WANGSHEMBU MWOT 15:32 - OTSAO BAIBEL (BSI)

³² Judas hia Sila, opang aje changkya hex, hokhie tüinaohom ang zong adün ilaxle mong achenle ozulole zangwün.

WANGSHEMBU MWOT 15:32 ပူးပေါင်းရင်းမြစ်များ

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

WANGSHEMBU MWOT 13:1

Antiok angkya onok müimüithom khama züizüi ajebu tamchu nwot-mixbu tüikya. Hwom a: Barnaba, Simeon (mixnak le nyakkya), Lusia (Sirini tokya), Manahem (chongwangpa Herod füi tomle chongkya mix) üntoxle Sol.

1 PITAR 5:12

Mongong tüikya khristan tüinao tuita le kue esele tüikya Sila-e fongle, moxmoxsüle ija laiza kue hünzom hato zapu. Kue hünzom ang zong adünse tsupu üntoxle ija a Zang chingcha changtomtale le kue khüzün kaxkhi fase texpu. Ija ma shingmongle ajonglax.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

1 PITAR 5:1

Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:

2 TIMOTHI 4:2

kaxho apuk-apua angkya, (asukhakkya hanpak chichanglax changlax) Ija apuk-apua ang mongto zwomkya, anom-anai angkya, sa angkya ilaxle mong achen angkya, ibu nange adukya füi anwot-ano angkya bama kue nang ang mongtsukya tüihüi thüipu.

1 TIMOTHI 2:1

Ipue, zangjopkya, jukya, tamchu münchong, khünaknu nok hanpakma Zang ang laxkox;

2 THESALONIKA 3:12

Jowanpa Jisu mün ma kwome khünak ibu ang haxmüi zangmale ngo angkya tamchu ma wok tux ang mwot mokle chang angkya kaxtom fapu.

1 THESALONIKA 5:20

Chasa kaxhobu taxahai.

1 THESALONIKA 5:14

Tüinaohom, hünzome chem mwot chimokle ngokyabu ang kaxkhün laxkox, mongchyen chitüikyabu ang mongchyen laxkox, shonaikyabu to asunkox, pangnu füi thuakjokkya tüikox.

1 THESALONIKA 4:1

Oshukma tüinaohom, Zang mong amüikya tsün chemle ngoüihex, ija hünzome kwom makhange awanle laxlax. Hünzom ngole hüikya ija changle. Üntoxle athaxchu Jowanpa Jisu münma ifüi sütsexle mok-hüile kwome hünzom zongsaipu.

1 THESALONIKA 3:2

Ibama kwome Timothi, kwom tüinao owae kwom füi tomle Zang hanpakma mwot mokpuix, chix a Khrista bama Kaxho Müikya apuk ang tsanle apaoüi. Kwome chix hünzom zong adün ang tamchu hünzom mongong to fong ang tsanle apaopu,

1 THESALONIKA 2:11

Hopa tuitae naosa to humekya ningle kwom hünzom zongto tüikya hünzome awanle ngopu.

EFISIA 3:5

Amipongma ija huxsa bama khünaknüsa hama apuale chithom, ikoxle Zange Chasa makhange athax a ija wangshembu hia ajebu hato angaile aho.

1 KORIN 14:32

Zang kaxho apukle akax ngokya mixe ma hingho akumathum ang tho angkya oli changle.

1 KORIN 14:29

Zang kaxho fakya mixhuak anyi hia azom tukuxe akaxkox, ilaxle mamabue hwome wünkya zangwün azut ajangle changkox.

1 KORIN 14:3

Ikoxle Zang kax a apuk-apuakya mixe, hwom to fong ang, tamchu hwom zong adün ang, khünaknu füi akaxpu.

1 KORIN 1:8

Kem Jowanpa Jisu Khrista hanpak nguikya nyix hünzom ojao thaikya chitüile chang angkya hanpakma, chixe hünzom oshuk kople shingmongle ngo angkya koxüi.

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

ROM NOK HATO ZAKYA POL LAIZA 12:6

Idaile Zange kem ang fakya chingcha ma ajanglaxle keme malili hinghobu twon angkya changle. Kem hingho a Zang kaxho bama akax angkya jangchang thüikoxle kem ma tüikya mongong ma thütle ija keme mok angkya changle.

WANGSHEMBU MWOT 20:2

Chix ibu haxtok to aham ilaxle khünaknu ang zong adünle kaxhobu apua. Ifüima chix Grik nok to ngui.

WANGSHEMBU MWOT 18:23

Ikhato hidaole nui ilaxle chix achex. Mongong mixbu zong adün le chix Galatia hia Frigia haxtok akaile le.

WANGSHEMBU MWOT 15:41

Müimüithombu zong adün le chix Siria hia Silisia makhange le

WANGSHEMBU MWOT 15:22

Ifüima wangshembu hia tüichong mixmüibue ilaxlechu müimüithom noknu motom laxle, hwomkha angkya khünak zün üntoxle Pol hia Barnaba füi tomle Antiok to akat angkya zangwün tsuak. Hwome Barnaba le nyakkya Judas hia Sila, hwom tüinaobu khama lomzunpa nyi zün.

WANGSHEMBU MWOT 15:1

Jehudi tokya khünak züita ngui ilaxle Antiok angkya Jisu Khrista ma tüinaobu hama anwot-ano le thüi: “Mosa wanlom ma tüikya ningle khwonzüt zom chizing thüikoxle Zange hünzom kho münsünüi.”

WANGSHEMBU MWOT 11:27

Ituke aje züizüi Jerusalem tokya Antiok to ju.

WANGSHEMBU MWOT 2:40

Chixe hwom füi akaxkya isasa chichang; chixe hwom zongsai le chatlechu mamabu huanuma akaxle thüi: “Ma khosün koplax; ikoxletix ibu chichang-chizangkyabu sikngünkya ningle hünzom ang sik münngünüi!”

KAXHO MÜIKYA LUK 11:49

Idaile Zang hwon-je e thüile: ‘Kue hwom hato ajebu üntoxle kaxho mixbu ahüiüi, ibu züita hwome langüi, ilaxle mamabu to zothupüi!’

MATHI 23:34

Ija khoma kue hünzom hato ajebu hia manpabu tamchu nwotmixbu ahüiüi; hünzome züizüi langüi, züita pünsak ma taküi, ilaxle züita to a sinagokbu to fitüi, ilaxle hwom a tingkhua tuita angkya ata tingkhua to le jwonle ahamüi.

DANEL 11:1

Chix a ku to fong angkya hia ku kho awa angkya bama hünlit laxkya mix ang changle.

WANGSHEMBU MWOT 15:3

Ile müimüithom khünaknue ibu tomle apao, üntoxle hwome Foinesia hia Samaria akaile leüi lom to hwome mixnokbu khristan ang achangle hüikya kaxwün wang; ilaxle ija kaxhoe mongong mixbu ang huanuma mong amüi.

WANGSHEMBU MWOT 15:27

Kwome lai ma chemle zapuix ija khünak po jao nguilaxle tun ma wünle hünzom hama apua ang kwome Judas hia Sila nyi akat tüia.

WANGSHEMBU MWOT 15:31

Khünaknue ija laiza e ilaxle hwom ang zong adünkya kaxho to tüle mongmüi.