WANGSHEMBU MWOT 18:7 - OTSAO BAIBEL (BSI)

⁷ Idaile chixe hwom danle toxlaxle Zang to shwomkya mixnok sün Taitia Jastas le amünkya hom to ngo ang pao; chix hom a sinagok zuima tüikya.

WANGSHEMBU MWOT 18:7 ပူးပေါင်းရင်းမြစ်များ

WANGSHEMBU MWOT 16:14

Kwom kax apakyabu khama Lidia, Thaitira tokya, baxnat nyinu thalexkya mixcha tuita tüikya. Pol zangwün to mongkoxle apa angkya she ang Jowanpa-e mongka daple kox.

KOLOSI 4:11

Jastas le nyakkya Jihusua-echu salam akatle. Zang Wangting hanpakma ku füi tomle mwot mokle hüikya Jehudi khünak khristan ang achangle hüikya a hwom mixhuak azom wüi changle, ilaxle hwom tüikyae ku to huanuma fongle hüile.

WANGSHEMBU MWOT 17:4

Züizüie Pol kaxho changle le apa üntoxle Pol hia Sila nyi füito hak; iningle Zang to shwomkya Grik othom huanuma üntoxle e-sele tüikya shekobuchu wüi hokhi chito hak.

WANGSHEMBU MWOT 13:42

Pol hia Barnaba nyi sinagok angkya laile paoüi to, ija kaxmik wüi chatlechu anaokya nazak nyixchu akax angkya bama khünaknue hokhi ang thüi.

WANGSHEMBU MWOT 10:22

Hwome lan: “Kwom a lompa Kornelia mwottsan to hüikya changpu; chix a tuita müikya khünak changle tamchu Zang shwomkya mix changle ilaxlechu Jehudi nok pange wüi chathua zale e-sekya mix changle. Nange akax angkya oli tsai-kax apale kop angkya hanpakma chix hom to nang se angkya Zang kaxtaimix tuitae chix füi akaxdaoa.”

WANGSHEMBU MWOT 10:2

Chix a zanglom tokya mixnok sün tuita changkya. Chix üntoxle chix homkha pangnue Zang shwom. Chixe Jehudi nok chitüi chinangkyabu to huanuma fong ilaxle tuthütthüt ma zangjople nui.

JUHAN 9:31

Zange ochax khünakbu kax ma münlaxle keme awan ngopu; ikoxle owae Zang chathua zale chix kax ma laxle mokpuix, ija khünak kax chixe apale.

WANGSHEMBU MWOT 13:43

Ile sinagok ma asoxkya khünaknu fan füima, Jehudi khünakbu hia Jehudi nok ang achangkya mixnokbu züizüi Pol hia Barnaba nyi füito hüi. Okhie hwom füi akax üntoxle Zang chingcha ma otya ma ngo angkya hwom ang zong adün.

WANGSHEMBU MWOT 13:50

Ikoxlechu Jehudi khünakbue tingnu ma achong abongbu ilaxle mixnok cha saxpu luawangbu kako tokya opange Zang to shwompuix, ibu to chüile ama. Hwome Pol hia Barnaba nyi to zothup ang süt, ilaxle hwom wankam angkya zuale apao.