WANGSHEMBU MWOT 16:25 - OTSAO BAIBEL (BSI)

²⁵ Awünningle tsüdangkhae Pol hia Sila nyie Zang achuakle zangjop ilaxle tsaingao le ngokya, ikoxle kople thomkya mamabue hokhi zing apale ngo.

WANGSHEMBU MWOT 16:25 ပူးပေါင်းရင်းမြစ်များ

JAKOP 1:2

Kutüi kunaohom, otue hünzom lomtang ma thwontsing pangnu oli apongüihex, izuma hünzom shomüi mixbu changpu le texlax,

MÜNCHUAK-TSAI 119:62

Nang otsao kaxfünbu achuak ang ku zangnak twomtingle ngaxchu mik azangle zopu.

ROM NOK HATO ZAKYA POL LAIZA 5:3

Ilaxle sikngün pongmachu kwom mongmüipu, chemthüikoxle sikngünkyae adu angkya olom sümüile awan ang tsuakpu;

MÜNCHUAK-TSAI 77:6

Zudakle ajangkya bama kue zangnaknu akai; kue lomle ano, ilaxle ija a kue kuma alüile atüikya:

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

EFISIA 5:19

Tata füi münchuak tsai, zangshwom tsai ilaxle otsao tsai makhange zangwünkox; Jowanpa ang hünzom mong ma achuakkya füi zangshwom tsai hia münchuak tsai ngaokox.

KOLOSI 1:24

Ilaxle hünzom hanpakma kue sikngün apongkya bama ku a mongmüipu, chemthüikoxle ku tsangtsa ma sikngün apongkya tokhange, chix tsangtsa thüikoxle müimüithom bama Khrista sikngün okho angui ang atale tüikya ashuk aza angkya to fongle hüile.

ROM NOK HATO ZAKYA POL LAIZA 12:12

Hünzome monghom le texkyae hünzom mong amüi thomkox, hünzom sikngün tuke adule thuakjokkya tüikox ilaxle othuithuima zangjopkox.

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

JOB LAIPEX 35:10

Ikoxle hwom a zingpupa Zang hato mong münchat; zangnaknu fangto ngopongma hwom ang monghom fakya a chix changkya.

ISAIA 30:29

Ikoxlechu hünzom, Zang khünaknu a mongmüiüi ilaxle otsao pangpwon ja ngaokya ningle hünzome tsai ngaoüi. Israel nok ziakople thomkya Jowanpa Zangshwom-Hom to paopongma thuaput-waxmai hato hüi ang mongmüi atungkya ningle hünzom a mongmüi atungle changüi.

MÜNCHUAK-TSAI 71:7

Ku tsün a khünaknu hanpakma tuita apyen angkya tsün changpu, chemthüikoxle nang a tsak-zong füikya ku ziakopmix changpu.

MÜNCHUAK-TSAI 34:1

Kue othuithuima Jowanpa ang münchong faüi; kue chix achuakkya tam-münzaküi.

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.

FILIPI 2:17

Ku khüzün aji a kue Zang ang tö koxle ngokya hünzom mongong to li angchu laxtüilax. Ile namchang thünchu ku zongma mongmüimüi wüi changpu ilaxle hünzom pangnusa füi ku mongmüi atom-ahanüi.

2 KORIN 6:10

Küntsik mongma, ikoxlechu kwom othuithuima mongmüi le ngo; kwom a chitüi chinangkya mix ningle, ikoxlechu kwome khünak ahak alua ang tom; kwom a chemchu chitüikya ningle, ikoxlechu kwom a pangwüi koplaxle ngo.

WANGSHEMBU MWOT 5:41

Wangshembue nguawangbu tusox danle tox üntoxle Jisu hanpak ang hwomchu mixchak kople sikngün angkya asukya ang e-ma laxkoxle hwom ang tüle mongmüi.

ZEKARIA 3:8

Ikhoma Nguakho ang ngokya Jihusua, nange apakoplax; üntoxle chix füikya zompu-zangpabu hünzomechu apakoplax, hünzom a füichi shomüi hanpak münwan changle: Kue Pünkang le nyakkya ku da, kue ngaile ahofaüi!

MÜNCHUAK-TSAI 119:55

Zangnak ma kue nang texle atakpu, Jowanpa, ilaxle kue nang wanlom bama ajangpu.

MÜNCHUAK-TSAI 42:8

Ku khüzün Zang ang zangjople ngaokya Ku ma zangnake tsaizu tuita naxtüi ang chizakkya chix mongkün Jowanpae anyixningle naxaho.

KAXHO MÜIKYA LUK 22:44

üntoxle chix zangmuk ti aji ningle jenle hax to düt.

MÜNCHUAK-TSAI 91:15

Chemtue hwome ku nyaküihex, kue hwom to lanüi; chemtue hwom thangnak ma asuüihex, ku a hwom füi tüiüi. Kue hwom azünüi ilaxle hwom achuak-achenüi.

MÜNCHUAK-TSAI 77:2

Tingtui dongpongma kue Jowanpa to zangjop; zang angaile zangjople kue ku chak nwon, ikoxlechu kue mongsom chikop tho.

JAKOP 5:13

Hünzom khama owawae sikngün apong ngopia? Chixe zangjopkox. Hünzom khama owawa mongmüi ngopia? Chixe achuakle tsai ngaokox.

MÜNCHUAK-TSAI 22:2

Anyixningkya zangngai ma kue nang nyakpu, nang ku Zang, ikoxlechu nange tamchilanpu; kue zangnak ma nyakpu, ikoxlechu nazak chiatakpu.

WANGSHEMBU MWOT 15:22

Ifüima wangshembu hia tüichong mixmüibue ilaxlechu müimüithom noknu motom laxle, hwomkha angkya khünak zün üntoxle Pol hia Barnaba füi tomle Antiok to akat angkya zangwün tsuak. Hwome Barnaba le nyakkya Judas hia Sila, hwom tüinaobu khama lomzunpa nyi zün.

WANGSHEMBU MWOT 16:19

Ija shekosae hwom ang ngun achakle alap koxngokya owüi ashukpu le awankya zuma she hopupa hwome Pol hia Sila nyi koplaxle pünpa-chongwangbu hato noknue ngünle linle apüi.

WANGSHEMBU MWOT 16:33

Ija ja ipongponge wüi hokhi chixe pao, ilaxle makbu sole kox, ilaxle hwom homkha pangwüi bapti.