WANGSHEMBU MWOT 16:14 - OTSAO BAIBEL (BSI)

¹⁴ Kwom kax apakyabu khama Lidia, Thaitira tokya, baxnat nyinu thalexkya mixcha tuita tüikya. Pol zangwün to mongkoxle apa angkya she ang Jowanpa-e mongka daple kox.

WANGSHEMBU MWOT 16:14 ပူးပေါင်းရင်းမြစ်များ

KAXHO MÜIKYA LUK 24:45

Iponge hwome Otsao Lai awan angkya hwom mongka daple kox,

ISAIA 50:5

Jowanpae ku ang tsing-wankya koxdaoa, ilaxle kue alün-aloxle chichang chichangba chix hato tok ahole chichang.

MIKNGÜN-OHÜN 3:20

Apalax! Kue fülom ma ajong laxle kahak to hongpu; owawae ku kaxzing atatlaxle ka daple jangfa thüiba, ku chix hom to noplaxle chix füi tomle fongsaxüi, üntoxle chixe ku füi tomle fong saxüi.

ROM NOK HATO ZAKYA POL LAIZA 9:16

Ikhoma khünak mongtex hia mokkya mwot füifüile münchang ikoxle Zang chingcha füifüile changüi.

FILIPI 2:13

chemthüikoxle chix kax ma lax angkya ilaxle mongtsule tüi angkya hanpakma Zange hünzom ma mwot mokle tüile.

WANGSHEMBU MWOT 11:21

Jowanpa tsakzong hwom füi tüikya, ilaxle khünakbue mongong laxle Jowanpa füito azui.

MIKNGÜN-OHÜN 3:7

“Filadelfia ma tüikya müimüithom ma kaxtaimix hato zalax: “Ija kaxho a tuita otsao, tamchu otsingtsing owa hex, chix tokhange hüikya changle. Dawid kux kapatja chix ma tüile; otue chixe ka dapüihex, owaechu ija hak ang müntho, ilaxle otue chixe haküihex ija owaechu dap ang müntho.

WANGSHEMBU MWOT 18:7

Idaile chixe hwom danle toxlaxle Zang to shwomkya mixnok sün Taitia Jastas le amünkya hom to ngo ang pao; chix hom a sinagok zuima tüikya.

MIKNGÜN-OHÜN 1:11

Ijae akax: “Nange chem ngünpuix, ija zalax, ilaxle ija laipex tingsho anüt angkya müimüithombu hato apaokox, ibua: Efisia, Smarna, Pargama, Thaitira, Sardia, Filadelfia, üntoxle Laodekia ibibi.”

WANGSHEMBU MWOT 10:2

Chix a zanglom tokya mixnok sün tuita changkya. Chix üntoxle chix homkha pangnue Zang shwom. Chixe Jehudi nok chitüi chinangkyabu to huanuma fong ilaxle tuthütthüt ma zangjople nui.

WANGSHEMBU MWOT 8:27

Filip achwon ilaxle pao. Iponge Etheopia nok mixsün tuita eunak (zwom züidaokya mix) apong. Chix a Etheopia wangcha Kanda khwa ma, she tuina to hume angkya mix alixachong tuita changkya,

JUHAN 12:20

Pangpwon tukma Zangshwom angkya hanpakma Jerusalem to dongkya khama züizüi Grik nokchu wüi tüikya;

TSAITAX-NGAONÜI 5:4

Ku mongküne kahak to chix chak füi twon, ilaxle chix owüiole soxünpia le ku mong anyemle tox.

MÜNCHUAK-TSAI 110:3

Nange nang zanpabu füi azankya nyix, nang khünakbu a ma mongtsu to laiüi. Anopningkya nyenti ningle nang naosünbu nang hato otsao haxnukho to nguiüi.

WANGSHEMBU MWOT 13:43

Ile sinagok ma asoxkya khünaknu fan füima, Jehudi khünakbu hia Jehudi nok ang achangkya mixnokbu züizüi Pol hia Barnaba nyi füito hüi. Okhie hwom füi akax üntoxle Zang chingcha ma otya ma ngo angkya hwom ang zong adün.

WANGSHEMBU MWOT 13:50

Ikoxlechu Jehudi khünakbue tingnu ma achong abongbu ilaxle mixnok cha saxpu luawangbu kako tokya opange Zang to shwompuix, ibu to chüile ama. Hwome Pol hia Barnaba nyi to zothup ang süt, ilaxle hwom wankam angkya zuale apao.

WANGSHEMBU MWOT 16:40

Pol hia Sila nyi kun angkya lailaxle Lidia hom to ngui. Ikhama hokhie tüinaobu apong, hwom füi zong adün le akax ngolaxle hokhi achex.