WANGSHEMBU MWOT 16:1 - OTSAO BAIBEL (BSI)

¹ Ilaxle Pol Darbe hia Lastra to aham. Ikhato Timothi le amünkya Jisu Khrista to mongongkya naosün tuita tüikya; chix honuchu wüi Jehudi cha mongongkya khünak tuita changkya, ikoxle hopa a Grik sün changkya.

WANGSHEMBU MWOT 16:1 ပူးပေါင်းရင်းမြစ်များ

2 TIMOTHI 1:5

Hünpi Luis hia hünnu Eunis hwom ma tüikya ningle khünkhikhikya nang mong kue texle atakle. Ija lailaile nang machu tüile le kue ongle.

2 TIMOTHI 1:2

Mongkün kusa Timothi hato: Hopa Zang üntoxle kem Jowanpa Jisu Khrista-e nang ang, chingchajaja ilaxle mongsom naxfa.

1 TIMOTHI 1:2

Mongong ma kusa tomtata, Timothi hato: Hopa Zang ilaxle kem Jowanpa Jisu Khrista-e nang ang chingchajaja üntoxle mongsom naxfa hüi.

1 THESALONIKA 3:2

Ibama kwome Timothi, kwom tüinao owae kwom füi tomle Zang hanpakma mwot mokpuix, chix a Khrista bama Kaxho Müikya apuk ang tsanle apaoüi. Kwome chix hünzom zong adün ang tamchu hünzom mongong to fong ang tsanle apaopu,

1 KORIN 4:17

Ikhoma, kue pangkha towüi, pangnu müimüithom to anwot-anokya ningle, Khrista ma ku tsün khüzün ngole hüikya olombu hünzome mongto texle atakle lax ang kox angkya bama, Jowanpa ma kue mongkünkya hia mongongkya kusa Timothi kue hünzom hato tomle akatpu.

WANGSHEMBU MWOT 18:5

Sila hia Timothi nyi Mesidonia tokya ngui füima, Pol-e Jehudi khünakbu hato Jisu a Messaiah changpu le ahole Kaxho Müikya apuk angkya ma chix hanpak ahom.

WANGSHEMBU MWOT 17:14

Jan füima tüinaobue Pol tinu kax to apao; ikoxle Timothi hia Sila nyi Beria ma nui.

2 THESALONIKA 1:1

Pol, Sila hia Timothi hwom tokhange: Thesalonika müimüithom angkya khünaknu, opang Hopa Zang tamchu Jowanpa Jisu Khrista kux hex, hwom hato:

KOLOSI 1:1

Zang mongtex makhange wangshem tuita ang achangkya Pol hia Timothi nyi tokhange:

FILIPI 2:19

Jowanpa mongtex jangchang thüikoxle, kue chwonle wüi hünzom hato Timothi akat ang thoüile monghompu; ikoxletix hünzom bama kaxho atatkya tokhange ku ang mongchyen tüiüi.

ROM NOK HATO ZAKYA POL LAIZA 16:21

Timothi, ku füi tomle thothapa; ilaxle ija ningle Jehudi khünak tomtom Lukia, Jason üntoxle Sosipata, hwomechu salam fale.

WANGSHEMBU MWOT 14:6

Otue hokhie ija awanle lax, Laikonia, Lastra hia Darbe tingnubu to üntoxlechu ozui akhople tüikya chaxwan to hokhi khang khom ang pao.

IBRI 13:23

Kem tüinao Timothi kun tokya dandaokya bama hünzomechu naxtsing laxle texpu. Chix chwonle janghüi thüiningle ku hünzom hato nguikya zuma chixchu wüi laxlax toxüi.

1 TIMOTHI 1:18

Kusa Timothi, ija kaxtom kue nang ang fapu: Nang ile chang angkya hexo le Jowanpa-e kem füi chix ajebu makhange akaxle thom daokya lailaile, Jowanpa zanhok ma nang amüile azankox.

1 THESALONIKA 1:1

Pol, Sila hia Timothi hwom tokhange: Thesalonika angkya müimüithom, opang Hopa Zang tamchu Jowanpa Jisu Khrista kux hex, hwom hato: Chingcha hia mongkün hünzom tsyen ang naxchang.

FILIPI 1:1

Khrista dabu, Pol hia Timothi nyi tokhange: Khrista Jisu füikya notom ma Filipi angkya Zang khünaknu, tamchu müimüithom lomzun mixbu hia fongmixbuchu womle; hwom hato:

WANGSHEMBU MWOT 19:22

Idaile chix Asia haxtok ma süngokya bama chixe Timothi hia Erata, chix chakta nyi, Mesidonia to kat.

2 TIMOTHI 3:11

Ku zothupkya ilaxle ku sikngünkyabu ngünle laxdaoa. Antiok, Ikoniam hia Lastrabu to kue adule hüikya zothup pangwüi nange awanpu! Ikoxlechu ibu chak tokya Jowanpa-e ku khosünle koppu.

1 THESALONIKA 3:6

Athax a Timothi chatüna, ilaxle hünzom mongong hia mongkün bama müikya kaxho chixe kwom hato apüile. Kwom hanpakma hünzom tutex omüi tamchu kwome hünzom ngünse le sungkya kax chixe kwom hama wünle.

2 KORIN 1:19

Chemthüikoxle Jisu Khrista Zang Hosa, owa bama Sila hia Timothi kwome hünzom hato apuk-apua puix, chix a tuita “Jo, jo” ofüima “Müno” chichang. Itülüi chix a “jo, jo” Zang changpu;

2 KORIN 1:1

Zang mongtex makhange Khrista wangshem ang achangkya Pol hia kem tüinao Timothi nyi tokhange: Korin angkya Zang müimüithom, tamchu Akaia angkya Zang khünaknu nok hato:

1 KORIN 7:14

Chemthüikoxle mongong chitüikya kakopa a khristan kakonu tuita füi notomkya tokhange tsaokya ang achangle, ilaxle chiongkya kakonu a khristan kakopa tuita füi notomkya tokhange Zang pomtho ma sukya ang achangle. Ile chichang thüikoxle hwom naosombu songsari naosombu ningle tüise; ikoxle hwom ile chichang, hwom a Zang pomtho ma pongle kop ang tsuak le tüi.

WANGSHEMBU MWOT 14:21

Pol hia Barnaba nyie Darbe ma Kaxho Müikya apuk, üntoxle khünakbu Jisu wangshembu ang huanuma achang. Ifüima hokhi Lastra to pao, ifüima Ikoniam to aham ilaxle oshukma Pisidia angkya Antiok to chat.

WANGSHEMBU MWOT 14:1

Ikoniam machu ile wüi chang. Pol hia Barnaba nyi Jehudi nok sinagok to ngui ilaxle akax ikoxle Jehudi nok hia Grik khünakbu huanuma, chix to ongkyabu ang achangle Jisu hato hüi.

IZRA 9:2

Jehudi lükabue mixnokchabu kako ang laxle apüi, ikhoma Zang otsao khünakbu chitsaokya ang achang. Ija ma akhole thaikyabu a lompabu tamchu nguakax-wangkhobu changkya.

1 KORIN 16:10

Hünzom hato Timothi jangngui thüiningle, chix wünpwonle pongkopkya chitüi laxma, chemthüikoxle chixchu wüi ku ningle Jowanpa mwot mokle ngokya mix tuita changle.

FILEMON 1:1

Khrista hanpakma kun ma tüikya Pol hia kwom tüinao Timothi nyi tokhange: Jowanpa mwottho ma üitho tamchu zuikhui Filemon,