WANGSHEMBU MWOT 15:4 - OTSAO BAIBEL (BSI)

⁴ Hwom Jerusalem to nguikya ma müimüithome tamchu wangshembue üntoxlechu tüichong mixmüibue hwom wünpwon le pongle kop, ilaxle hwom hanpakma Zange mokkyabu pangnu hwom hama wün.

WANGSHEMBU MWOT 15:4 ပူးပေါင်းရင်းမြစ်များ

WANGSHEMBU MWOT 15:12

Barnaba hia Pol nyie, hokhi makhange mixnokbu khato khomtsikya hia ohünotün mwotbu mok ang tomkya Zang mwottho kaxwün wangkya atatkya zuma noknusa wüi dangle hokhi zangwün to natha le apa.

WANGSHEMBU MWOT 14:27

Okhie Antiok alopkya zuma khünaknu nyakle asox ilaxle Zange hokhi hanpakma chempangle mokdaopuix ibu pangnu mo wün üntoxlechu chixe mixnokbu angchu wüi chemle ongtsuak angkya olom daple koxpuix, ija apua.

WANGSHEMBU MWOT 15:3

Ile müimüithom khünaknue ibu tomle apao, üntoxle hwome Foinesia hia Samaria akaile leüi lom to hwome mixnokbu khristan ang achangle hüikya kaxwün wang; ilaxle ija kaxhoe mongong mixbu ang huanuma mong amüi.

ROM NOK HATO ZAKYA POL LAIZA 15:18

Otsao Chasa tsakzong makhange, münwan hia ohünotünbu tsakzong makhange, Khrista-e ku makhange mixnokbu Zang kax ma laxkya hato zunle apüi ang chem mokdao laxpuix, ija bama ku mongchongüi ilaxle zangwünüi.

WANGSHEMBU MWOT 21:17

Kwom Jerusalem ma nguikya zuma tüinaobue mongmüi atungle kwom wünpwonle kop.

2 JUHAN 1:10

Idaile, ija hwon-nwot chilax homtoxle nang hato owawa nguile jangchang, chix a nang hom ma pongle taxkop; “Nang füi mongsom naxtüi”, le ngaxchu taxthüi.

KOLOSI 4:10

Aristarkas, owa ku füi tomle kun ma tüipuix, chixe hünzom hato salam akatle, ilailaile Barnaba honao Mark-echu wüi salam akatle. (Chix hünzom hato namhüi thünba, Mark wünpwonle pongkop hüio le adangle fakya kax hünzome ami wüi kople thomdaoa).

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

2 KORIN 5:19

Zange Khrista makhange khünaknu füi muamüikya a kwom kaxho changle. Zange khünaknu ochax akiakle chithom ikoxle chemle hwom chix füi zuikhui ang achangpuix, ija kaxho kwome taipu.

1 KORIN 15:10

Ikoxlechu Zang chingcha tokhange anyix ku wangshem tuita ang achangle ngopu, ilaxle chixe ku ang fakya chingcha mwot ma chithaple chichang. Itülüi thüikox, ku tatae mokle lea münchang, Zang chingchae ku füi tomle mokpu, ikoxlechu wangshem mamabu füi kue wüi azongle mokpu.

ROM NOK HATO ZAKYA POL LAIZA 15:7

Khrista-e hünzom pongle kopkya ningle, Zang fuazang angkya hanpakma hünzome tata wünpwonle pongle koplax.

WANGSHEMBU MWOT 21:19

Pol-e hwom ang wünpwon salam kox ilaxle chix makhange Zange mixnokbu khato mokle hüikya bama bakle wün.

WANGSHEMBU MWOT 18:27

Apolo a Akaia to kaiüi le mongto texle kop, idaile Efisia angkya mongong mixbue, ikhato chix wün pongle kop-hüile Akaia angkya tüinaobu hato laiza fale chix to fong. Ikhato chix nguikya a, Jowanpa chingcha makhange mongong mixbu ang achangle tüikya khünakbu zongto chongkya ofong ang achang.

MATHI 10:40

“Owae hünzom pongle koppuix, chixe ku pongle koppu; üntoxle owae ku pongle koppuix, chixe ku tsanle ajokya mix pongle koppu.

WANGSHEMBU MWOT 11:30

Hwome ile mok ilaxle ija ngun Barnaba hia Sol hokhi makhange Jerusalem müimüithom angkya mixpa tüichongbu hato akat.

WANGSHEMBU MWOT 15:2

Pol hia Barnaba nyie hwom füi khünzule kax ma alat üntoxle Ija bama ala; idaile Pol hia Barnaba nyi füi tomle Antiok angkyachu khünak züita zünle koplaxle wangshembu hia tüichong mixmüibu füi apongle zangwün azut ang Jerusalem to pao angkya oli changle le zangwün.

WANGSHEMBU MWOT 15:6

Ija zangwün azutle wün ang wangshembu hia tüichong mixmüibu asox.

WANGSHEMBU MWOT 15:22

Ifüima wangshembu hia tüichong mixmüibue ilaxlechu müimüithom noknu motom laxle, hwomkha angkya khünak zün üntoxle Pol hia Barnaba füi tomle Antiok to akat angkya zangwün tsuak. Hwome Barnaba le nyakkya Judas hia Sila, hwom tüinaobu khama lomzunpa nyi zün.

WANGSHEMBU MWOT 16:4

Hwome tingkhuabu kaile lekya ma wangshembu hia tüichong mixmüibue Jerusalem ma wünle tsuakdaokya wanlombu mongong mixbu hama apukle kox üntoxle ibu to kax ma laxle tüi angkya hwom füi akax.