle tüikya Jerusalem angkya Zangshwom-Hom to nguihüi, ilaxle chix ang otuechu hünzom füi küntsik-mongmakya chitüi angkya hanpakma chix to shwomle changhüi.

2 WANGHOMBU 17:14

Ikoxlechu hwome ija kax ma chilax, hwom ang chuwüi hwom pupa hwom lailaile mongkhüi ilaxle Jowanpa to mongongkya kha chitüi.

1 KORIN 16:9

Ku zongto zanbu tüihu koxlechu, mwot ziakho nguile mok ang ku hanpakma olom dapkya tüile.