WANGSHEMBU MWOT 18:6 - OTSAO BAIBEL (BSI)

⁶ Otue hwome chix mwot abax üntoxle chix ang kaxma thüipuix, chixe ma nyi angkya khui hong üntoxle kaxza zongle akax: “Hünzom max-sam koxle, hünzome ma to alüile jualax. Ija bama ku hünlix münchang. Athax makhange ku mixnokbu hato paoüi.”

WANGSHEMBU MWOT 18:6 ပူးပေါင်းရင်းမြစ်များ

EZEKEL 33:4

Ija tinglyetkya zing atatle chang füima owawae mik-hingle chingo, zannokbu nguilaxle chix lang, ile jangchang thüikoxle chix mik maxkya bama chix thaikya ang laxüi.

2 SAMUEL 1:16

ilaxle Dawid-e ija Amalek sün ang thüi: “Nange alüile ija thama lomle laxlaxpu. Nange Jowanpae kamle laxkya wanghompa ma chak füi langpule thüipongma wüi nange nang tha ajaodaoa.”

EZEKEL 18:13

ilaxle olap kop ang ngun koxle apao. Chix ozün ma ngo ang cha? Münngo, nushix dongkya mwot ibu pangwüi chixe mokle tsuakdaoa, ikhoma chix a zi angkya wüi changpu. Chix zik bama owamachu tsaitox-kaxfe angkya müntüi.

NEHEMIA 5:13

Ifüima kue ke ma thole ngokya nyi sik ilaxle sakle aho. Kue thüi: “Ija kaxtsao chithomkya khünak angkya tuina Zang-e ija ningle sakle awüt angkya changle. Zang-e, hünzom ma atüitüi komkaile tswonle paoüi ilaxle hünzom a chemchu chitüile chak hua ma dantoxüi.”

WANGSHEMBU MWOT 13:51

Pol hia Barnaba nyie hwom ochax hwom ma wüi bang angkya münwan ahole hokhi cha angkya haxbu hongle tox ilaxle Ikoniam to pao.

1 PITAR 4:4

Üntoxle athax a hwom füi tomle hapkaile shixkya tamchu twopla-twoplüile ngokya khato hünzom chiwomkya ngünlaxle songsaribu abütle, ilaxle hwome hünzom ajao ahaile.

KAXHO MÜIKYA LUK 9:5

Ojong khato khünaknue hünzom pongle chikop üihex, ija tingsho dantoxdao, ilaxle hwom nak-khünlax ang hünzom cha angkya labu ngaxchu hongle toxdao.”

MATHI 27:25

Noknue lan: “Chix zikya khoma sikngün kwom hia kwom susabu hato naxngui kox!”

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.

2 TIMOTHI 2:25

Ma zongto tüikya mix achangle fa ang chix a puinai le tüi angkya oli changpu, chemthüikoxle ile changkya makhange hwom ang mong alüix angkya hia otsingtsing awankya hato chat ang Zange sho amüile faüi.

ROM NOK HATO ZAKYA POL LAIZA 3:29

Chichangba Zang a Jehudi nok tata hanpakma Zang hia? Mixnokbu hanpakma chix a Zang münchangle hia? Cheme chichang haxkux!

WANGSHEMBU MWOT 28:28

Ilaxle Pol-e chix kax ashukle thüi: “athax a khosün angkya Zang Kaxho Müikya mixnokbu hato paodaoale hünzome awanlax. Hwome ija to apa angkya changle!”

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

WANGSHEMBU MWOT 26:11

Kue obi thomthom ma hexle sinagok pangkha towüi hwom to zothup ilaxle hwom ang Zang ajao ang kox ang azongpu. Hwom füi mong athukle tsikkya mixnok tingkhua to ma apüile kue hwom zothuppu.”

MATHI 22:10

Ija khoma dabu pao üntoxle lomnu to laile hwom thoma abangbang, chimüikya mix hia müikya mix tomwüi sele afox; ilaxle aju-asomkya fongsüt ma khünaknu awangle chang.

MATHI 10:14

Üntoxle owa kakoe chichangba tingshoe hünzom pongle chikop tamchu hünzom kax to na chitha le tüiüi hex, ikha dantoxdao ilaxle hünzom cha angkya labu ngaxchu hongle toxkox.

KAXHO MÜIKYA LUK 22:65

Ile hwome chix zong to adix-adakya kax huanuma akax.

MATHI 21:43

Anaolechu Jisu-e akax: “Kue hünzom ang thüipu; hünzom angkya Zang wangting paoüi ilaxle oziak müile alai ang tho angkya mix ang koxüi.

MATHI 8:11

Ilaxle kue hünzom füi akaxpu, handün hia hannop chito khange khünakbu huanuma nguilaxle, Abraham, Isak, hia Jakop hwom füi tomle zangkangting fongsüt ma womüi.

LIWI 20:9

Jowanpae ibibi wanlombu fa. Owawae mapa chichangba manu to thuakzomle jangchangba, ija khünak a mik max ang tom angkya changle; chix zik bama chix mütkop changpu.

1 TIMOTHI 5:22

Owawa Jowanpa mwottho tha ang kam angkya jangchang thüikoxle chix khangkho ma chak dan ang angangle taxmom. Mix ochaxbu khato hak ang taxthüi; ikoxle nange ma alüile atsao thomlax.

1 WANGHOMBU 2:33

Okhi mik amütkya bama sikngün a Joap hia chix sixli hwom hato jento hüi angkya changle. Ikoxle Dawid man ma chix tüntong ma thungkya chix sixli hwom to othuithuima Jowanpae tho-lünle chang ang tomüi.”

EZEKEL 33:6

Ikoxle humixe zanbu nguile ngokya ngün ikoxchu chixe tinglyetle chichang, zannokbu nguilaxle ibu ochax khünakbu langüi, ikoxle ibu mik maxkya bama kue hu-mix ma feüi.

MATHI 21:41

Hwome thüi: “Chixe ibu ochax khünakbu langjao langüi ilaxle chix tsyen otia ma koxtsuak angkya mama mwotmok mixbu ang ija haxtok mo ang tomüi.”