WANGSHEMBU MWOT 15:28 - OTSAO BAIBEL (BSI)

²⁸ Ikhama tüikya chishan chidan wanlombu tok to hünzom ang chatle hünlix chifa angkya bama Otsao Chasa hia kwom mongtex tuita ma asüidaoa:

WANGSHEMBU MWOT 15:28 ပူးပေါင်းရင်းမြစ်များ

JUHAN 16:13

Ile changkoxchu, Otsao Chasa nguikya zuma, otsingtsing pangnu hato chixe hünzom zun angkya changle. Chixe ma mongtex ma chiakaxüi, ikoxle chempang chixe atat puix, ijabu bama tamchu hüi angkya chempang tüipuix, ijabu bama chixe hünzom ang awan ang tomüi.

MATHI 11:30

Chemthüikoxle kue hünzom ang fakya dang a chwonpai tamchu ku hün a chazangkya changle.”

MIKNGÜN-OHÜN 2:24

“Ikoxlechu Taithira nok ma ota tamtüikyabu hünzome ija ochax hwon-nwot man chito; oja ang mamabue ‘zule tüikya bao huxsa mwot’ le nyak Ija hünzome awanle chikop. Kue hünzom ang thüipu: Kue hünzom ang mama hünlix chemchu münfa.

1 PITAR 1:12

Zangkangting tokya ajokya Otsao Chasa tsakzong makhange kaxho mix opange hünzom hama ibu Kaxho Müikya apukkya hünzome atat laxpuix, ibu a kaxtaimixbue ngaxchu tsingle laxse tsukya oli changle. Ija kaxho pongma ajebu ang Zange ibu a hwom lap hanpak münchang ikoxle hünzom lap hanpak changle le angaile kox.

1 KORIN 14:37

Owawae chix Zang kaxho angkya mix chichang thüiba, chix ma Chasa hingho tüile le jangtex thüiba, kue hünzom hato zakya Zang kaxtom changle le chixe lax angkya changle.

1 KORIN 7:40

Ikoxlechu ku tutex ma she a ating anokle chichangkya wüi sümüi. Ija a ku mongtex, ilaxle kue thütpu, ku machu Zang Chasa tüile.

WANGSHEMBU MWOT 15:19

“Idaile ku mongtex ma a keme khristan ang achangle hüikya mixnok tüinao hwom atsang koxle münmüiüi.

WANGSHEMBU MWOT 15:8

Üntoxle Zang, owae noknusa kün-mong awan laxpuix, chixe kem ang koxkya ningle hwom angchu Otsao Chasa koxkya makhange mixnokbuchu wüi Zang to ongkyabu ang achang tsuaküile ahole.

WANGSHEMBU MWOT 5:32

Kwom ilaxle kwom füi tomle, Zange chix kax ma laxkyabu ang hingho ang fakya Otsao Chasa, kwom pangnu wüi ibu bama kaxkhi changpu.”

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

1 KORIN 7:25

Athax, hünzome zakya kako matankyabu zangwün bama: Jowanpa chitokya kaxtom kuma müntüi, ikoxle Jowanpa chingcha ma mongong tangkya khünak tuita ningle kue ku mongtex fapu.

WANGSHEMBU MWOT 15:25

Idaile kwombibi asoxlaxle kaxho mix zün üntoxle hünzom hato akat ang azuadaoa. Hwom a Barnaba hia Pol,

MATHI 23:4

Chisang tangkya hünlix hwome khünaknu tok ma khale koxle ikoxle hwome ibu nwon ang fongle chakkhi zata füi ngaxchu asun angkya mong chidong.

WANGSHEMBU MWOT 16:4

Hwome tingkhuabu kaile lekya ma wangshembu hia tüichong mixmüibue Jerusalem ma wünle tsuakdaokya wanlombu mongong mixbu hama apukle kox üntoxle ibu to kax ma laxle tüi angkya hwom füi akax.