WANGSHEMBU MWOT 16:23 - OTSAO BAIBEL (BSI)

²³ Nammüi le müikya füima hokhi a kun to sho. Okhi to shingmongle khakthom angkya nyetmixbu ang kaxkox.

WANGSHEMBU MWOT 16:23 ပူးပေါင်းရင်းမြစ်များ

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

2 TIMOTHI 2:9

Kaxho Müikya apukkya khoma, kue sikngün apong ilaxle mütkop daokya mix tukuxle ku khale thom. Ikoxchu Zang kax a kople chithom,

FILEMON 1:9

ikoxlechu nang tokya ku mongkün khoma, kue nang ma tsaiju kaxjupu. Ku, Pol tuita Khrista Jisu ma Zang da tuita tamchu chix mün khoma kun ma ngokya mix changkoxlechu,

EFISIA 4:1

Jowanpa mwot mok angkya khoma tuita kople thomkya mix, kue hünzom ang thüipu: Chixe hünzom nyak pongma tyale thoptox daokya chifün füi asule hünzom ahamkox.

EFISIA 3:1

Ija khoma mixnokbu kuxmale kople thomkya Pol, kue Zang to joppu.

WANGSHEMBU MWOT 16:36

Ilaxle nyetmixe Pol ang thüi: “Apün-adakyabu ku hato Sila hünkhi dan angkya kax koxle. Athaxpi hünkhi a lai üntoxle ajingle paolax.”

WANGSHEMBU MWOT 16:27

Nyetmix zo, ilaxle kahakbu pangwüi daple ngünkya zuma kople thomkya khünakbu pangwüi paole azangüna le chixe thüt; ikhoma alüile zi ang azong.

WANGSHEMBU MWOT 12:18

Ngainop ningle zangngai mik ma, Pitar oma ünpuix le tata hama atüile nyetmixbu pangwüi huanuma khosamle abüt-aban.

WANGSHEMBU MWOT 12:4

Koplaxle Pitar a kun ma sho; othom to süpahi mixsün ali pong süilaxle othom alie ikhato chix nye ang tom. Akaile lekya pangpua füi nyix noknu thüntho ma chix ang zak-akopse le tamchu langkox wüi müiüile noknue chix naxahai le Herod-e ija sua.

WANGSHEMBU MWOT 9:2

üntoxle Jowanpa-e ahokya lom tokyabu owawa jangbang thüiba, chixe hwom sheko lüka pangnu kop ilaxle Jerusalem to laxlaxle chat ang tsuak angkya bama, Damaska tokya Jehudi nok sinagokbu ma akhokyabu hato, chix owa hex tamchu chixe chem mok angkya zong koplaxle nguipuix, ibu apuale süntsing münwan fakya laiza jule kop.

WANGSHEMBU MWOT 8:3

Ikoxlechu Sol-e müimüithom pün ang azong. Chix hom-hom to ngui ilaxle mongong mixbu sheko lüka pangwüi linle alai ilaxle hwom pangnusa wüi kun ma sho.

WANGSHEMBU MWOT 5:23

Hwome thüi: “Kwom thoma kun ka mongle wüi hakle bangpu, ilaxle nyetmixbuechu fülom ma tyale wüi nyele nuipu; ikoxle ka daplaxle hwom dongkya thoma wangshem nyi opupuchu münbang!”

WANGSHEMBU MWOT 5:18

Hwome wangshem nyi koplaxle noknga kun ma khale thom.

KAXHO MÜIKYA LUK 21:12

Ikoxlechu ibu chemchu machangba, ku mün khoma hexle, hwome kop laxle hünzom to chakmok janlangüi, üntoxle wanghombu hia gowarnorbu hato hünzom kaxfün ang Sinagok to paolaxle kun ma shole thom ang owüiole koxle zothupüi.

MATHI 26:48

Khohang angkya mixe othom ang münwan ile koxle thom: “Kue owa füi tun apongüi hex, chix a hünzome lomkya mix changüi. Chix koplax!”

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

2 KORIN 6:5

Kwom to chak mokpu, kun to shopu, ilaxle tuwuk adünpu; kwome mwotnüi mokpu ilaxle chijip chipom homle chichangba chisax chiling homle akaipu.

2 KORIN 11:23

Hwom Khrista dabu changpuix nyi? Kue ongat ningle akaxpu: ikoxle ku wüi hwom füi sümüikya da tuita changpu! Hwom füi süchongle kue wüi mokdaoa, ku kun to obi thomthom ma hexle ngodaoa, zu füi ku towüi süchongle fitdaoa ilaxle obi thomthom ma hexle bazizio le azangkya changpu.

JIHUSUA 4:17

Jihusua-e ile mok,