WANGSHEMBU MWOT 16:15 - OTSAO BAIBEL (BSI)

¹⁵ She füi tomle hwom homkha pangwüi bapti. Ifüima she-e kwom selaxle thüi: “Kuchu Jowanpa to ongkya mixcha tuita changpu le hünzome janglax thüiba, oman, nguilaxle ku hom ma ngolax.” Ilaxle she-e tütakoxlechu kwom ngui angkya wüi changpu le kwom se.

WANGSHEMBU MWOT 16:15 ပူးပေါင်းရင်းမြစ်များ

WANGSHEMBU MWOT 11:14

Chixe kwom hama chix hom ma kaxtaimix ajongle ngünkya wün, owae chix ang thüi: ‘Simon Pitar le amünkya mixsün se ang Chopa to owawa tsanle akatlax.’

IBRI 13:2

Ma hom to nguikya mixwünbu wünpwon angkya taxalak. Ile mokkya tokhange chitsing homtoxle kaxtaimix wünpwon le pong kopkya khünak züizüi tüikya.

WANGSHEMBU MWOT 16:33

Ija ja ipongponge wüi hokhi chixe pao, ilaxle makbu sole kox, ilaxle hwom homkha pangwüi bapti.

KAXHO MÜIKYA LUK 24:29

Ikoxle hokhie chix ang thüi: “Kukhi füito zak-hax; chemthüikoxle zanghan namleüna, athax a zangnakpu.” Ikoxle chix hokhi füito zak ang dong.

PONGWANG LAIPEX 19:3

Chixe atsangle ngokya oshukma hokhi chix hom to wünpom ang ngui. Wünpa nyi hanpakma müile fongmok-tiktale chang angkya Lot-e chix dabu füi akax. Amyet-akhomle changkya zuma hwome ija sax-lingle chang.

3 JUHAN 1:8

Ikoxle kem khristanbue ibu to fongtsox angkya changle, ikoxletix kemchu hwome mokkya otsingtsing mwot süntom ma wom angkya changüi.

3 JUHAN 1:5

Ku mongkün tüinao, hwom mixwünbu changkoxle ngaxchu nange ma füikya khristan üithobu to chempang le hume puix, ibu mwot to nang shingmongkya mix changle.

1 PITAR 5:12

Mongong tüikya khristan tüinao tuita le kue esele tüikya Sila-e fongle, moxmoxsüle ija laiza kue hünzom hato zapu. Kue hünzom ang zong adünse tsupu üntoxle ija a Zang chingcha changtomtale le kue khüzün kaxkhi fase texpu. Ija ma shingmongle ajonglax.

FILEMON 1:17

Idaile nange ku nang üitho changpu le jangtex, nange ku chemle pongle kopse hex, ilailaile chix pongle kop-hüi.

FILIPI 1:7

Hünzom a othuithuima ku mongtsang ma tüile! Idaile kue hünzom hanpakma mok pongma, hünzom bama ku mongto ile ajang angkya a olom jao changle; chemthüikoxle, athax ku ile kun ma ngopong machu. Üntoxle Kaxho Müikya khose ang danle tüipongmachu, ilaxle ija oshing mongle zingpong machu wüi hünzom pangnu Zange ku ang fale thomkya ija shomüi atom-ahanle lax.

EFISIA 1:1

Zang küntsu monglua tokhange Khrista wangshem ang achangkya Pol tokhange: Khrista füikya notom ma mongong ma chiale le ngokyabu, Efisia ma tüikya otsao khünakbu hato:

GALATIA 6:10

Idaile kem ang otukux oshua tüipuix itukux keme noknusa towüi müikya mwot mok angkya oli changle, tamnüilechu mongong ma kem füi homkha tuita ang ngokyabu ang mok kox angkya oli changle.

2 KORIN 12:11

Kue ongat ningle mok ngopu, ikoxle hünzom tokhange kue ile mokpu. Ku bama achuak achenle wün angkya a hünzom changse. Chemthüikoxle ku chemangchu chichangle tüikoxlechu, hünzome “ataxkya wangshembu”, le ekyabu füi ku tütali lom machu ahixkya münchang.

2 KORIN 5:14

Kwom a Khrista mongküne apün-awang laxle tüile, chemthüikoxle pangnu hanpak ang khünak tuita zidaoa, ikhoma pangnu wüi ija zik ma womüna le kwome laxle.

ROM NOK HATO ZAKYA POL LAIZA 16:23

Ku wünthong Gaia, owa hom ma müimüithom asoxpuix, chixechu hünzom hato salam fale; Erata, tingnu ma ngun twonpa, ilaxle kem tüinao Guata hwomechu hünzom ang hwom salam fale.

2 JUHAN 1:10

Idaile, ija hwon-nwot chilax homtoxle nang hato owawa nguile jangchang, chix a nang hom ma pongle taxkop; “Nang füi mongsom naxtüi”, le ngaxchu taxthüi.

WANGSHEMBU MWOT 18:8

Sinagok ma alixachong sün Krispa üntoxle hwom homkha pangnue wüi Jowanpa to ong; ilaxle Korin angkya khünaknue Pol kaxho apa, ija to mongong ilaxle hwom bapti.

WANGSHEMBU MWOT 8:38

Ija alixachonge kanlin azak, ilaxle hokhi pangnyi wüi, Filip hia ija alixachong nyi tikha to ju, üntoxle Filip-e tima chix bapti le kox.

WANGSHEMBU MWOT 8:12

Ikoxle otue hwome Zang Wangting hia Jisu Khrista mün bama Kaxho Müikya Filip makhange atatle laxpuix, hwom sheko lüka pangwüi tima bapti.

KAXHO MÜIKYA LUK 14:23

Chatlechu hopupae da ang thüi: ‘Ja-lyet lomnu hia faokat-suiwün lom to paokox, ilaxle ku hom nax awang ang, tütale wüi changlax hwom sele apüikox.

MATHI 10:41

Owae Zang kaxho mix Zang kaxho mix ningle pongle koppuix, hwom ang Zang kaxho mixe kopkya hingho ma süntom tüiüi. Tamchu otsao khünak tuita owae otsao khünak ningle pongle koppuix, chix angchu ija otsao khünak hingho ma süntom tüiüi.

2 WANGHOMBU 4:8

Nyixta Elisha a luacha tuita ngole tüikya Shunem to ngui. She-e chix a fongsax ang se; ija nyix makhange chix Shunem to lefofo ija mixchanu hom ma fongsaxle tox.

1 SAMUEL 28:23

Sol-e thüi: “Kue chemchu münsax münling, idaile sütling to taxhu-taxme ngo.” Ikoxle chix nguakax-wangkhobue chix ang saxkox wüi müi angkya le atsang. Oshukma chixe hwom kax ma lax ilaxle haxkha angkya ajongle lyading to dongle thung.

PONGWANG LAIPEX 33:11

Kue nang hato apüikya hingho pongle kop angkya wüi changpu, chemthüikoxle ku to Jowanpae ching-chahudaoa, ile kue alomlom pangwüi kue koptsuakdaoa.” Ile Jakop-e atsangkya khoma Esau-e ibu hingho pongle kop.

MATHI 3:6

Hwome ma ochax ngai ilaxle chix chak makhange Jordan shuanu ma baptilax.

WANGSHEMBU MWOT 16:31

Okhie lan: “Jowanpa Jisu to onglax, jangthüiba nang ilaxle nang homkha pangwüi azangüi.”

WANGSHEMBU MWOT 16:34

Chixe Pol hia Sila nyi chix hom kople apüi ilaxle hokhi ang sütling kox. Athax a chixe Zang to onglaxle, chix tamchu hwom homkha pangwüi mongmüi atungle ngo.