WANGSHEMBU MWOT 17:26 - OTSAO BAIBEL (BSI)

²⁶ Mixhuak tuita makhange chixe khünaknu jat-hi-li pangwüi zing, ilaxle chaxwan tok pangnu khato wüi hwom ngo ang dan. Amiba wüi achale chixe hanpak hia hwom ngo angkya ziakam textya le othüt chixe kox.

WANGSHEMBU MWOT 17:26 ပူးပေါင်းရင်းမြစ်များ

PONGWANG LAIPEX 3:20

Adam-e chix kakonu ang Ef le mün kox, chemthüikoxle she a ozün ma tüikya nok honu changle.

MALAKI 2:10

Kem ang hopa tuita wüi tüikya münchangdaimi? Kem pangwüi, Zang tuitae wüi zingkya münchang hexmi? Jangchangba keme tata füikya kaxtsao chem ang ama? Kem putong hwom füi Zang zingkya Tsaotsüt tha büthüi ang ajao?

1 KORIN 15:22

Chemthüikoxle Adam ma pangnu zipu, ilailaile Khrista ma zidaokya pangnu wüi chatle azangle zo ang koxüi.

1 KORIN 15:47

Pongwang angkya Adam a, hax makhange zingkya, haxwannu angkya; anyi lükya Adam a zangkangting tokya.

MÜNCHUAK-TSAI 31:15

Othuithuima nange ku to humele ngopu; ku zanpabu chak tokya nange ku khosünhüi, ku zothuple ngokyabu chak tokya a.

JOB LAIPEX 14:5

Chix tsün ngo angkya lyetkua-zangpua hia tsün-lwot, Kaiwüi tex-hi-tiale thomdaoa. Tsuakdaokya ija nange lüi-chüi angkya münchang.

JOB LAIPEX 12:23

Chixe khünaknu jat-libu tsak-zongkya tamchu chongkya ang achangle; ikoxlechu hwom to chixe wüi anaolaxle olithule amale.

PONGWANG LAIPEX 9:19

Noa sasün hwom azom a chaxwannu angkya khünaknüsa putong hwom changkya.

DANEL 11:35

Hwom kha angkya jetüi-hwonzaile tüikya lompabu züizüi a langle awütüi, ikoxlechu ija a khünaknu atsaokya ang changüi. Ija a, Zang-e tyale thomkya hanpak ashukle machang tanto chizakle ile wüi ngoüi.

DANEL 11:27

Ifüima ija wanghom anyi tomle fongsax ang tsap tuita ma thungüi, ikoxle hokhi mongtex a oma changüi, ilaxle hokhie tata dyenle changüi. Hwome chem kopse tsupuix, ija hwome chikopüi, chemthüikoxle ile chang angkya hanpak a mahüi.

ISAIA 14:31

Fongmix lomle akhongle wotkox, Filistia tingnubu hünzom pangwüi! Zalax, hünzom pangwüi! Shuakuxchi tokhange zangfwom ningle haxkhix-labu hüile ngole — ija a ojao chizakya süpahibu hüikya changle.

IBRI 2:3

Ikoxlechu ipong chongkya khosün bama mong chikoxba kem azangtsuak angchami? Ija khosün pongwang ma Zang chixjaoe apuk, üntoxle chix kax to apakyabu kem ang ija otsing changpu le ahole.

ISAIA 45:21

Ngui laxle khwa ma hünzom tsetwon-zangwün apüilax; hwome tata ma tikshole naxlaxkox. Chempangle changüihex ija kaiwüi owae ajele thom? Chix khünaknu khosünkya Zang, ija Jowanpa ku münchang hexmi? Iboma mama baozang owachu müntüi.

WANGSHEMBU MWOT 15:18

Kaipong tokhange wüi awan ang, koxle hüikya ija Jowanpa-e akax.

MÜNCHUAK-TSAI 74:17

Chaxwannu ziathüt nangetix koxpu; tsonu hia zangwa nange zingpu.

JEREMIA 27:5

“Chaxwannu, khünaknüsa, ilaxle chaxwantok ma ngole tüikya zünmok pangwüi kue kutsak kuzong chongkya füi zingle alaipu; ilaxle ija kue owa ang koxse tsupuix ija ang koxpu.

WANGSHEMBU MWOT 14:17

Ibachu chixe hünzom ang ding tokya zangwat kox üntoxle otu nguikya ma tsaxsa hikha puamün ang kox; chixe hünzom ang sütling kox üntoxle hünzom mongmüie awangle ngo ang kox; ile chixe müikya mwot mokkya tokhange othuithuima chixe chix chemningkya hex ija aho.”

ISAIA 34:17

Hwom bama haxtok ahanle kox angkya a Jowanpa ilaxle hwom pangwüi ang süntom kox angkya changle. Tsün-tok to-tsünle ibu ikhama ngoüi, ilaxle ija haxtok a jento hwom kux ang ngoüi.