WANGSHEMBU MWOT 17:23 - OTSAO BAIBEL (BSI)

²³ Chemthüikoxle kue hünzom tingsho faole ahamlaxle hünzome malili zang shwomkyabu to hule ano koxle, kue ‘Chitsingkya Zang Ang’ le zalaxlechu wüi zangshwom-hom tüngünle. Ile hünzome chitsing koxlechu kue hünzom hama wünkya a ija changpu:

WANGSHEMBU MWOT 17:23 ပူးပေါင်းရင်းမြစ်များ

JUHAN 4:22

Hünzom Samariabue mae ngaxchu chitsingkya to shwompu; ikoxle kwom Jehudi khünakbue, kwome oja awanpuix chix to shwompu; chemthüikoxle khosün a Jehudi nok makhange tix hüipu.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

JUHAN 17:25

Otsao Apa! Chaxwannue nang chitsing, ikoxlechu kue nang awanpu; ilaxle ku a nange tsanle ajokya changpu le hwome awanle;

1 KORIN 1:21

Chemthüikoxle Zange chix je-hwon makhange khünaknue chix mahwon maje füi awanle chitsuak angkya lima achangdaoa. Itülüi, kwome apuk-apuakya kaxho, oja ang khünake tsaingat kaxngui le nyakpuix, ija kaxho to mongong tüikya khünakbu khosün angkya Zang mongto texdaoa.

ROM NOK HATO ZAKYA POL LAIZA 1:28

Hwome Zang bama tsingwankya otsingtsing mong ma kop ang angamkya khoma Zange hwom oma mong chak to dan, ikhoma chem chimokse hex ija hwome mok.

WANGSHEMBU MWOT 17:30

Jisu Khrista ma khünaknue Zang matsing tanto, hwom ochax bama olüix chikhom homle shanle dantox daoa, ikoxlechu athaxpi pangnu khatokya khünak noknok wüi ma ochax tokya chat angkya bama kax koxdaoa.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

1 TIMOTHI 1:17

Oshuk chitüikya wanghom, chizi angkya tamchu ngün ang chithokya chix boma chatle Zang tamchitüi: chix ang achuak achenkya tamchu fuazang othuithuima naxchang! Amen.

2 THESALONIKA 2:4

Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

EFISIA 2:12

Ija pongma hünzom Khrista füi janle tüikya. Hünzom a mixnok ilaxle zünle kopkyabu khama chiwom. Zange chix khünaknu ang fakya kaxtsao Tsaotsüt hünzom zongto chem mwot ang chichang, üntoxle hünzom ija chaxwannu ma monghomkya chemchu chitüi tamchu Zang chilax homtoxle ngokya.

1 KORIN 8:5

Chemthüikoxle ding hia hax ma khünake “Zang”, le nyakkyabu tüihu koxlax ilaxle ibu zangbu hia baozangbu tüihu koxlechu

JUHAN 8:54

Jisu-e hwom kax to lan: “Kue alüile ku achuakle jangchang, ija ku achuakkya chemchu münchang; ikoxle hünzome hünzom Zang changpu le thüikya Ku Apae ku fuazang ang tompu.

MATHI 15:9

Ikoxlechu ku kax ningle, khünake zingkya wanlom kax, apua koxkya khoma; hwome ku shwomkya ma, lap chemchu müntüi!’”

MÜNCHUAK-TSAI 147:20

Chixe mixjat-mixlibu hanpakma ile chimok; hwome chix wanlombu chitsing. Jowanpa achuak kox!

MÜNCHUAK-TSAI 50:21

Hünzome ibu pangwüi mokle tsuakpu, ikoxlechu kue chemchu chithüipu; ikhoma hünzome ku chuwüi hünzom lailaile tüipuixle thütpu. Ikoxlechu athax kue hünzom to sa-male changpu ilaxle zangwün hünzom hama ngaithole apua fapu.

ISAIA 45:4

Kue nang ku da Israel nok to fong ang kampu, kue zünle kopkya khünaknu. Kue nang ang tüle chongkya achuak-achenkya koxdaoa, hünzome ku awanle kop angkya wüi.