WANGSHEMBU MWOT 17:31 - OTSAO BAIBEL (BSI)

³¹ Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

WANGSHEMBU MWOT 17:31 ပူးပေါင်းရင်းမြစ်များ

2 PITAR 3:7

Ikoxlechu anyix tüikya ding hia haxchu wüi, wün füi amüt angkya hanpakma Zang kaxtom tuitata makhange wüi sünle thomkya changle. Ibu a, Zang chilax homtoxle ngokyabu kaxfün angkya tamchu amüt angkya nyix hanpakmale thomkya changle.

ROM NOK HATO ZAKYA POL LAIZA 2:16

Üntoxle kue apuk-apuakya Kaxho Müikya olom machu, Jisu Khrista makhange, khünak angkya huxsa mongjang bama Zange kaxfünkya nyixchu wanlom ma tüikya ningle mokkya mixtix sukya ang achangüi.

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

MÜNCHUAK-TSAI 9:8

Chaxwannu chixe otsao makhange apün; sukya kaxfün füi chixe chaxwannu kaxfün.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

WANGSHEMBU MWOT 4:10

hünzome pünsak ma takle langkya mix owa Zange chatle azangle zo ang tompuix, ija Nazareth nok Jisu mün ma tüikya zong makhange owüiole müilaxle ija mixsün hünzom thüntho ma ajong ang tsuakpu, le hünzom pangnue tamchu Israel khünak noke wüi awan angkya oli changle.

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

2 TIMOTHI 4:1

Zang üntoxle Jisu Khrista owae ozün hia omang kaxfün angkya hex, tamchu chix chongwangpa le apün-awang ang ngui angkya changkoxle, hwom thüntho ma kue hünzom ang,

MATHI 10:15

Otsingtsingma kue hünzom ang thüipu, Zange kaxfün nyix ija tingkhua angkya khünaknu füi Sodom hia Gomorah nok hato wüi chingcha chongle ahoüi.

WANGSHEMBU MWOT 2:32

Zange ija Jisu zidaokya chatle azündaoa, ilaxle kwom a pangnusa wüi ija otsingtsing bama kaxkhi fakyabu changpu.

WANGSHEMBU MWOT 17:18

Züizüi Epikurian üntoxle Stoik le nyakkya nwotmixbuechu chix füi kax ma alan. Züizüie thüi: “Chuja zaman mixe chem wünse le azongkya changkoxpu!” Mamabue thüi: “Chixe mixnok zangbu mo wünle ngokya ningle tüile.” Pol-e, Jisu üntoxle chix chatle azangle zokya mo wünle ngokoxle hwome ija akax.

MATHI 24:14

Ilaxle Zang Wangting bama ija Kaxho Müikya chaxwannu nok pangnu chito kaxkhi ang apuküi; ija füima tix oshuk hüiüi.

KAXHO MÜIKYA LUK 22:22

Khünak Hosa a Zange naxchango le thüikya ningle zilaxüi, ikoxle owa makhange chix khohang laxpuix, chix a maxsax!”

JUHAN 5:27

Chixe Hosa ang kaxfün angkya zong fadaoa, chemthüikoxle chix a Khünak Hosa changle.

JUHAN 12:48

Owae ku pongle chikop laxpuix, tamchu ku kax ma chilaxle tüilaxpuix, chix hanpakma kaxfün angkya tuita tüile; kue akax daokya kax, oshuk nyix, chix hanpakma kaxfünpa ang achang angkya changle.

JUHAN 16:10

Sukya bama hwom thaile ngo, chemthüikoxle ku Apa hato paoüi ilaxle hünzome ku ngün ang chikopüi;

WANGSHEMBU MWOT 17:6

Okhi chibang ünkoxle hwome Jason hia züizüi tüinaobu tingsho ma pünpa-chongwangbu hato linle apüi ilaxle akhong: “Ibue pangnu khato wüi tingtui adün ngole! Athaxchu kem tingsho ma nguikoxle

WANGSHEMBU MWOT 17:32

Pol-e chatle azangle zokya mo wünle atatkya zuma, züizüi chix chanyi, ikoxlechu mamabue thüi: “Nange ija bama chatle wünkox, kwome apase tsule.”

IBRI 6:2

thüikoxle bapti laxkya hia khangkho ma chak dankya; zidaokya anaole zokya hia oshuk chitüikya kaxfün, ibu bama keme homting hozün zing angkya mwot münchang.