WANGSHEMBU MWOT 18:12 - OTSAO BAIBEL (BSI)

¹² Otue Galilio Grik haxtok ma Gowarnor ang zingpuix, izuma Jehudi khünakbu tomle asox; hwome Pol kop ilaxle khwa to kaxfün ang pao.

WANGSHEMBU MWOT 18:12 ပူးပေါင်းရင်းမြစ်များ

WANGSHEMBU MWOT 18:27

Apolo a Akaia to kaiüi le mongto texle kop, idaile Efisia angkya mongong mixbue, ikhato chix wün pongle kop-hüile Akaia angkya tüinaobu hato laiza fale chix to fong. Ikhato chix nguikya a, Jowanpa chingcha makhange mongong mixbu ang achangle tüikya khünakbu zongto chongkya ofong ang achang.

WANGSHEMBU MWOT 13:50

Ikoxlechu Jehudi khünakbue tingnu ma achong abongbu ilaxle mixnok cha saxpu luawangbu kako tokya opange Zang to shwompuix, ibu to chüile ama. Hwome Pol hia Barnaba nyi to zothup ang süt, ilaxle hwom wankam angkya zuale apao.

WANGSHEMBU MWOT 13:7

Chix a ija shuazo ma gowarnor ang ngokya Sarjia Polas, owa tüle je tüikya mix changkya hex, chix füi zuikhui changkya. Ija Gowarnor-e Barnaba hia Sol nyi chix hato se, chemthüikoxle chixe Zang kax apase le tsu.

2 KORIN 11:10

Ku ma tüikya Khrista otsingtsing ma kue tsaopu: “Akaia ma ojong khatochu ija ku mongngam mündang toxüi.”

2 KORIN 9:2

Fongtsox angkya bama hünzom mongtsukya kue awanle, ilaxle Mesidonia nok hato kue hünzom achuak achenle wündaoa. Kue thüipu: “Akaia angkya tüinao thome müzang tokhange wüi fong ang achwonle tüikya.” Hünzom küntsu mongluae iningle mok ang hwom pangnu mong towüi pole zong adün.

2 KORIN 1:1

Zang mongtex makhange Khrista wangshem ang achangkya Pol hia kem tüinao Timothi nyi tokhange: Korin angkya Zang müimüithom, tamchu Akaia angkya Zang khünaknu nok hato:

1 KORIN 16:15

Hünzome Stefen hia chix kako bama awanle ngopu; Akaia ma hwom khristan ang achangle hüikya kako owang lükya changle ilaxle hwome Jowanpa mwottho ma ngokya thothapabu to hume angkya hwom hünlix changpu le tsingle hüile. Tüinaohom, kue hünzom ang thüipu,

ROM NOK HATO ZAKYA POL LAIZA 15:26

Chemthüikoxle Mesidonia hia Grik nok tokya müimüithombue Jerusalem angkya Jowanpa khünak chitüi chinangkyabu to amua le fong angkya zangwün tsuakkya tüile.

WANGSHEMBU MWOT 25:10

Pol-e lan: “Kaxfün angkya wanghom khwa thüntho ma ku ajongle ngopu. Kue Jehudi khünakbu bama thaikya mwot chemchu mamok, ija nange sümüile tsinglax ngopu.

WANGSHEMBU MWOT 17:13

Ikoxle otue Jehudi khünakbue Beria machu Pol-e Zang kax apuk-apua daoa ta le atat, hwom ikhato nguilaxle khünakbu nga-adün ilaxle khünakbu to cheile ama.

WANGSHEMBU MWOT 14:19

Pisidia angkya Antiok hia Ikoniam tokya Jehudi khünakbu züizüi ikhato ngui; ibue khünaknu hwomchi to jikle kop. Hwome Pol to long füi thup üntoxle ziüna le thütlaxle pan akaile chix linle alai.

WANGSHEMBU MWOT 14:2

Jisu to münong lükya thom Jehudi khünakbue Grik nok buto chüile mama üntoxle tomwüi mongong mixbu to chichang-chizangle hwon.

MATHI 27:19

Pilat kaxfün tüntong ma thungle tüiponge, chix kakonue chix hato kaxho tuita ahüi: “Ija otsao khünak to nange chemlechu taxmok; chemthüikoxle awün wünmang chito chix bama ku ang tüle sikngün daoa.”

JAKOP 2:6

Hünzome ibu zasabu wün ahaipu! Ikoxle hünzom to zothupkya tamchu kaxfün mixbu thüntho to hünzom linle apüikya; ibu a hakpa luapabu münchang hia?

ROM NOK HATO ZAKYA POL LAIZA 16:5

Hwom hom ma asoxkya müimüithom angchu salam. Asia haxtok ma owang pa ma Khrista to mongongkya ku zuikhui Epaineta ang ku salam.

WANGSHEMBU MWOT 17:5

Pol hia Sila nyi füito khünaknu huanuma asüikya ngünlaxle Jehudi khünakbu ang mongtsik ilaxle tingjang lomnu tokya züntebu sele asoxlaxle wuk adün angkya othom ang zingle dan. Hwome tingkhua pangnu chito wüi mwop lai ang kox üntoxle Pol hia Sila nyi koplaxle khünaknu hato alai ang hokhi lomle Jason hom sing.

WANGSHEMBU MWOT 13:12

Ile changkyabu ngünlaxle Gowarnor-e Zang kax to mongong; Jowanpa bama apua-anokya to chix huanuma abüt.

JUHAN 19:13

Ija kax atatlaxle Pilat-e Jisu homtho to alai. Chix longkhao füi zingkya (Ibri kax ma Gabatha le nyakkya) tüntong ma thung.

WANGSHEMBU MWOT 13:8

Ikoxle hwom a montro khünak Elimas (Grik kax ma chix ang ile nyak) e abax; Jisu to mongong ang chitom le chixe Gowarnor achat ang azong.

WANGSHEMBU MWOT 18:11

Idaile ikhato Zang kax apuale Pol zangta lyet azok nui.

WANGSHEMBU MWOT 19:21

Ibu chang füima Mesidonia hia Akaia chaxwan to ahamle ngopongma Jerusalem to chat angkya Pol mongto texle atak. Chixe thüi: “Ikhato pao füima kue Rom tingnuchu wüi ngün angkya changle.”

2 KORIN 11:26

Wünhamkya tuk ma ku obi thomthom ma hexle tinu mualyemkya hia ahux mixbu tokhange, Jehudi nok hia mixnokbu tokhange thama apong angkya lai; tingnubu to thamakya, Molo-Tinu mongto thamakya, ilaxlechu othai zuikhuibu tokhange apüikya thama, ibu füi ku asao angkya lai.

1 THESALONIKA 2:14

Kutüi kunaohom, Jehudi haxtok angkya müimüithombue thüikoxle Khrista to ongkya khünakbue apongkya sikngün hünzomechu apongpu. Ma khünakbue hünzom to chemle zothupuix ilailaile hwom tochu manok Jehudi khünakbue zothupkya changpu.

1 THESALONIKA 2:16

Hwom hato khosün apüi angkya kaxho mixnokbu hato apuk-apuale ngokya kwom abax ang ngaxchu hwom tüle azong daoa. Ile hwome othuithuima mokle hüikya ochax okhongui le mokdaoa. Üntoxle athax oshuk ma hwom hato Zang mongtsik nguile tüile!