WANGSHEMBU MWOT 18:5 - OTSAO BAIBEL (BSI)

⁵ Sila hia Timothi nyi Mesidonia tokya ngui füima, Pol-e Jehudi khünakbu hato Jisu a Messaiah changpu le ahole Kaxho Müikya apuk angkya ma chix hanpak ahom.

WANGSHEMBU MWOT 18:5 ပူးပေါင်းရင်းမြစ်များ

2 KORIN 5:14

Kwom a Khrista mongküne apün-awang laxle tüile, chemthüikoxle pangnu hanpak ang khünak tuita zidaoa, ikhoma pangnu wüi ija zik ma womüna le kwome laxle.

WANGSHEMBU MWOT 18:28

Chemthüikoxle chixe Otsao Lai makhange kaxkhi fale “Jisu a Messaiah changpu”, le kax ma alankya ma noknu thüntho ma Jehudi khünakbu to chixe anao.

WANGSHEMBU MWOT 20:21

Hwom pangnu wüi ma ochax tokya Zang hato chatle, Jowanpa Jisu shwom angkya changle le Jehudi khünak hia mixnok pangnu ang wüi kue otsing tomtata ma kaxkhün tomwüi fadaoa.

WANGSHEMBU MWOT 17:3

üntoxle Messaiah a sikngün apong angkya jao ilaxlechu anaole azangle zo angkya jao le apuale awan ang tom ilaxle Otsao Lai kax ma tüikya ile otsingtsing changpu le aho. Pol-e thüi: “Kue hünzom hama apua ngokya Jisu a ija Messaiah changle.”

WANGSHEMBU MWOT 9:22

Ikoxsisile Sol-e chix hwon-nwot makhange khünaknu okop okople kop üntoxle Jisu a Messaiah changpu le chixe kaxkhi fakya changtomtapu le thüikya khoma Damaska ma ngokya Jehudi khünakbue chix kax to lan ang chitho.

EZEKEL 3:14

Ku hato Jowanpa tsak-zong tüle zongle hüi, ilaxle chix chasae ku tswonle paopongma ku hato mongtsik mongma hüi.

JEREMIA 20:9

Ikoxle chemtue kue “Kue Jowanpa alaküi ilaxle chix mün ma tam-münakaxüi”, le thüipuix, ipongma nang kaxho a wün lailaile ku mongkha to zule chuak. Kue ija ku mongkha to kople thom ang tsuakkya pongle azong, ikoxle kue kople thom ang chitho.

JEREMIA 6:11

Jowanpa, hwom füikya nang mongtsike ku to ngaxchu zokle, ilaxle athaxpi kue ija kople thom ang müntho.” Ifüima Jowanpae ku ang thüi: “Ku mongtsik a tingjang lomnu tokya naosombu hia naocha-naosünbu asoxle ngokya ding to thokkox. Kakonu hia kakopabu a tswonle paoüi, azupi hia azupa hwom ngaxchu shanle müntox.

FILIPI 1:23

Pangnyichi tokhange wüi ku to bele. Ataitox le müikya tsün ma ngo ang, ija tsün dantoxlaxle Khrista füi tomle ngoünse le wüi süchongle thütle;

WANGSHEMBU MWOT 2:36

“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.”

1 PITAR 5:12

Mongong tüikya khristan tüinao tuita le kue esele tüikya Sila-e fongle, moxmoxsüle ija laiza kue hünzom hato zapu. Kue hünzom ang zong adünse tsupu üntoxle ija a Zang chingcha changtomtale le kue khüzün kaxkhi fase texpu. Ija ma shingmongle ajonglax.

1 THESALONIKA 3:2

Ibama kwome Timothi, kwom tüinao owae kwom füi tomle Zang hanpakma mwot mokpuix, chix a Khrista bama Kaxho Müikya apuk ang tsanle apaoüi. Kwome chix hünzom zong adün ang tamchu hünzom mongong to fong ang tsanle apaopu,

WANGSHEMBU MWOT 16:9

Pol-e ija ja mikngün ohün ngün. Ijama chixe Mesidonia tokya mixsün tuita ajong laxle: “Mesidonia to nguilaxle kwom to süfonghüi!”, le chix sekya ngün.

WANGSHEMBU MWOT 16:1

Ilaxle Pol Darbe hia Lastra to aham. Ikhato Timothi le amünkya Jisu Khrista to mongongkya naosün tuita tüikya; chix honuchu wüi Jehudi cha mongongkya khünak tuita changkya, ikoxle hopa a Grik sün changkya.

WANGSHEMBU MWOT 15:22

Ifüima wangshembu hia tüichong mixmüibue ilaxlechu müimüithom noknu motom laxle, hwomkha angkya khünak zün üntoxle Pol hia Barnaba füi tomle Antiok to akat angkya zangwün tsuak. Hwome Barnaba le nyakkya Judas hia Sila, hwom tüinaobu khama lomzunpa nyi zün.

WANGSHEMBU MWOT 10:42

Üntoxle chixe kwom ang Kaxho Müikya apuk ang anaolechu ozün hia omang nyi bama kaxfün fa ang Zange kamle kopkya a chix wüi changpu le angai angkya kaxtom fa.

WANGSHEMBU MWOT 4:20

Chemthüikoxle kwome ngündaokya hia atat daokya mo chiwün homle zak ang müntho.”

JUHAN 15:27

Ilaxle hünzomechu wüi ku bama kaxkhi fa angkya changle. Chemthüikoxle hünzom a pongwang tokhange wüi ku füi ngole hüikya changle.

JUHAN 10:24

Jehudi khünakbu chix akhople afoxlaxle chix ang thüi: “Nange kwom ang kho otukux asamle thom angkya? Nang Khrista jangchang thüichu angaile akax hüi.”

JUHAN 3:28

Kue ku ‘Khrista münchang’ ibachu ku chix thoma achale hüikya mix changpu le thüikya bama kaxkhi hünzom changpu.

JUHAN 1:41

Pongwang ma chixe hotüi Simon atak ilaxle chix ang thüi: “Kwome Messaiah (Khrista) atakdaoa.”

KAXHO MÜIKYA LUK 12:50

Kue tuita baptikya lax angkya tüile, üntoxle ija mokle ma akaiba ku sikngün huanu changpu.

MIKA 3:8

Ikoxlechu ku hanpakma, Jowanpae ku a chix chasa hia tsak-zonge awangle koxpu, ilaxle Israel nok hama hwom ochax chem hex ija bama ngaile fa angkya ku ang tutex sukya hia mongchen fapu.

KAXHO MÜIKYA LUK 16:28

Ikha to kutüi kunao hwom aga tüile. Chix chatlaxle hwom hato kax naxfa; ile chichang thüiba hwomchu wüi ija sikngün nui to hüiüi changa.’

WANGSHEMBU MWOT 16:12

Ija makhange cha ma paole, Mesidonia ma owang lükya Distrik ma tingnu tuita Filipi to ngui; ija a Roman tingzong changkya. Ija tingsho ma kwom obibi nyix hex nui.

WANGSHEMBU MWOT 20:23

Kun ma sho angkya hia sikngüne ku tanle ngole le tingnu pangkha towüi ku ang kaxkhün fale hüikya tata kue awanwüi.

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

2 KORIN 1:19

Chemthüikoxle Jisu Khrista Zang Hosa, owa bama Sila hia Timothi kwome hünzom hato apuk-apua puix, chix a tuita “Jo, jo” ofüima “Müno” chichang. Itülüi chix a “jo, jo” Zang changpu;

2 KORIN 11:9

Ku hünzom füi ngotanto, ngun laxsele thangkhüt pongma kue hünzom to poxbwom le chichang; kue laxsese komle Mesidonia tokhange nguikya tüinao hwome ku hato apüi toxpu. Ami ledaokya ziamachu ilaxle athax mahüikya ziamachu, ku hünzom hanpakma hünlix tuita ang münachangüi!

1 THESALONIKA 3:6

Athax a Timothi chatüna, ilaxle hünzom mongong hia mongkün bama müikya kaxho chixe kwom hato apüile. Kwom hanpakma hünzom tutex omüi tamchu kwome hünzom ngünse le sungkya kax chixe kwom hama wünle.