WANGSHEMBU MWOT 16:39 - OTSAO BAIBEL (BSI)

³⁹ Ikhoma hwom ngui ilaxle hwom wüi thaidao ngüna le hokhi füi akax, ilaxle hokhi kun angkya alai üntoxle tingsho angkya shongpaofa le akax.

WANGSHEMBU MWOT 16:39 ပူးပေါင်းရင်းမြစ်များ

MATHI 8:34

Ijama tingkhua angkya khünaknu Jisu füi apong ang lai. Chix ngünkya zuma hwome chix ang hwom longzi akaile shongpaofaki le akax.

MARK 5:17

Ikhoma hwome Jisu füi hwom longzi akaile pao angkya akax.

DANEL 6:23

Wanghompa ang tüle mongmüi ilaxle ija tswomkha tokya Danel alai angkya hanpakma kax kox. Hwome chix dokle alai ikoxle chix to makman ojao chibang, chemthüikoxle chixe Zang to mongong thomkoxle.

DANEL 6:16

Ikhoma wanghompa-e Danel a mailange awangle tüikya tswon khato tswonle awüt angkya kax kox. Chixe Danel ang thüi: “Nange owa to mongpak fünthole koxle shwomle ngopuix, ija nang Zang-e nang khosünle naxchangfa.”

ISAIA 60:14

Hünzom to zothuple ngokya putong hwom nguiüi Ilaxle chathua zakya ahole hwom akhuxüi. Tam-a hünzom adix-adale changdaokyabue hünzom chitong ma shwomüi. Hwome hünzom ang ‘Zaion, Israel nok Otsao Zang Jowanpa tingnu’, le nyaküi,

ISAIA 49:23

Wanghombu a nang zongto mapabu ningle changüi; wangchanubu a nang zongto honu hwom ningle changüi. Hwom nang chitong to puiüi ilaxle nang achuaküi; hwome puinaikya füi hünzom chathua zakya ahoüi. Izuma hünzome ku a Jowanpa changpule awanüi; kue fong angkya tanle hungokya ku khünak owa angchu mong münatho.”

ISAIA 45:14

Jowanpae Israel nok füi akax, “Ijip hia Etheopia angkya tuina hünzom kux ang changüi, ilaxle Seba angkya tomchong hualo khünakbu a hünzom dabu ang ngoüi; janbüi füi hwome hünzom mantole changüi. Hwome hünzom chitong ma akhuxlaxle ngaiüi, ‘Zang a hünzom füi tüile — Zang a chix tix changpu.

LAIPAO 11:8

Mosa-e ile akaxle ashuk: “Nang nguakhobu pangwüi ku hato nguile ku tong shwomle, ku ang Israel khünakbu laxlax süpaofale akaxüi. Ifüimatix ku pao ang laiüi.” Ilaxle mongtsik ahole Mosa wanghompa tuntho angkya laile pao.

MIKNGÜN-OHÜN 3:9

Apalax haxshix kux ang ngokya othombu, opange changjao chichang khato hwom Jehudi nok changpu le akaxpuix, hwom nguilaxle nang chitong ma akhux ang kue tsanüi. Hwom pangnue wüi kue nang to mongkünle le awanüi.