WANGSHEMBU MWOT 18:4 - OTSAO BAIBEL (BSI)

⁴ Jehudi khünak hia Grik khünak pangnu wüi anom-anai ang azongle, nazakle nuikya nyix chithaile chixe sinagok ma hwom hama kaxkhi fa.

WANGSHEMBU MWOT 18:4 ပူးပေါင်းရင်းမြစ်များ

2 KORIN 5:11

Zang thua zale le chem ang thüipuix ija kwome awanpu, ikhoma kwome Kaxho Müikya füi anom-anai ang azongpu. Zange kwom bama bakle awan ngole ilaxle hünzomechu mamong mongto ku abakle loplaxle ngopule monghompu.

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

WANGSHEMBU MWOT 17:17

Ikhoma Jehudi nok hia mixnok Zang shwomkya khünakbu füi sinagok ma ala, ilaxle le-zyenüi khünaknu füi tingjang lomnu to ala.

WANGSHEMBU MWOT 26:28

Agripa-e Pol ang thüi: “Jantakya bama wüi nange ku khristan ang achang ang thoüile texpia?”

WANGSHEMBU MWOT 19:26

Ija mixsün Pol-e chem mokpuix, hünzome ma hanpakma ngünle lax üntoxle atat apa ang tsuaküi. Khünake zingkyabu zang ang zang münchangle chixe thüile, ilaxle ija Efisia machu anaole Asia haxtok pangnu khato wüi, chixe khünaknu huanuma anom-anaile koptsuak daoa.

WANGSHEMBU MWOT 19:8

Pol sinagok to dong, ilaxle lyetkua azom ojao chizale khünaknu hama zangwün ilaxle Zang Wangting bama chix akaxle ngokya bama otsingtsing changpu le chixe kaxkhi fa.

WANGSHEMBU MWOT 18:13

Hwome thüi: “Ija mixsüne wanlom füi opüi Zang shwom angkya bama khünaknu jikshem ang azongle ngole!”

WANGSHEMBU MWOT 17:11

Thesalonika angkya khünaknu füi ikha tokya khünakbu wüi künsha-mongdale tüi. Hwome Kaxho Müikya to mongtsule apa, ilaxle Pol kax otsingtsing changcha le hwome nyixfole Otsao Lai lom.

WANGSHEMBU MWOT 13:14

Okhi Perga makhangechu thuithui le lele Pisidia angkya Antiok alop; ilaxle nazakle nuikya nyix hokhi sinagok to ngui üntoxle thung.

KAXHO MÜIKYA LUK 16:31

Üntoxle Abrahame chix ang thüi: ‘Hwome Mosa hia ajebu kax ma chilaxba, zidaokya mix chatle nguikoxlechu hwome münongüi.’”

KAXHO MÜIKYA LUK 4:16

Ifüima Jisu chix tsonglokya Nazareth nok to pao, üntoxle nazakle nuikya nyix hwom wanlom ningle Sinagok to ngui ilaxle Otsao Lai e ang ajong.

2 PUKAX-PANGAO 32:11

Kwom tsak-zong chak tokya Jowanpae hünzom khosünle kop angkya changpule Hezekiah-e hünzom hama akaxle, ikoxle Hezekiah-e hünzom dyenle ngowüi, hünzom a woknuak hia tilan ma zi angkya changle.

PONGWANG LAIPEX 9:27

Zang-e Jafet pu-tsa ang tomhüi! Chix su-sa hwom a, Shem hwom füi tomle naxngokox! Kanan a Jafet da ang ngoüi.”

JUHAN 7:35

Jehudi nok pünpa-chongwangbue tata füi zangwünle akax: “Keme atak ang chitsuak angkya khato ija mixsün ojong to pao ang thüitüi puixsi? Kem khünakbu ngokya Grik tingnubu to paolaxle Grik nokbu hatochu anwot-ano ang thüipia?

WANGSHEMBU MWOT 9:20

Chix tangthole sinagok to ngui ilaxle Jisu bama hwon-ano ang süt. Chixe thüi: “Jisu ang Zang Hosa changle.”

WANGSHEMBU MWOT 14:1

Ikoniam machu ile wüi chang. Pol hia Barnaba nyi Jehudi nok sinagok to ngui ilaxle akax ikoxle Jehudi nok hia Grik khünakbu huanuma, chix to ongkyabu ang achangle Jisu hato hüi.

WANGSHEMBU MWOT 18:19

Hwome Efisia alop, ilaxle Pol-e Prisila hia Akuila nyi ima tox. Chix sinagok to nguilaxle Jehudi khünakbu hato kaxkhi fa.