WANGSHEMBU MWOT 15:9 - OTSAO BAIBEL (BSI)

⁹ Chixe kem hia hwom ba süile münthom; hwome ongkya khoma chixe hwom mong atsaole koxle.

WANGSHEMBU MWOT 15:9 ပူးပေါင်းရင်းမြစ်များ

EFISIA 3:6

Huxsa zangwün a ija changle: Kaxho Müikya makhange mixnokbuechu Jehudi nok füi Zang mohiman mantswon ma tuita; tuita tompo ma wom ilaxle Khrista ma Zang kaxtsaobu tomwüi tom-hanüi.

WANGSHEMBU MWOT 10:28

Chixe hwom ang thüi: “Jehudi khünak tuita a mixnok hom to nop-le angkya hia saxmok angkya wanlom ma müntüile hünzome mamüile tsingle ngopu. Ikoxlechu Zange ku hama khünak opupuchu chitsaokya chichangba oma ang taxlax le ahodaoa.

KOLOSI 3:11

Ikhoma mixnok hia Jehudi nok, khwonzüt zom twonkya hia chitwonkya, chemchu chitsuak chimankya nok, dinghüt khosom ngokya nok, dabu tamchu dan-pan thomkyabu le süipaikya chemchu müntüi, ikoxle Khrista pangnu, pangnu ma Khrista.

GALATIA 5:6

Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

GALATIA 3:28

Idaile Jehudi hia mixnokbu bama da hia panle thomkyabu bama, lüka hia sheko bama le süichapkya chemchu müntüi, Khrista füikya notom ma hünzom pangnu tuita.

1 KORIN 1:2

Korin ma tüikya Zang müimüithom, opang Zang otsao khünak ang achang ang nyakle koplaxpuix ibu pangnu, Khrista Jisu ma notom tokhange opang chix kux changpuix, Jisu Khrista owa kem Jowanpa chuwüi changpuix, chix shwomkyabu pangnu hato:

ROM NOK HATO ZAKYA POL LAIZA 3:22

Hwome Jisu Khrista to mongongkya tokhange Zange khünak chix füi mua amüi ang koxle. Zange ija Khrista to ongkya pangnusa hanpakma mokle, chemthüikoxle ikhama malili le chemchu müntüi!

WANGSHEMBU MWOT 11:12

Otsao Chasae ku ang hwom füi tomle chem mongao chitüi le pao angkya akax.

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

WANGSHEMBU MWOT 10:34

Pitar akax ang süt: “Zange khünak nok to chipai chizün le tomwüi hule le athax kue awan ang kopdaoa.

1 KORIN 7:18

Khwonzüt-Zom zingdaokya khünak tuitae Zange nyakkya pongle jangkopdao thüiba, chixe ija khwonzüt daokya janman amüt ang taxazong ngo; khwonzüt zom mazingkya khünake Zange chix nyakkya pongle jangkopdao thüiba, chixe khwonzüt zom zing angkya olom taxlom ngozi.

ROM NOK HATO ZAKYA POL LAIZA 9:24

Chemthüikoxle Jehudi khünakbu kha angkya tata chichangle mixnokbu kha angkyachu wüi chixe nyakle kopkya kem changle.

ROM NOK HATO ZAKYA POL LAIZA 3:9

Jangchang thüiba, kem Jehudi khünakbu chifün mixnokbu füi oli tuita ma ngaxchu müicha hex? Tütama ngaxchu münmüi! Jehudi khünakbu ilaxle mixnokbu pangnusa wüi talailaile ochax zonge womle tüile le kue thoto wüi ahodaoa.

WANGSHEMBU MWOT 14:27

Okhie Antiok alopkya zuma khünaknu nyakle asox ilaxle Zange hokhi hanpakma chempangle mokdaopuix ibu pangnu mo wün üntoxlechu chixe mixnokbu angchu wüi chemle ongtsuak angkya olom daple koxpuix, ija apua.

WANGSHEMBU MWOT 14:1

Ikoniam machu ile wüi chang. Pol hia Barnaba nyi Jehudi nok sinagok to ngui ilaxle akax ikoxle Jehudi nok hia Grik khünakbu huanuma, chix to ongkyabu ang achangle Jisu hato hüi.

WANGSHEMBU MWOT 10:15

Ija kaxzinge anaolechu wüi chix füi akax: “Zange sax angkya oli changpu le thüikya tütalichu chisax chilingli ang taxachang.”

MÜNCHUAK-TSAI 51:10

O Zang, ku ma mongtsaokya alaile fahüi, üntoxle khüzün hia otsao chasa ku ma shole fahüi.

EZEKEL 47:22

ija a jento hünzom kux ang ngoüi. Hünzom khato ngole tüikya mixnokbu ilaxle opange ikhato supux-sapaile ngole tüipuix, hwome chuwüi hünzome ija haxtok tom-hanle changpongma hwom süntswon kop angkya changpu. Ibu to Israel nok nokpu tuita ningle huüi ilaxle hwome chuwüi Israel nok homjenbu füi tomle hwom haxtok kop angkya hanpakma chizing tswon ang tom angkya changle.