WANGSHEMBU MWOT 16:26 - OTSAO BAIBEL (BSI)

²⁶ Allele bütix tixnu sile kun homting chifün tokhange sile alox. Allele kahakbu dap, kople thomkya khünakbu chak angkya janbüibu düt.

WANGSHEMBU MWOT 16:26 ပူးပေါင်းရင်းမြစ်များ

WANGSHEMBU MWOT 4:31

Otue hwome zangjop ashukpuix, hwom asoxle ngokya kha sile alox. Hwom pangnu wüi Otsao Chasae awang ilaxle zazyenkya chemchu chitüi le Zang kaxho apuk ang süt.

WANGSHEMBU MWOT 5:19

Ikoxle ija ja Jowanpa kaxtaimixe kun ka daple kox üntoxle wangshem nyi alai laxle hokhi ang thüi:

WANGSHEMBU MWOT 12:10

Okhie owang angkya nyetmix kaile le, anaolechu ifüi angkya othom kaile le ilaxle oshuk ma tingnu chitole angkya jan kafülom hato hüi. Ija fülomchu wüi hokhi le ang chix lualua to daple hüi ilaxle hokhi laile pao. Okhi lomfo le ahamle ju, iponge allele kaxtaimixe Pitar danle tox.

WANGSHEMBU MWOT 12:7

Allele ikhama Jowanpa kaxtaimix tuita laile ajong, üntoxle kun khato nyan. Kaxtaimixe suakto ma sile Pitar azwot le chix füi akax: “Momlax! Ajonglax!” Ifüima Pitar chak angkya janbüibu dütle hüi.

MÜNCHUAK-TSAI 146:7

chixe afangle tüikyabu chima sele kaxfün fale ilaxle woknuak mixbu ang süt koxle. Jowanpae kople thomkyabu danle

MATHI 28:2

Allele bütix si. Zangkangting tokya kaxtaimix ju, ilaxle ija long atuile awütlaxle ija dingma thung.

ISAIA 42:7

Nange mike chingünkyabu ang mik daple kox angkya changpu ilaxle zangnak fangto kun khato ngokyabu alai angkya changpu.

MÜNCHUAK-TSAI 102:20

Kun ma thomkyabu wotkya zing chixe atatle ilaxle ozik-omüt hanpak tsaitsuak-kaxtsuakle changdaokyabu chixe danle apao.

MIKNGÜN-OHÜN 11:13

Ipongkhae tüle bütix si; tingnu othom bün angkya thom tuita amüt, ilaxle hajat anüt khünak lang. Iboma atale tüikya khünak noknusae wüi zangkangting tokya Zang chongkya bama achuak achen.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

MÜNCHUAK-TSAI 79:11

Kople kun to thomkyabue wotkya zing atatlax, mik-amüt angkya kaxfün tsuakdaokyabu ibu chongkya nangtsak-nangzong makhange danhüi.

MIKNGÜN-OHÜN 6:12

Ifüima Chun Hosae azok lükya shintop dapkya kue ngün. Tüle tüle zongle bütix si, nakkya müimun nyi ningle zanghan nakle pao, lyetnu komkaile aji ningle achang

MÜNCHUAK-TSAI 68:6

Ma tata ngokyabu chang chix ngwotnui koxle ilaxle kople thomkyabu danle khangkho angaile, ikoxlechu chix zongto apüile tüikyabu a khünak chingokya haxtok to ngo angkya laiüi.

1 WANGHOMBU 13:28

chix a ija ma ngalaxle kakya thoma man a hozui ma mailang hia mantsak hwom ajongle bang. Mailang-e mang chisax chichangba mantsak tochu chishing.