WANGSHEMBU MWOT 16:31 - OTSAO BAIBEL (BSI)

³¹ Okhie lan: “Jowanpa Jisu to onglax, jangthüiba nang ilaxle nang homkha pangwüi azangüi.”

WANGSHEMBU MWOT 16:31 ပူးပေါင်းရင်းမြစ်များ

JUHAN 1:12

Bachutix züizüie chix pongle koplaxle chix to ong; ija khoma chixe hwom ang Zangsu Zangsabu ang achang angkya tsakzong kox.

JUHAN 3:36

Hosa to mongongkya khünak ma oshuk chitüikya khüzün tüile; owae Hosa kax ma chilax puix, chix ma khüzün müntüi; ikoxle Zang mongtsik chix füi ngoüi.”

MARK 16:16

Owae ong laxle bapti laxüi hex, chixe khosünkya ataküi; ikoxle owae chiong laxüi hex, chixe thajao kopüi.

GALATIA 3:26

Khrista füikya notom ma hünzom Zang susabu ang achangkya a mongong makhange changle.

WANGSHEMBU MWOT 18:8

Sinagok ma alixachong sün Krispa üntoxle hwom homkha pangnue wüi Jowanpa to ong; ilaxle Korin angkya khünaknue Pol kaxho apa, ija to mongong ilaxle hwom bapti.

ISAIA 45:22

“Athaxpi ku hato mong chatlax ilaxle khosünle koplax, zangjang angkya khünaknu! Zang tuita wüi tüikya ija a ku.

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

GALATIA 3:22

Ikoxle Otsao Lai-e thüile: “Zangfang abakle ochax zonge womlaxle tüile; ikhoma Jisu Khrista tokya mongong ma tix koxüi hexo le tsaole thomkya hingho a opange onglaxpuix hwom angtix koxle.”

WANGSHEMBU MWOT 15:11

Ile münchangüi! Kemchu hwom ningle mae ongkoxle Jowanpa Jisu Khrista chingcha makhange tix khosün ang koppu.”

WANGSHEMBU MWOT 4:12

Khosün a chix lan makhange tix ataküi; chemthüikoxle chix mün makhange kem khosün angkya hexo le zangfang ma Zange chatle owa münchu koxle thomkya müntüi.”

WANGSHEMBU MWOT 16:32

Ifüima hokhie chix tamchu hwom homkha pangnu hama Jowanpa kax apua.

JUHAN 6:47

Otsingtsingma kue thüipu, mongongkya khünak ang oshuk chitüikya tsün khüzün tüile.

JUHAN 6:40

Chemthüikoxle Hopa mongtex a ija changle: Opange Hosa ngünpuix tamchu chix to ongpuix, hwom ma oshuk chitüikya khüzün tüiüi; Ilaxle oshuk nyix kue hwom ozün ma ngo ang tomüi.”

JEREMIA 32:39

Kue hwom ang tsün ma mwotli tuita wüi koxüi: ija a, hwom tamchu hwom su-sa hwom fünmüi angkya hanpakma, hwome othuithuima ku chathua zale ngo angkya.

GALATIA 3:14

Chasa mongong makhange keme Zang kaxtsao pongle kop angkya hanpakma, Zange Abraham ang tsaodaokya mohiman chix makhangetix mixnokbu ang kox angkya bama Khrista Jisu-e Wanlom thuakzom chak tokya kem khosün.

WANGSHEMBU MWOT 16:15

She füi tomle hwom homkha pangwüi bapti. Ifüima she-e kwom selaxle thüi: “Kuchu Jowanpa to ongkya mixcha tuita changpu le hünzome janglax thüiba, oman, nguilaxle ku hom ma ngolax.” Ilaxle she-e tütakoxlechu kwom ngui angkya wüi changpu le kwom se.

JUHAN 20:31

Ikoxchu Jisu a Khrista, Zang Hosa changpu le hünzome ong angkya hanpakma, tamchu ong laxle chix mün ma hünzome tsün khüzün atak angkya kuxma, ija kax zapu.

HABAKUK 2:4

Ilaxle kaxho a ija changle: ‘Opang ochax changlaxpuix ozün ma münngoüi, ikoxlechu opang otsao changlaxpuix hwom ngoüi büthüikoxle hwome Zang to hwom mongong thom.’”

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

ROM NOK HATO ZAKYA POL LAIZA 11:16

Owang ma wanshikle Zang ang fakya jangtüi dao thüikoxle, tsap ma shemle thomkya saxchu komle chix kux changüi; ilaxle pün otsing Zang ang uale jangkoxdao thüiba, okangsabuchu wüi chix kux ang changüi.

WANGSHEMBU MWOT 8:36

Ile hokhi lomjang fole ahamle hüi pongma jongta kha ti tüikya nui to ngui, ilaxle ija alixachonge thüi: “Ikhama ti hidaole atungle tüingünlaxle! Chemtan-chemnye ngoüi, athax wüi baptiüi jangwüia?”