WANGSHEMBU MWOT 15:29 - OTSAO BAIBEL (BSI)

²⁹ Chapabu ang tö koxdaokya süt taxsax; aji taxsax; aji chiajen homle langkya müi taxsax; üntoxle chinunchakkai mwot füi atsaile ngolax; ile ibu chimok homle nang jangngo thüiba nang wan müiüi. Salam.”

WANGSHEMBU MWOT 15:29 ပူးပေါင်းရင်းမြစ်များ

WANGSHEMBU MWOT 15:20

Itülüi, chapabu ang tö koxkya chitsaokya süt taxsax; chinunchakkaikya füi atsaile ngolax; aji chiajen homle langkya müi hia aji chemchu taxsaxle apuale hwom hato lai wüi zahax.

WANGSHEMBU MWOT 21:25

Ikoxle mongong mixbu ang achangle hüikya mixnokbu hanpakma ‘chapabu ang koxkya süt taxsax; aji taxsax; üntoxle aji chiajen homle langkya müi chemchu taxsax; üntoxle hünzom chinunchakkai mwotbu füi malualua to atsaile ngolax’ le kwome wündaokya kax laiza le apuadaoa.”

MIKNGÜN-OHÜN 2:20

Ikoxlechu kue nang füi ija akaxpu: Owae ma alüile Zang kaxho mix changpu le thüipuix, ija mixcha Jezebel füi nange adu. Ku dabue chinunchakkai mwot mokkya tamchu chapabu ang koxdaokya süt saxkya a she hwon-nwot changle.

MIKNGÜN-OHÜN 2:14

Ikoxlechu nang füi wün angkya zangwün hidaole tüile: Balam hwon-nwot füito azuikyabu hünzom khama züizüi tüile. Israel khünaknu ang chapa ang koxdaokya süt sax ang tom angkya hia chinunchakkaile tüi angkya mwot mok ang tom angkya bama Balak hama anwot-ano le fakya mixsün a Balam changkya.

LIWI 17:14

Zünmok ang khüzün a aji ma tüipu, ikhoma Israel khünaknu füi, Jowanpa-e, aji füi afomle müi chemchu chisax angkya, ilaxle owawae ija saxle jangchangba ija khünak ang chemtuechu chix khünak ang chilax angkya akax.

JUD LAIZA 1:24

Owae hünzom düt ang thüikya kople thom ang tho, tamchu thaikya chemchu chitüile üntoxle mongmüi pwonla le, fuazangkya chix ngwotnui to hünzom apüi ang tho, chix ang,

1 JUHAN 5:21

Kuli-kunaohom, ma alüile othai zangbu chak tokya azünle thomlax!

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

1 TIMOTHI 5:22

Owawa Jowanpa mwottho tha ang kam angkya jangchang thüikoxle chix khangkho ma chak dan ang angangle taxmom. Mix ochaxbu khato hak ang taxthüi; ikoxle nange ma alüile atsao thomlax.

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

2 KORIN 11:9

Ku hünzom füi ngotanto, ngun laxsele thangkhüt pongma kue hünzom to poxbwom le chichang; kue laxsese komle Mesidonia tokhange nguikya tüinao hwome ku hato apüi toxpu. Ami ledaokya ziamachu ilaxle athax mahüikya ziamachu, ku hünzom hanpakma hünlix tuita ang münachangüi!

WANGSHEMBU MWOT 18:21

Itülüi, chixe achex üima hwom ang thüi: “Zang mong jangtsuba ku hünzom hato chatle chat-hüi angpuix.” Ilaxle chix Efisia to khua ma ka.

KAXHO MÜIKYA LUK 9:61

Mama mixe thüi: “Nwotmix, ku nang füito azuiüi, ikoxle owangole ku hom to chatlaxle kakonu füi wünzua kax akax toxhüi ang.”

WANGSHEMBU MWOT 23:30

Jehudi khünak züitabue chix lang ang tungle ngole le atatlaxle kue chix nang hato akat koxwüi müiüi changa le texle atakkya changa. Chix ma kaxhux fekyabu füi, chix to nang pomtho ma angaile salaxle kue akaxdaoa.”

PONGWANG LAIPEX 9:4

Ikoxle oli tuita hünzome chisax angkya a: ija angkya aji mapao tanto müi chisaxüi; aji ma khüzün tüikya khoma kue ija taxsaxle abaxpu.

TSAITONG-KAXTONG 12:16

Ikoxlechu ibu aji hünzome süt ang chilaxüi; hünzome ija ti thokle awütkya ningle haxkha to thokle awüt angkya changle.