WANGSHEMBU MWOT 17:11 - OTSAO BAIBEL (BSI)

¹¹ Thesalonika angkya khünaknu füi ikha tokya khünakbu wüi künsha-mongdale tüi. Hwome Kaxho Müikya to mongtsule apa, ilaxle Pol kax otsingtsing changcha le hwome nyixfole Otsao Lai lom.

WANGSHEMBU MWOT 17:11 ပူးပေါင်းရင်းမြစ်များ

ISAIA 34:16

Zünmokbu bama zakya Jowanpa laipex ma lomlax ilaxle ijae chemle akaxpuix e-lax. Ibu ozün zünmokbu tuita chu chitüile müntox, ilaxle tuita chu hanshem chilax homtoxle münngo. Ija ile chang angkya Jowanpae kaxtom koxle changdaoa; ibu pangwüi tomle chix jaoe apüiüi.

JUHAN 5:39

“Hünzome Lai Kaxbu lomle; chemthüikoxle ijabu ma oshuk chitüikya tsün khüzün ataküile hünzome ongle; ikoxle ija Lai Kax a ku hanpakma kaxkhi fakyabu Lai Kax changle.

1 THESALONIKA 2:13

Ilaxle kwome jento Zang ang münchong fakya chatle mama kaxhuachu tüihupu. Otue kwome Zang Kaxho apukpuix, hünzome ija atat ilaxle ija pongle kop, khünak kaxho ningle chichang ikoxle Zang kaxhole pongle kop, ija changchu changpu, chemthüikoxle mongong tüikyabu hünzom ma Zange mwot mokle.

MATHI 13:23

Ikoxle owae kaxho atat, ija tsingle lax, ija ningle apuk atsatle changkyabu a, hax müikya khato dütkya tsaxtsang ojapange hopong, puzom pong tamchu tsübün pongle oziak dünpuix, ibu changpu.”

WANWÜNKAX 9:9

Jetüi-hwonlangkya khünakbu füi nang chem akaxpuix, ijae hwom sisile jetüi-hwonlangkya mix ang achangüi. Nange otsao khünakbu füi chem akaxpuix ijae hwome tsing-wankya to janbo langkya ang changüi.

WANWÜNKAX 1:5

Wanwün-kax ibue jepabu je-hwon to janbo lang tamchu laitsing-ngakman mix lomzunle chang ang tsuakle,

1 THESALONIKA 1:6

Hünzome kwom thüi tamchu Jowanpa thüi anopu; ilaxle hünzom huanuma sikngün koxlechu, Otsao Chasa tokhange hüikya mongmüi füi hünzome ija kaxho pongle koppu.

JUHAN 3:21

Ikoxle owae otsingtsing mwot mokpuix, chix mwot Zang mün ma mokpu le ngai ang tom angkya hanpakma zangngai to laile.”

2 THESALONIKA 2:10

ilaxle max angkyabu zongto chisumüile dyen-ngan angkya olom pangwüi twonüi. Hwom khosün angkya kuxma otsingtsing hia mongkün pongle chikopkya khoma hwom maxüi.

1 PITAR 2:2

Nampux tankya naosasom lailaile, hünzom khosün hato alople tsong angkya hanpakma tsaothakya chasa tsomti ma alankya tüilax.

KAXHO MÜIKYA LUK 24:44

Ifüima chixe hwom ang thüi: “Mosa Wanlom üntoxle ajebu Lai hia Achuak Tsai ma ku bama chempangle zale tüilaxpuix, ibu ngai angkya oli changle le kue ibu zangwün bama ku hünzom füi tomle tüipongma wüi akaxdaoa.”

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

WANWÜNKAX 8:10

Khop-jan füi ngaxchu kue adangle fakyabu wüi zünle koplax; atsaokya hun füingaxchu awan-atsingkya wüi zünle koplax.

JAKOP 1:21

Idaile hünzome chitsaokya oli pangnu üntoxle awangle ngokya chimüikya ochax awütlax, üntoxle nang mong ma hüikya kax ojae nang azün ang thoüi hex, somdangle ija kax pongle koplax.

MÜNCHUAK-TSAI 119:148

Zang angaile ku mik azangle apüipu, nange adangle fakyabu mongkoxle to angkya hanpakma a.

MÜNCHUAK-TSAI 119:100

Zunu-zupabu füi ngaxchu hwon-je ku ma wüi sütüi, chemthüikoxle kue nang kaxtombu kax ma laxkoxle.

MÜNCHUAK-TSAI 119:97

Kue nang wanlom to chemtukux mongkün puix! Kue ija bama han-ahomle ajangle.

WANGSHEMBU MWOT 10:33

Ikhoma kue nang hato akhangle tsanle akatpu, ilaxle nang nguikya tüle müile. Athax a Zange nang ang akax ang tomkya kax pangwüi to apa ang kwombibi ima tüile.”

WANGSHEMBU MWOT 2:41

Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt.

JOB LAIPEX 23:12

Kue othuithuima Zang kaxtom ma laxle mokpu; Kue chix mongtex topu, kue tsu-luakya ma chilaxpu.

WANGSHEMBU MWOT 17:1

Okhi Amfipolis hia Apolonia akaile Jehudi nok sinagok tüikya Thesalonika to ngui.

WANGSHEMBU MWOT 11:1

Wangshembu üntoxle Jehudi chaxwan pangnu khatokya mongong mixbue mixnokbuechu wüi Zang Kax pongle kople ta le atat.

KAXHO MÜIKYA LUK 16:29

“Ikoxle Abrahame thüi: ‘Hwom hama apua ang Mosa hia ajebu Lai tüile; hwome ibu kax ma naxlaxkox a.’ Chatlechu chixe thüi: ‘Münchang Apa Abraham, itatae mwot münthapüi.

JEREMIA 2:21

Kue hünzom a sümüipu zu tuita ang küihupu püntsangbu kha angkya sümüipu otsang zünlaxle a. Ikoxle nang chem ang achangpuix hulax! Nang a laxli chitüile shanle maxünkya zu tuita ang achangdaoa.

TSAITONG-KAXTONG 29:29

“Kem Jowanpae pyenle thomkya tütali tütüile; ikoxle chu chixe chix Wanlom ngaile ahodaoa, ilaxle kem tamchu kem su-sa hwome ija kax ma jento laxle ngo angkya wüi changpu.

KAXHO MÜIKYA LUK 1:2

Opange owang tokhange ngünle hüi üntoxle Kaxho Müikya apukpuix, ibue kwom hama wünkya ningle hwome zale.

KAXHO MÜIKYA LUK 11:3

Nyixfo to kwom ang süt laxhüi.