WANGSHEMBU MWOT 17:4 - OTSAO BAIBEL (BSI)

⁴ Züizüie Pol kaxho changle le apa üntoxle Pol hia Sila nyi füito hak; iningle Zang to shwomkya Grik othom huanuma üntoxle e-sele tüikya shekobuchu wüi hokhi chito hak.

WANGSHEMBU MWOT 17:4 ပူးပေါင်းရင်းမြစ်များ

WANGSHEMBU MWOT 17:12

Hwom khama mongongkyabu huanuma lai; ilaxle lükabuchu wüi üntoxle e-sele tüikya shekobuchu wüi Grik khünak mongongkyabu huanuma lai.

WANGSHEMBU MWOT 14:4

Tingnu angkya khünakbu othom anyi ang ahan: Züizüi Jehudi khünakbu chima se ilaxle mamabu a Pol hia Barnaba nyi chima süt.

WANGSHEMBU MWOT 13:43

Ile sinagok ma asoxkya khünaknu fan füima, Jehudi khünakbu hia Jehudi nok ang achangkya mixnokbu züizüi Pol hia Barnaba nyi füito hüi. Okhie hwom füi akax üntoxle Zang chingcha ma otya ma ngo angkya hwom ang zong adün.

2 KORIN 8:5

Ija a kwom monghomkya to nüile chang: Pongwang ma hwome ma tsün Zang ang koxle kop; ilaxle Zang mongtex makhange hwome ma alüile kwom chak to dan.

WANGSHEMBU MWOT 28:24

Züizüie chix kax to ong, ikoxlechu züizüie chiong tsuak.

WANGSHEMBU MWOT 15:22

Ifüima wangshembu hia tüichong mixmüibue ilaxlechu müimüithom noknu motom laxle, hwomkha angkya khünak zün üntoxle Pol hia Barnaba füi tomle Antiok to akat angkya zangwün tsuak. Hwome Barnaba le nyakkya Judas hia Sila, hwom tüinaobu khama lomzunpa nyi zün.

WANGSHEMBU MWOT 13:50

Ikoxlechu Jehudi khünakbue tingnu ma achong abongbu ilaxle mixnok cha saxpu luawangbu kako tokya opange Zang to shwompuix, ibu to chüile ama. Hwome Pol hia Barnaba nyi to zothup ang süt, ilaxle hwom wankam angkya zuale apao.

WANGSHEMBU MWOT 21:28

Hwome akhongle thüi: “Israel khünaknu! Kwom to asunhüi! Kem Israel khünaknu hia Mosa Wanlom tamchu ija Zangshwom-Hom füi opüipüi pangnu hama apua-ano le pangnu khato aham ngokya mixsün a ija changle. Ilaxle athax tomning chixe mixnok Ija Zang shwomnui to apüikya makhange ija Otsao Nui chitsaokya ang achangdaoa!”

WANGSHEMBU MWOT 19:10

Ile nuikya zanglao anyi hom, idaile ijongkha Asia haxtok ma ngokya Jehudi khünaknu hia mixnok pangnue wüi Jowanpa kax atat ang kop.

WANGSHEMBU MWOT 18:4

Jehudi khünak hia Grik khünak pangnu wüi anom-anai ang azongle, nazakle nuikya nyix chithaile chixe sinagok ma hwom hama kaxkhi fa.

WANGSHEMBU MWOT 17:34

Züizüie chix chito hakle ong; ibu khama Daionisia chuwüi tuita changkya. Chix a Areopagas ma mün tüikya mix tuita changkya; ilaxle Damaris le amünkya mixcha tuita ilaxle mamabuechu wüi ong.

WANGSHEMBU MWOT 17:17

Ikhoma Jehudi nok hia mixnok Zang shwomkya khünakbu füi sinagok ma ala, ilaxle le-zyenüi khünaknu füi tingjang lomnu to ala.

WANGSHEMBU MWOT 16:3

Pol-e Timothi a chix füi tomle laxlax toxse tsu, idaile chixe chix ang Khwonzüt-Zom zingle kox. Ija tuitui ma ngokya Jehudi khünak noke wüi Timothi hopa a Grik sün changpu le awankya khoma chixe ile mok angkya lai.

WANGSHEMBU MWOT 15:40

ikoxle Pol a Sila koplaxle tüinaobue Jowanpa chingcha chak to koxkya füima achex.

WANGSHEMBU MWOT 15:32

Judas hia Sila, opang aje changkya hex, hokhie tüinaohom ang zong adün ilaxle mong achenle ozulole zangwün.

WANGSHEMBU MWOT 15:27

Kwome lai ma chemle zapuix ija khünak po jao nguilaxle tun ma wünle hünzom hama apua ang kwome Judas hia Sila nyi akat tüia.

WANGSHEMBU MWOT 14:1

Ikoniam machu ile wüi chang. Pol hia Barnaba nyi Jehudi nok sinagok to ngui ilaxle akax ikoxle Jehudi nok hia Grik khünakbu huanuma, chix to ongkyabu ang achangle Jisu hato hüi.

WANGSHEMBU MWOT 4:23

Okhi dankya thuile hwom othom hato chat ilaxle Nguakho hia mixpa tüichongbue hokhi füi akaxkyabu hwom hama wün.

WANGSHEMBU MWOT 2:44

Mongong mixbu notom tuita ma asüile ngo ilaxle mixhuak bwotba tomkux ang achangle ahanle lax.

JUHAN 7:35

Jehudi nok pünpa-chongwangbue tata füi zangwünle akax: “Keme atak ang chitsuak angkya khato ija mixsün ojong to pao ang thüitüi puixsi? Kem khünakbu ngokya Grik tingnubu to paolaxle Grik nokbu hatochu anwot-ano ang thüipia?

TSAITAX-NGAONÜI 6:1

Sheko khama sünmüicha, nang mowünpa omaüna-o? Chix lekya lom kwom hama apuale fahüi, Chix atak angkya kwome nang to asun kuxma.

WANWÜNKAX 13:20

Jetüi-hwonlangkya khünakbu füi zuikhui zinglax jangchangba nang jetüi-hwonlangkya mix ang achangüi. Nange ongat khünakbu füi zuikhui jangzing thüiningle nange thama ataküi.

WANWÜNKAX 9:6

Chemchu chitik-chiwanle changkyabu füi ngokya dantox dao. Jetüi-hwonlangkya lomtang ma ahamlax.”

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

WANGSHEMBU MWOT 17:10

Ija jaja wüi zangnak füi tomle, tüinaobue Pol hia Sila nyi Beria to akat. Ikha alopkya ma, hokhi Jehudi nok sinagok to ngui.

WANGSHEMBU MWOT 17:14

Jan füima tüinaobue Pol tinu kax to apao; ikoxle Timothi hia Sila nyi Beria ma nui.