WANGSHEMBU MWOT 16:9 - OTSAO BAIBEL (BSI)

⁹ Pol-e ija ja mikngün ohün ngün. Ijama chixe Mesidonia tokya mixsün tuita ajong laxle: “Mesidonia to nguilaxle kwom to süfonghüi!”, le chix sekya ngün.

WANGSHEMBU MWOT 16:9 ပူးပေါင်းရင်းမြစ်များ

WANGSHEMBU MWOT 19:21

Ibu chang füima Mesidonia hia Akaia chaxwan to ahamle ngopongma Jerusalem to chat angkya Pol mongto texle atak. Chixe thüi: “Ikhato pao füima kue Rom tingnuchu wüi ngün angkya changle.”

WANGSHEMBU MWOT 18:5

Sila hia Timothi nyi Mesidonia tokya ngui füima, Pol-e Jehudi khünakbu hato Jisu a Messaiah changpu le ahole Kaxho Müikya apuk angkya ma chix hanpak ahom.

ROM NOK HATO ZAKYA POL LAIZA 15:26

Chemthüikoxle Mesidonia hia Grik nok tokya müimüithombue Jerusalem angkya Jowanpa khünak chitüi chinangkyabu to amua le fong angkya zangwün tsuakkya tüile.

WANGSHEMBU MWOT 20:1

Wuk dang füima Pol-e mongong mixbu nyakle asox, ilaxle hwom zong adünle zangwünkya füi hwom ang wünzua salam kox. Ifüima chix Mesidonia to pao.

1 THESALONIKA 4:10

Changle, otsing tomtata ma Mesidonia angkya tüinao hwom to ile hume daoa. Idaile tüinaohom, kwome hünzom ang ifüi sütsexle mok hüi thüipu.

2 KORIN 12:7

Ikoxlechu ohünotün jali kue ngünhu daokyabu bama mongngam tüi angkya chikoxle ku abax angkya hanpakma, ku ang tsangtsa ma tsütle kakkya okak tuita fale thomle. Ku to fit ang üntoxle ku ngam ang chikoxle abax ang, ijae bao mwottsan mix tuita ningle mokle.

2 KORIN 11:9

Ku hünzom füi ngotanto, ngun laxsele thangkhüt pongma kue hünzom to poxbwom le chichang; kue laxsese komle Mesidonia tokhange nguikya tüinao hwome ku hato apüi toxpu. Ami ledaokya ziamachu ilaxle athax mahüikya ziamachu, ku hünzom hanpakma hünlix tuita ang münachangüi!

2 KORIN 9:2

Fongtsox angkya bama hünzom mongtsukya kue awanle, ilaxle Mesidonia nok hato kue hünzom achuak achenle wündaoa. Kue thüipu: “Akaia angkya tüinao thome müzang tokhange wüi fong ang achwonle tüikya.” Hünzom küntsu mongluae iningle mok ang hwom pangnu mong towüi pole zong adün.

2 KORIN 8:1

Khristan tüinaohom, Mesidonia angkya müimüithombu ma Zang chingchae mwot tsuakle ahodaokya bama kwome awanse tsule.

2 KORIN 7:5

Kwome Mesidonia alople ngui füima ngaxchu, kwome nazak ojao chikop. Pangnu khato wüi tuwuk, mixfüi atsi-alakyabu, mong ma chazakya tüihukya.

WANGSHEMBU MWOT 20:3

Ikhato chix lyetkua azom nui. Chix Siria to le ang achwonle ngokya, iponge Jehudi khünakbue chix lang ang azya ngokya awanle lax; idaile Mesidonia akaile chatkya wüi müiüile chixe thüt.

WANGSHEMBU MWOT 10:30

Kornelia-e thüi: “Ipongkhae shongnyix nyix azom thoto ku azom baji shene hom ma tsomfüi zangjop hanpak laxle ngokya. Tüle nyankya nyiza awunlaxle ku thüntho ma mixsün tuita ajong,

WANGSHEMBU MWOT 10:3

Nyixta tsomfüi azom baji shen changkya, Chixe mikngün ohün tuita ngün. Ijama chixe Zang kaxtaimix nguikya atsingsho le ngün ilaxle chixe mün lünle nyak: “Kornelia.”

WANGSHEMBU MWOT 9:38

Chopa a Lidia makhange chemnu le chiatsai le tüikya, ilaxle otue Chopa tokya mongong mixbue Lidia to Pitar nguile tüikya kax koppuix; hwom hato chingchalaxle momle nguihüi ta le Pitar se ang mixsün anyi tsanle akat.

WANGSHEMBU MWOT 16:10

Pol-e ija mikngün ohün ngünkya füi shemle kwom Mesidonia to pao ang achwon, chemthüikoxle ikha tokya khünakbu hato kaxho apua ang Zange sekya changpu le kwome lax.

WANGSHEMBU MWOT 16:12

Ija makhange cha ma paole, Mesidonia ma owang lükya Distrik ma tingnu tuita Filipi to ngui; ija a Roman tingzong changkya. Ija tingsho ma kwom obibi nyix hex nui.

WANGSHEMBU MWOT 19:22

Idaile chix Asia haxtok ma süngokya bama chixe Timothi hia Erata, chix chakta nyi, Mesidonia to kat.

WANGSHEMBU MWOT 19:29

Ija mwop ngaikyae tingnu pangkha towüi u. Hwome Pol füi tomle aham ngokya Gaia hia Aristarkas, Mesidonia tokya nyi kop ilaxle hokhi lax üntoxle tingnu ma noknu nguazua nui to akhangle asox.

WANGSHEMBU MWOT 27:2

Adramitin makhange Asia chaxwan tokya tinu khua zaknui to ka ang achwonle ngokya khua ma ngale achex. Thesalonika tokya Mesidonia sün tuita Aristarkas chuwüi kwom füi tomle tüikya.

TSAITONG-KAXTONG 30:13

Ija a molo tinu tachi towüi lechu münchang. ‘Kwome atatlaxle ija kax ma laxle tüi angkya hanpakma tinu tale paolaxle ija kwom hato owae apüile faüi?’ le hünzome atüingo angkya fang münchang.