WANGSHEMBU MWOT 18:21 - OTSAO BAIBEL (BSI)

²¹ Itülüi, chixe achex üima hwom ang thüi: “Zang mong jangtsuba ku hünzom hato chatle chat-hüi angpuix.” Ilaxle chix Efisia to khua ma ka.

WANGSHEMBU MWOT 18:21 ပူးပေါင်းရင်းမြစ်များ

1 KORIN 4:19

Ikoxle Jowanpa mongtex jangchangba, ku hünzom wai ang achwonle wüi nguiüi, ilaxle ija ongam khünakbu zangwün tsakzong bama ku huake awanle laxüi.

JAKOP 4:15

Hünzome akaxse a ija changkya: “Jowanpa mong jangtsuba kwom ozün ma ngoüi, ilaxle ibu chichangba ebu moküi.”

IBRI 6:3

Kem thochi to lehax! Üntoxle Zange jangdan thüiningle, ija a keme mok angkya oli jao changle.

ROM NOK HATO ZAKYA POL LAIZA 15:32

Zang mongtex jangchang thüiba, hünzom hato ku mongmüi atungle nguiüi, ilaxle hünzom waile nazak kop ang tsuaküi.

ROM NOK HATO ZAKYA POL LAIZA 1:10

Ilaxle oshuk ma, chix mongtex jangchangba, athax kue tütale thüichu hünzom ha alople nguitsuak angkya lom dap-hüile kue zangjoppu.

WANGSHEMBU MWOT 20:16

Asia haxtok ma chatle hanpak chiashix angkya kuxma, Pol-e Efisia to khua ma ka angkya mongzangwünle tsuak. Chix a Jerusalem to ngui ang mom, ilaxle jangtsuak thüiba Pentekos nyix ikha alopse thüt.

1 PITAR 3:17

Chemthüikoxle, ija Zang mongtex jangchang thüiba, ochax mokkya füi müikya mwot khoma sikngün apongkya wüi amüikya changle.

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

1 KORIN 16:7

Kue hünzom leüi lom to ngünlanle toxle chichangle, Jowanpa mongtex jangchang, kue hünzom füi hanpak zulole ngo angkya monghompu.

WANGSHEMBU MWOT 21:14

Kwome chix abax ang chitho, idaile kwome oshukma “Jowanpa mongtex wüi naxchang fatix”, le zangjople ashuk.

WANGSHEMBU MWOT 19:21

Ibu chang füima Mesidonia hia Akaia chaxwan to ahamle ngopongma Jerusalem to chat angkya Pol mongto texle atak. Chixe thüi: “Ikhato pao füima kue Rom tingnuchu wüi ngün angkya changle.”

WANGSHEMBU MWOT 15:29

Chapabu ang tö koxdaokya süt taxsax; aji taxsax; aji chiajen homle langkya müi taxsax; üntoxle chinunchakkai mwot füi atsaile ngolax; ile ibu chimok homle nang jangngo thüiba nang wan müiüi. Salam.”

KAXHO MÜIKYA LUK 9:61

Mama mixe thüi: “Nwotmix, ku nang füito azuiüi, ikoxle owangole ku hom to chatlaxle kakonu füi wünzua kax akax toxhüi ang.”

MATHI 26:39

Chix si-achale pao, hax to chix thün akhuple tswonle awüt, ilaxle zangjop: “Ku Apa! Tsuak angkya oli jangchangba, ku angkya ija sikngün wansa shongpao fa! Ikoxlechu ku mongtex ma chichangle nang mongtex ma wüi naxchang.”

TSAITONG-KAXTONG 16:1

“Abih lyetnu ma Kaitox Pangpwon nuikya füi Jowanpa hünzom Zang achuak-afuale changkox; Ijip nok tokya chixe hünzom khangkhosünle kopkya a zangnak ma changkya.

MARK 6:46

Hwom afan füima chix a zangjop ang haxhua tuita to pao.

WANGSHEMBU MWOT 18:19

Hwome Efisia alop, ilaxle Pol-e Prisila hia Akuila nyi ima tox. Chix sinagok to nguilaxle Jehudi khünakbu hato kaxkhi fa.

WANGSHEMBU MWOT 18:20

Hwom züizüie chix ang hwom füi tomle okuilo le ngohüi le akax, ikoxlechu chixe chiapa.

WANGSHEMBU MWOT 18:24

Apolo le amünkya Jehudi khünak Alekjendria tokya mixsün tuita Efisia to ngui. Chix a tuita zangwün mankya khünak tamchu Otsao Lai kax awankya mix changkya.

WANGSHEMBU MWOT 19:1

Apolo Korin ma tüitanto, Pol a ija haxtok osungwa makhange ahamle hüikya Efisia to ngui. Ikhato chixe Jisu wangshembu züita atak,

WANGSHEMBU MWOT 19:17

Efisia ma ngokya Jehudi khünakbu hia mixnok pangnue wüi ija zing atat ang kop; hwom pangnu wüi za ilaxle Jowanpa Jisu mün onüi towüi achuak achenle chang.

WANGSHEMBU MWOT 21:29

(Tingnu ma Pol füi tomle Efisia tokya Trofima ngünlaxle, Pol-e ija mixsün Zangshwom-Hom tochu apüidao tüiangpu le ana laxle hwome ile akax).

1 KORIN 15:32

Ifüima fao müi füi ahokkya bütukuxle ku müi-hi-aji mongtex ma azankya jangchang thüiba, ku ang lap chemtüi? Zidaokya chatle azangle zokya chitüi angkya jangchangba, oman, saxhax linghax; ngainyix a kem ziünüi.

1 KORIN 16:8

Ikoxle Pentekos nyix kople ku Efisia to nuiüi.

EFISIA 1:1

Zang küntsu monglua tokhange Khrista wangshem ang achangkya Pol tokhange: Khrista füikya notom ma mongong ma chiale le ngokyabu, Efisia ma tüikya otsao khünakbu hato:

MIKNGÜN-OHÜN 1:11

Ijae akax: “Nange chem ngünpuix, ija zalax, ilaxle ija laipex tingsho anüt angkya müimüithombu hato apaokox, ibua: Efisia, Smarna, Pargama, Thaitira, Sardia, Filadelfia, üntoxle Laodekia ibibi.”

MIKNGÜN-OHÜN 2:1

“Efisia ma tüikya müimüithom kaxtaimix hato zalax: “Ija kaxho a, lyettsi anüt tsaxchi chak ma koplaxle hun wüntik dannui khato ahamle ngokya mix tokhange hüikya changle.